Filiparja 4:15 - O Debleskro Lab 2024 (Sinte-Manouche)

¹⁵ T'mer patsle, kay an o foro Filipi djivenna, t'mer djinenna, har krom man ap o drom, te penap i menshenge o lačo lab o Yezous Kristestar, oun djom dran o them Macedonia vin. An ko tsiro dan t'mer man lauter, hoy man hounte vas djipaske. Kek vavar patsle, pash kolende homs, kran kova, har t'mer kokres.

O Debleskro Drom 2021 (Sinte)

¹⁵ Tumer patsle, kai an o foro Filipi djiwenna, tumer djinenna, har krom man ap o drom, te penap i menshenge o latcho lab o Jesus Kristestar, un djom dran o them Macedonia win. An ko tsiro dan tumer man lauter, hoi man hunte was djipaske. Kek wawar patsle, pash kolende homs, kran kowa, har tumer kokres.

Filiparja 4:15 Referans Kwoze

Filiparja 1:5

T'mer boudran mantsa khetne, har mer sikram i menshende o Yezouseskro drom. Kova kran t'mer, har patslo van, oun moukan gar tele bis kava dives.

Bičepangre 16:40

Oun o Paulo oun o Silas djan pale an o kheer, kay i Lydia djivell. Oun har yon kote pengre phralen dikan, penan yon lenge: “Ma darenn! Ačenn o Debleha!” Palle djan yon dran ko foro vin.

2. Rajengro liil 5:20

O Debleskro morsh, o Elisa, les his i boudepaskro. Leskro lab his Gehasi. Kova penas ap peste: “Miro ray moukas o Naaman te djal oun las lestar či, hoy kova leske anas. Kava Syrari hounte playsrals čomone. Pash o djido Debleste, me nashau leske pal, te dell yob man čomone.”

2. Rajengro liil 5:16

O Elisa penas: “Me dau man sovel pash o djido Debleste, koleske boudrau, me lau kova gar.” Oun ninna har mangas lo lestar o tselo djiyestar, te lell yob kova an, kamas o Elisa gar.

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

Filiparja 1:12

Shounenn, mire phrala, me kamau te djinenn t'mer kova: Dran lauter, hoy ap mande vas, shounan boud menshe o lačo lab o Yezous Kristestar.

Filiparja 2:12

Mire kamle phrala oun phenya, t'mer shounan hako tsiro ap kova, hoy me t'menge penom, har pash t'mende homs, ninna kanna, kay gar pash t'mende hom. Me penau t'menge: Krenn lauter, te ačenn ap o Debleskro drom, bis te han pash leste! Shounenn ap o Debleste, oun trashenn lestar!