Filiparja 2:7 - O Debleskro Lab 2024 (Sinte-Manouche)

⁷ Yob das kova lauter pre, oun vas i mensho, oun djivas har i menshe. Yob vas i boudepaskro o Debleske,

O Debleskro Drom 2021 (Sinte)

⁷ Job das kowa lauter pre, un was i mensho, un djiwas har i menshe. Job was i budepaskro o Debleske,

Filiparja 2:7 Referans Kwoze

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

Galatarja 4:4

Har ko čačo tsiro vas, bičras o Devel peskro čaves. Kova vas i mensho, oun pandlo ap o Moseskre laba.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

Remarja 15:3

Ninna o Yezous Kristo dikas gar ap peste, te djal leske mishto. An o Debleskro lab hi činlo pral leste: O praasepen kol menshendar, kay o Debles praasan, peras ap leste.

Jesaja 53:11

Yob las yaake boud daar oun douka ap peste, doleske dikell yob ninna i momeli, oun leskro dji vell čalo. Miro boudepaskro hi tardo an o čačepen. Oun dran kova lauter, hoy ap leste vas, nay čivell yob ninna boud menshen an o čačepen. Oun lengri doosh lell yob ap peste.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Louka 22:27

Koon kol douyendar hi bareder: Kova, kay pash i rhapaskri beshdo hi? Kova, kay čivell o rhapen ap i rhapaskri? Čačepah, kova, kay pash i rhapaskri beshdo hi! Oun me hom mashkral t'mende har yek, kay t'menge boudrella.

Remarja 15:8

Oun me penau t'menge: O Yezous Kristo vas i biboldenge, te dikenn le, o Devel rikrell ap peskro lab, hoy das yob lengre phourende.

Filiparja 2:6

Ninna te his lo o Devel, moukas lo peskro raylepen oun peskri zoor, hoy les an o bolepen his.

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Debleskri gili 22:6

Ap toute dan le gole, oun tou lal len vin. Ap toute dikan le, oun tou moukal len gar kokres.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Mateo 12:18

O Devel penella: Dik, kova hi miro boudepaskro, kay me mange vin rodom. Koles kamau o djiyestar. Pral leste hom barhtelo. Me čivau miro Dourho ap leste. Oun yob penell i tsele menshenge, hoy me lendar kamau.

Hebrearja 13:3

Ma bistrenn kolen, kay hi an o stilepen. Denn lende kova, hoy len hounte vell djipaske, yaake har te vans t'mer kolla, kay stildo hi! Avenn ninna kolenge koy, kay van palla lino oun lan dava. Avenn lenge yaake koy, har vans t'mer kolla, kay van palla lino oun lan dava.

Remarja 1:3

Ko drom hi o Debleskro čavo. Kova vas i mensho oun vas o Davideskre menshendar. Yob vas ninna o Deblestar. O Devel sikras i bari zoryah, te hi lo leskro čavo, har kras lo les i moulendar djido. Kova hi o Yezous Kristo, maro ray.

Markus 9:12

Koy penas lo ap lende: “Čačepah, o Eliya vell oun anell o Debleskre menshen pale khetne. Hoske hi činlo pral o Menshengro Čaveste, kay hounte venn boud douka ap leste oun kay i menshe rikrenn či lestar?

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Jesaja 49:3

Oun yob penas ap mande: Miro boudepaskro hal tou, Israel, ap toute sikrau miro raylepen.

2. Korintarja 13:4

Har yob ap o troushel dino vas, his yob gar zorelo. Kanna djivell yob dran o Debleskri zoor. Yaake har o Yezous Kristo ap o troushel gar zorelo his, ham mer vitar gar zorelo. Oun yaake har yob djido vas, ham mer leha ninna djido oun zorelo dran o Debleskri zoor. Kova nay dikenn, te hom pash t'mende!