Galatarja 3:15 - O Debleskro Lab 2024 (Sinte-Manouche)

¹⁵ Mire phrala, kanna rakrau pral čomone, hoy t'mer lauter prindjrenna. Te krenn douy menshe čomone vin oun denn pengro dadeskro vast koy pre, nay penell kek: Kanna hi kova bouder či moldo. Vitar gar nay čivell yek čomone koy pashel.

O Debleskro Drom 2021 (Sinte)

¹⁵ Mire phrala, kanna rakrau pral tchomone, hoi tumer lauter prindjrenna. Te krenn dui menshe tchomone win un denn pengro dadeskro wast koi pre, nai penell kek: Kanna hi kowa buder tchi moldo. Witar gar nai tchiwell jek tchomone koi pashel.

Galatarja 3:15 Referans Kwoze

Remarja 6:19

Me penom t'menge kova yaake, te hayvenn man nay. Har hans gomme gar patslo, kran t'mer djoungelo oun čilačo koova. Oun o čilačepen an t'mende vas baro oun bareder. Kanna hi kova vavarčandes. Doleske krenn kova, hoy lačo oun čačo hi! Yaake djivenn t'mer o Debleskro djipen.

Remarja 3:5

Kanna poučau t'mendar: Hi i menshen gar čačo, te penenn le: “Hi maro čilačepen baro, vell o Debleskro lačepen bareder. Doleske hi o Debles gar čačo, te dell lo men i phagi.”

1. Korintarja 15:32

An o foro Efesus kourom man me menshentsa, kay yaake hi har divye firhe. Te patsoms me gar, kay i moule pre stenna, kroms me kova gar. Te stenna i moule gar pre, hi kol vavaren čačo, te penenn le: “Rhas oun piyas! Taysar nay ham moulo!”

Bičepangre 1:15

An kolla divessa van boud patsle khetne, sheel-te-biish menshe. Mashkral lende stas o Petro pre oun penas:

Remarja 1:13

Mire phrala, t'mer hounte djinenn, boud kope kamom pash t'mende te vell, oun nay vom gar. Me kamoms ninna an t'maro foro menshen ap o Yezouseskro drom te anell, yaake har me kova ninna krom an i vavar themma.

Galatarja 6:18

Mire phrala, mangau maro rayestar, o Yezous Kristestar, te vell lo t'menge lačo. Amen.

Hebrearja 6:13

Te dell i mensho peskro lab, dell lo peskro dadeskro vast koy pre. Leskro dad hi bareder har yob. Yaake sikrell lo o vavares, te krell lo čačepah kova, hoy yob penas. Oun ko vavar patsell les. Har das o Devel o Abrahameste peskro lab, das lo peskro vast koy pre. His kek, kay his bareder har o Devel. Oun o Devel penas: Čačepah, boud barht moukau pral toute te vell, oun toutar venna boud boud čave. Oun o Abraham patsas o Debles, oun vitsras gar peskro patsepen ap i rig. Oun yaake las lo kova, hoy o Devel leske penas.

1. Familjakro liil 16:16

Kova hi ko lab, hoy das lo o Abrahameste, koy sovel, hoy das lo o Isaakeste,