Galatarja 1:19 - O Debleskro Lab 2024 (Sinte-Manouche)

¹⁹ Kol vavar bičepangren, kay o Yezous Kristo glan mande pash i menshende bičras, kolendar dikom me kekes kote har o Yakobo kokres, o Yezouseskro phraal.

O Debleskro Drom 2021 (Sinte)

¹⁹ Kol wawar bitchepangren, kai o Jesus Kristo glan mande pash i menshende bitchras, kolendar dikom me kekes kote har o Jakobo kokres, o Jesuseskro phraal.

Galatarja 1:19 Referans Kwoze

Mateo 13:55

Hi kova gar o čavo kolestar, kay boudrell i kashtentsa. Hi leskri day gar i Maria? Oun hi o Yakobo, o Yosef, o Simon, oun o Youdas gar leskre phrala?

Markus 6:3

“Hi kova gar ko morsh, kay boudrell i kashtentsa? Hi leskri day gar i Maria? Hi leskre phrala gar o Yakobo, o Yosef, o Simon, oun o Youdas? Oun ninna leskre phenya djivenn pash mende.” Oun yon rhoyran pen pral leste.

Mateo 12:46

Oun har yob kova kol menshenge penas, kay troul leste tardo his, koy vas leskri day oun leskre phrala. Yon his vin tardo, oun kaman leha te rakrell.

1. Korintarja 9:5

Hi men gar ko čačepen, te romedinerah nay i patsli djouvyat, oun te las lat mentsa, yaake har krenna kol vavar Yezouseskre bičepangre oun leskre phrala oun o Petro?

Mateo 10:3

o Filipo, oun o Bartolomeo, o Thomas oun o Mateo, kay i biboldendar love i Remaryenge dren las, oun o Yakobo, – koleskro dad his o Alfeo, oun o Tadeo,

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

Bičepangre 12:17

I vastentsa sikras lo len, te denn le kek gole, oun penas lenge, har o ray Yezous les dran o stilepen vin las. Oun ninna penas o Petro lenge: “Penenn kova o Yakobeske, oun kol vavar phralenge!” Palle djas yob vin, oun djas peske an i vavar foro.

Louka 6:15

o Mateo, o Thomas, o Yakobo, koleskro dad hi o Alfeo, oun o Simon, kay hi kol menshendar, kay kharenna Zelotarya

Markus 3:18

Mank kol deesh-te-douyende his ninna o Andreas, oun o Filipo, oun o Bartolomeo, oun o Mateo, oun o Thomas, oun o Yakobo, koleskro dad hi o Alfeo, oun o Tadeo, oun o Simon, kay his kol menshendar, kay kharenna Zelotarya,

Bičepangre 1:13

An o foro Yerusalem djan le an ko kheer, an koy pralstouni isema, kay yon khetne ačan: O Petro, o Yohanni, o Yakobo, o Andreas, o Filipo, oun o Thomas, o Bartolomeo, oun o Mateo, oun o Yakobo, koleskro dad o Alfeo hi, oun o Simon, kay hi kol menshendar, kay kharenna Zelotarya, oun o Youdas, o Yakobeskro čavo.

Louka 8:20

Koy penas yek ap leste: “Tiri day oun tire phrala hi vin tardo, oun kamenn tout te dikell.”