Galatarja 1:15 - O Debleskro Lab 2024 (Sinte-Manouche)

^15-16 O Debles his i vavar drom mange. Yob kamas mande peskro čaves te sikrell, te djinap, koon yob hi. Har me gomme gar boldo homs, rodas yob man vin. Oun yob his mange lačo oun das man gole, te djap pash kolende, kay kek bibolde hi, te penap lenge leskro čavestar. Har o Devel man pash lende bičras, poučom gar i menshendar, te penenn le mange, hoy te krap,

O Debleskro Drom 2021 (Sinte)

^15-16 O Debles his i wawar drom mange. Job kamas mande peskro tchawes te sikrell, te djinap, koon job hi. Har me gomme gar boldo homs, rodas job man win. Un job his mange latcho un das man gole, te djap pash kolende, kai kek bibolde hi, te penap lenge leskro tchawestar. Har o Dewel man pash lende bitchras, putchom gar i menshendar, te penenn le mange, hoi te krap,

Galatarja 1:15 Referans Kwoze

Jeremia 1:5

Me prindjrom tout, glan te krom tout an tiri dakro per, oun rodom tout vin, glan te val boldo, te vess miro rakepaskro i menshenge dran i tsele themma.

Jesaja 49:5

Kova his o baro Devel, kay kras man yaake, te vap leskro boudepaskro, har gomme gar boldo vom. Yob kamell, te anap o Yakobes pale pash leste, yaake te vell o tselo Israel pash leste khetne. Oun miri boudi hi boud moldo an i yaka o baro Deblestar. Miro Devel vas miri zoor. Kanna shounenn, hoy lo penas:

Jesaja 49:1

Shounenn ap mande, t'mer kay pash o baro pani djivenn! Denn yak ap miro rakepen, t'mer an i themma, hoy dour krik hi! Har gomme gar boldo vom, das man o baro Devel gole, oun das man miro lab.

2. Timoteo 1:9

Yob las men dran o čilačepen vin, oun das men gole, te djivas leha khetne. His gar dran maro lačo koova, te das lo men gole. Na-a. Kova his an leskro dji, te vas lo menge lačes. Har o bolepen oun i phoub gomme gar koy his, his an leskro dji, te bičrell lo o Yezous Kristes menge ap i phoub.

Efesarja 1:5

te penas lo glan i rah tsiro an peskro dji, te vas mer leskre čave. Oun o Yezous Kristo kras, te vam mer o Debleskre čave, yaake har o Devel kova kamas,

1. Korintarja 1:9

Kova, hoy o Devel penella, kova rikrell yob ninna. O Devel das t'men gole, te venn hako tsiro peskro Čaveha, o Yezous Kristeha, khetne. Oun kova hi maro ray.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Remarja 8:30

Kolen yob vin rodas, kolen das lo ninna gole, te djivenn le leha khetne. Oun kolen, kay yob gole das, kolen čivas lo an o čačepen. Oun kolen, kay yob an o čačepen čivas, kolen kras lo ninna erligo, te djivenn le leha khetne an leskro raylepen.

Remarja 1:5

Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste.

Mateo 11:26

Ava tata, yaake kamal tou kova.

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

Efesarja 3:11

Kova, hoy les glan i rah tsiro an peskro dji his, kova kras lo, har yob o Yezous Kristes menge ap i phoub bičras. Kova vas maro ray,

Efesarja 1:9

Kek mensho djinas, hoy o Devel kamas te krell. Mende sikras lo, hoy les an peskro dji hi. Kova, hoy yob kamell te krell, krell lo o Yezous Kristeha.

Galatarja 1:6

Mange ačas o rakepen krik, har me shounom, kay t'mer moukan yaake sik o Yezouseskro drom. O Devel das t'men gole, te patsenn ap o Yezous Kristeste, kay his yaake lačo ap t'mende. Oun kanna shounenn t'mer ap menshende, kay kamenn t'men ap i vavar drom te anell.

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

1. Korintarja 1:24

Mank kolende, kolen o Devel peske vin rodas, hi bibolde oun save, kay kek bibolde hi. Yon te shounenn o lab o Yezous Kristestar, palle dikenn le an leste o Debleskri zoor oun leskro gosvepen.

1. Korintarja 1:1

Kava liil činau me, o Paulo. O Yezous Kristo rodas man vin, te vap leskro bičepaskro. Kova kamas o Devel yaake. Oun me oun maro phraal Sostenes činah kava liil

Louka 10:21

An ko tsiro das o Debleskro Dourho o Yezouses i bari barht an o dji. Oun yob penas: “Tata, tou hal o ray pral o bolepen oun i phoub, oun me sharau tout. Kova, hoy tou kreh, sikral tou kolende, kay gar boud djinenna. Oun kolla, kay gosevo hi oun boud djinenna, kolla hayvenn kova gar. Ava, yaake kamal tou kova.

Remarja 9:24

Oun mank kolende ham mer. Dran i tsele menshende rodas lo men vin, gar dran i bibolde kokres.

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

Galatarja 1:1

Me, o Paulo, činau kava liil ap i patslende, kay venn khetne an o them Galatia. O Yezous Kristo das an miro vast, te penap i menshenge leskro lab. Me hom gar i menshendar bičedo. Kova, kay bičras man, hi o Yezous Kristo oun o Devel, maro dad. Kova kras les i moulendar djido.