Filiparja 2:25 - O Debleskro Lab 2024 (Sinte-Manouche)

²⁵ Kanna bičrau maro phrales, o Epafrodito, pash t'mende pale. Koles bičran t'mer pash mande, te anas lo man kova, hoy man hounte vell djipaske. Peskri tseli zoryah kras lo mantsa o Debleskri boudi.

O Debleskro Drom 2021 (Sinte)

²⁵ Kanna bitchrau maro phrales, o Epafrodito, pash tumende pale. Koles bitchran tumer pash mande, te anas lo man kowa, hoi man hunte well djipaske. Peskri tseli sorjah kras lo mantsa o Debleskri budi.

Filiparja 2:25 Referans Kwoze

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

Kolossarja 1:7

Kava lab penas t'menge maro kamlo phraal, o Epafras. Kova boudrella o Yezous Kristeske har mer. Yob krell peskri boudi mishto pash t'mende.

Filiparja 4:3

Me mangau ninna tout, miro lačo males, ab lenge ap i rig! Har sikrom i menshenge o Yezouseskro drom, boudran le khetne mantsa oun o phraleha, o Klemens, oun kol vavarentsa, kolengre laba hi činlo an o Debleskro liil, kay halauter dren činlo hi, kay lenn o Debleskro djipen.

1. Korintarja 3:9

Mer ham o Debleskre boudepangre. T'mer han o Debleskri harhetikri phoub. Oun t'mer han har i kheer, hoy o Devel peske krella.

Filemon 1:24

Ninna o Marko, o Aristarko, o Demas, oun o Louka, kay mantsa o Yezous Kristeske boudrenna, kolla lauter penenn touke: Ač maro Debleha!

Gosewe laba 25:13

I morsh o labestar hi koleske, kay les bičras, har shila pani an ko tato tsiro, kay o djob dren anlo vell, oun dell les nevi zoor.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.

1. Tessalonikarja 3:2

oun te djal maro phraal, o Timoteo, pash t'mende. Kova hi o Debleskro boudepaskro, kay penell i menshenge o lačo lab o Yezous Kristestar. Mer bičram les pash t'mende, te krell lo t'men zoreles an o dji oun an t'maro patsepen,

2. Korintarja 2:13

Miro phraal, o Tito, kamas ninna an kava foro te vell. Har vas lo gar, vas man i daar, oun me penom lenge: “Ačenn mo Debleha!” oun djom mange an o them Macedonia.

Johanni 17:18

Me bičrau len pash i menshende, yaake har tou man pash i menshende bičral.

Johanni 13:16

Čačepah, me penau t'menge: I boudepaskro hi gar bareder har leskro ray. Oun yek, kay vas bičedo, hi gar bareder har kova, kay les bičras.

Remarja 16:3

Penenn lače laba mandar ap i Priska oun ap o Akvila! Yon boudrenn mantsa o Yezous Kristeske.

Remarja 16:9

oun ap o Urbano, kay mentsa khetne o Yezous Kristeske boudrella, oun ap miro lačo maal, o Stakis.

Filiparja 2:26

T'mer shounan, kay yob nasselo vas. Har yob shounas, kay t'mer djinenn kova, rovas leskro dji, oun yob kamas pash t'mende te vell.