Filiparja 4:7 - O Debleskro Lab 2024 (Sinte-Manouche)

⁷ Palle dell o Devel t'men peskri barht an o dji. Leskri barht hi yaake baro, kay nay hayvah kova gar. Oun o Yezous Kristo rikrell t'maro dji, oun lell t'mari daar krik.

O Debleskro Drom 2021 (Sinte)

⁷ Palle dell o Dewel tumen peskri bacht an o dji. Leskri bacht hi jaake baro, kai nai haiwah kowa gar. Un o Jesus Kristo rikrell tumaro dji, un lell tumari daar krik.

Filiparja 4:7 Referans Kwoze

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Jesaja 26:3

Baro Devel, tou rikreh tire vasta pral kolende, kay moukenn pen gar toutar krik te tserdell, oun deh len shoukapen an o dji. Ap toute rikrenn le pen.

2. Tessalonikarja 3:16

Maro ray Yezous, kolestar vella i tseli barht, kolestar mangau, te dell lo t'men hako tsiro peskri barht an o dji, kote, kay t'mer han. Maro ray Yezous djal t'mentsa lauterentsa!

Kolossarja 3:15

O Yezous Kristo das t'men pash peste gole, te djivenn lauter leha khetne. Djivenn kanna yaake, te han t'mer yek dji oun yek djipen! Oun parkrenn t'men pash o Debleste!

Debleskri gili 29:11

O baro Devel dell peskre menshende zoor, ninna barht oun lačo koova.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Remarja 15:13

Oun o Devel, kolestar o tselo lačepen vella, ap koleste dikah, lestar mangah, te venn t'mer čalo i barhtyatar an o dji dran t'maro patsepen, yaake te djinenn t'mer: Ko lačepen, hoy dell men o Devel an o tsiro, hoy vella, kova vell čačepah. Oun o Debleskro Dourho dell t'men i zoor, te dikenn boud oun boudeder ap o Debleste.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Remarja 8:6

Kolla, kay djivenn yaake, har yon kamenna, kolla merenna. Kolla, kay krenna, hoy o Debleskro Dourho lenge penella, kolla len o Debleskro djipen oun leskri barht.

Remarja 5:1

Maro patsepen ap o rayeste, o Yezous Kristeste, kras men čačo glan o Debleste. Oun o Debleskri rholi vell bouder gar ap mende.

Efesarja 3:19

ninna te hi leskro kamlepen bareder har lauter, hoy an mare shere dren djala. Te hayvah leskro kamlepen boud oun boudeder, palle djivell o Devel boud oun boudeder an mende.

Jesaja 48:18

Kamaus, te shounals tou ap mire laba. Palle vals yaake boud lačepen an tiro djipen, har pani an i lengsto pani hi. Oun pale te pale vals barht ap toute, yaake har o baro pani pale te pale ap o them nashell.

Hiob 22:21

Yaake, ab o Debleha pale an o lačepen! Oun ma činge leha! Palle vell pale barht an tiro djipen.

Remarja 14:17

Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.

Jesaja 48:22

Kava tselo lačo koova, hi gar i čilačenge, penell o baro Devel.

Debleskro tsiro 1:4

Me, o Yohanni, činau kava liil ap i tsele patslende, kay an i efta forya an o them Asia khetne venna. Lačepen oun barht t'menge! Kova dell t'men o Devel! Yob djivella hako tsiro: kanna oun an ko tsiro, hoy his oun hoy vella! Lačepen oun barht t'menge! Kova dell t'men o Debleskro Dourho! Kova hi har efta yaga glan o Debleskro beshepaskro tardo.

Louka 1:79

oun vell diklo kolendar, kay hi len traash o merepastar. Kay bari momeli anell men ap o drom, kay vella o Debleskri barht ap mende.”

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

4. Mose 6:26

O baro Devel dikell kamles ap t'mende oun dell t'men shoukapen an o dji!

Louka 2:14

“Baro hi o Debleskro raylepen an o bolepen! O Debleskri barht vell ap i phoub. Yob dikell lačes ap i menshende.”

Debleskri gili 85:8

Baro Devel, ab menge lačes, oun kre lauter menge pale mishto!

Filiparja 4:9

Oun djivenn yaake, har me t'menge penom oun sikrom, yaake har t'mer kova mandar shounan oun ap mande dikan! Oun o Devel, kay kras i drom, te nay djivah an o lačepen khetne, hi t'mentsa!

Gosewe laba 6:22

Te djah, sikrenn le touke o drom, te čiveh tout, denn le ap toute yak. Oun te steh pale pre, venn le touke an o shero.

Jesaja 26:12

Baro Devel, le o kourepen krik, te djal menge mishto! Lauter hoy kram, kral tou menge.

Gosewe laba 4:6

Ma mouk o gosvepen! Te hal gosevo, veh tou vin lino dran o čilačepen. Te kameh o gosvepen, hi lo har i zorelo kheer troul toute.

Remarja 1:7

Ap t'mende halauterende činau kava liil. O Devel kamell t'men o djiyestar, oun das t'men gole, te djivenn leha khetne. Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!

Gosewe laba 2:11

Oun tou deh yak, har te djivess, oun djineh, hoy mishto hi,

Nehemia 8:10

Oun yob penas pale ap lende: “Djan koy oun rhan thoullo rhapen oun piyenn goudlo pipen! Oun bičrenn kolestar ninna kolenge, kay kran pen kek rhapen! Kava dives hi i baro dives o Debleske, maro rayeske. Moukenn t'menge o dji gar phares te vell! Na-a, moukenn t'mare djia givenn o baro Debleske! Palle han zorelo.”

Jeremia 33:6

Kanna shoun, me kamau kava foro pale zoreles te krell, oun leskro doukepen sasto te krell, te djal leskre menshenge mishto, oun te nay djivenn le kek daryah.

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Debleskro tsiro 2:17

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau ko maro dran o bolepen te rhal, hoy kharella Manna. Ninna dau les i parno bar. Ap koleste hi o nevo lab činlo, koles kek prindjrell, har kova, kay les lella.”

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.

Filiparja 1:2

Mou vell t'men lačepen oun barht an o dji! Kova dell t'men o Devel, maro dad an o bolepen, oun maro ray, o Yezous Kristo.

Jeremia 32:16

Oun har dom me ko liil o Baroukeste, koleskro dad o Neriya his, rakrom o baro Debleha oun penom:

2. Korintarja 10:5

Te penenn yon, te dals kek Devel, sikrah mer, kay lengre pre-phourde laba gar čačo hi. Halauter, hoy lenge an o shero trouyel djal oun hadell pes pral o Yezous Kristeste pre, dah mer paash.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

Filiparja 4:19

Miro Devel dell ninna t'men lauter, hoy t'men hounte vell djipaske. Les hi i baro bravlepen an o bolepen. Kova dell lo kolen, kay djan ap o Yezous Kristeskro drom.

Filiparja 4:21

Penenn ap kol tsele patslende, kay djan ap o Yezous Kristeskro drom: “Ačenn maro Debleha!” Kova penenn t'menge ninna kol phrala, kay pash mande hi, ninna i tsele patsle, kay kate an o foro Rom hi. Kolla, kay boudrenn an o kheer o baro rayestar an o foro Rom, kamenn t'men o tselo djiyestar.