Galatarja 4:17 - O Debleskro Lab 2024 (Sinte-Manouche)

¹⁷ Kova hi gar mishto, hoy kol menshe krenna, kay nashenn t'menge palla, te shounenn t'mer ap lende. Yon kamenn t'men mandar krik te lell, te nashenn t'mer lenge palla.

O Debleskro Drom 2021 (Sinte)

¹⁷ Kowa hi gar mishto, hoi kol menshe krenna, kai nashenn tumenge palla, te shunenn tumer ap lende. Jon kamenn tumen mandar krik te lell, te nashenn tumer lenge palla.

Galatarja 4:17 Referans Kwoze

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

1. Korintarja 4:8

T'mer krenn, har te vans čalo oun djinans halauter. T'mer krenn, har te vans bravelo. T'mer krenn, har te vans raya. Mer ham kek raya. Me kamoms, te vans čačepah raya. Palle vams mer t'mentsa khetne raya.

Remarja 10:2

Me djinau čačepah, yon krenn boud koova o tselo djiyeha o Debleske. Ninna te krenn le kova, djinenn le čačepah gar, hoy o Devel kamella.

Mateo 23:15

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen. T'mer djan pral i tseli phoub, te anenn i menshenge o biboldengro patsepen. Oun te djivell yek pal t'maro patsepen, palle krenn lestar i bengeskro čavo. Oun yob vell douy kope čilačeder har t'mer han.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

Filiparja 2:21

Kol vavar krenn lauter, hoy lenge mishto hi. Yon krenn gar, hoy o Yezous Kristo kamella.

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.

1. Korintarja 11:2

Me hom barhtelo pral t'mende, te bistran t'mer gar, hoy me t'menge penom. Kova, hoy shounom oun t'menge penom, krenn t'mer.

1. Korintarja 4:18

Pash t'mende hi menshe, kay phourdenn pen pre oun krenn, har te voms gar pale pash t'mende.

Galatarja 4:16

Kanna, kay penau t'menge o čačepen, han t'mer čilačo ap mande?

Galatarja 4:18

Me penau t'menge: Nashenn kova palla, hoy lačo hi! Krenn kova hako tsiro, ninna te hom me gar pash t'mende!