Filiparja 4:6 - O Debleskro Lab 2024 (Sinte-Manouche)

⁶ Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

O Debleskro Drom 2021 (Sinte)

⁶ Ma darenn tchi! Hako tsiro mangenn o Deblestar, hoi tumen hunte well, un penenn leske lauter, hoi ap tumaro dji hi! Un parkrenn tumen pash leste!

Filiparja 4:6 Referans Kwoze

1. Petro 5:7

Lauter, hoy hi t'men phares ap o dji, vitsrenn ap leste! Yob krell lauter mishto.

Debleskri gili 55:22

Leskro rakepen hi goudlo har gvin. An leskro dji kamell le o kourepen. Leskre laba hi har djet, oun činenn har rhare.

Mateo 6:8

Ma krenn kova yaake har yon! Oun o baro Devel, kay hi t'maro dad an o bolepen, djinella, hoy hounte vell t'men djipaske. Yob djinella kova glan ko tsiro, kay t'mer les mangenna.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Gosewe laba 16:3

Čip kova, hoy tou kameh te krell an o baro Debleskro vast, oun yob moukell kova yaake te vell, har touke glan lal.

Debleskri gili 62:8

Miro Deblestar vell, te vap vin lino dran o čilačepen, oun te vap an-diklo. Lestar vell miri zoor, pash miro Debleste khatrau man.

Kolossarja 4:2

Ma moukenn tele, te mangenn o Debles! Parkrenn t'men hako tsiro pash leste!

Efesarja 6:18

Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

Kolossarja 3:17

Oun lauter, hoy t'mer krenna oun penenna, kova krenn oun penenn yaake, te vell maro ray Yezous sharedo! Oun parkrenn t'men pash o Debleste, maro dadeste, lautereske, hoy o Yezous Kristo t'menge kras!

Louka 18:1

Oun o Yezous penas lenge laba, kay i khatedo čačepen dren hi, te sikrell lo len, te hounte mangenn le o Debles hako tsiro, oun te hounte moukenn le gar tele, te denn le les gole. Oun yob penas:

Louka 12:22

Oun o Yezous penas peskre malenge: “Doleske penau t'menge: Ma darenn t'maro djipaske! Ma darenn, te vell t'men či te rhal, vitar gar, te vell t'men či an-ripaske!

Debleskri gili 51:15

Kolen, kay shounenn gar ap toute, kamau me tiro drom te sikrell, te moukenn le pengro čilačo drom, oun venn pale pash toute.

Kolossarja 3:15

O Yezous Kristo das t'men pash peste gole, te djivenn lauter leha khetne. Djivenn kanna yaake, te han t'mer yek dji oun yek djipen! Oun parkrenn t'men pash o Debleste!

1. Samuel 30:6

Oun i morshengre djia rovan pral lengre čavende oun čen, oun yon van yaake rhoyedo ap o Davideste, te kaman le les moulo te dell i barrentsa. Oun o David vas an i pharo tsiro. Oun yob las peskri zoor o baro Deblestar, kay leskro Devel hi.

Efesarja 5:20

Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!

Debleskri gili 55:17

Me dau ap miro Debleste gole. Oun o baro Devel lell man vin dran lengre vasta.

Louka 10:41

Koy penas o ray: “Marta, Marta, tou mareh tout tele, oun kreh touke boud boudi.

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Mateo 10:19

Kova te vell, palle ma darenn, hoy t'mer hounte penenna! O Devel sikrell t'mende, hoy t'mer hounte penenna ap ko dives.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Louka 12:29

Ma darenn, hoy t'mer taysar rhana oun piyenna!

1. Samuel 1:15

I Hanna penas: “Ma rikrenn man mateske, miro ray! Mool piyom me gar oun či vavar, hoy yekes mato krell. Me hom či vavar har i djouvel, kay lat i pharo dji hi. Oun kova čorom vin glan o baro Debleste.

2. Korintarja 1:11

Ninna mangan t'mer o Debles menge. Te mangenn boud menshe les menge, palle parkrenn pen ninna boud pash leste, te dikenn le o lačepen, hoy yob men das.

1. Korintarja 7:32

Me kamoms, te vell t'maro dji gar pharo. Koon gar romedino hi, nay vell o Yezouseske, maro rayeske, o tselo djiyestar koy.

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Daniel 3:16

Oun o Shadrak, o Meshak oun o Abed-Nego penan ap o baro rayeste Neboukadnezar: “Mer hounte penas touke kate či!

2. Familjakro liil 32:20

Oun o baro ray, o Hiskiya, oun o Debleskro rakepaskro, o Yesaya, koleskro dad o Amoz his, dan gole ap o baro Debleste an o bolepen, te vell lo lenge ap i rig.

1. Samuel 7:12

Oun o Samuel las i bar oun čivas les pre mashkral Mispa oun Shen, oun das les o lab Eben-Eser, oun penas: O tselo drom his o baro Devel ap mari rig.

Kamlepaskri gili 2:14

Miri tauba, ma khate tout glan mande, har i čirklo khatrell pes mank i bare barra, an o khatepen ap i berge! Mouk man tout te dikell, mouk man tout te shounell! Goudlo hi tiro rakepen, oun kamles dikeh tou vin.

1. Korintarja 7:21

Te hals tou i pandlo boudepaskro, har o Devel tout gole das, hounte doukrell tout kova gar! Te penell tiro ray, kay tou leske boudreh: “Tou nay dja touke!” palle nay djah touke tou, oun hal bouder kek pandlo boudepaskro!

1. Rajengro liil 8:28

Miro baro Devel, tou hal miro ray. Shoun, hoy toutar mangau kava dives! Shoun miro mangepen!

Jeremia 32:16

Oun har dom me ko liil o Baroukeste, koleskro dad o Neriya his, rakrom o baro Debleha oun penom:

Daniel 6:10

Yaake moukas o baro ray kava lab pre te činell oun čivas peskro lab tele.

Mateo 6:34

Doleske penau t'menge: Ma darenn glan kova, hoy taysar vella! Moukenn o vavar dives ap t'mende te vell, oun palle dikenna, hoy te krenn! Hako dives hi t'men doha, hoy krell t'maro djipen phares.

1. Timoteo 2:1

Me penau t'menge kanna, hoy hounte krenn oun gar moukenn: Mangenn o Debles i tsele menshenge! Penenn leske lauter, hoy ap t'maro dji hi! Parkrenn t'men pash o Debleste lautereske, hoy yob das!

1. Timoteo 5:5

I patsli djouvel, kay hi lat bouder kek rom, vitar kek vavar menshe, kolake hounte venn t'mer koy. Koya dikell ap o Debleste kokres oun mangell lestar, te dell lo lat doha djipaske. Yoy mangell les i tselo djiyestar o dives oun i rati, oun moukell gar tele.