Filiparja 2:22 - O Debleskro Lab 2024 (Sinte-Manouche)

²² T'mer prindjrenn o Timotes oun djinenn, har mishto leskri boudi hi. Har me i menshende o Yezouseskro drom sikrom, his lo mange koy, har hi i čavo peskro dadeske koy.

O Debleskro Drom 2021 (Sinte)

²² Tumer prindjrenn o Timotes un djinenn, har mishto leskri budi hi. Har me i menshende o Jesuseskro drom sikrom, his lo mange koi, har hi i tchawo peskro dadeske koi.

Filiparja 2:22 Referans Kwoze

1. Korintarja 4:17

Me bičrom o Timoteste pash t'mende. Kova hi miro kamlo oun lačo čavo an o patsepen. Yob penell t'menge, har me ko drom djau, hoy o Yezous Kristo sikras mande, oun har rakrau lestar an hake gaba oun forya, kay i patsle khetne venna.

2. Timoteo 1:2

Me činau ap toute, Timoteo. Tou hal miro lačo čavo an o patsepen. Lačepen, kamlepen oun barht touke! Kova dell tout o Devel, maro dad, oun o Yezous Kristo, maro ray, an o dji!

1. Timoteo 1:2

Me činau kava liil ap toute, Timoteo. Tou hal mange har miro čavo an o patsepen. Lačepen, kamlepen oun barht touke! Kova dell tout o Devel, maro dad, oun o Yezous Kristo, maro ray, an o dji!

2. Korintarja 2:9

Ko liil činom t'menge ninna, te dikap, har shounenn ap mande an hako koova.

1. Timoteo 1:18

Miro čavo Timoteo, kova penau touke, te rikress tou kova an tiro dji. Ma biste kol laba, hoy glan i tsiro pral toute glan-vi penlo van! Kolla laba denn tout i zoor, te moukess gar tele te krell o Debleskri boudi, yaake har i lačo kourepaskro gar pre dell an o kourepen.

2. Korintarja 8:22

Khetne kol douyentsa bičram i vavar phrales pash t'mende. Kova sikras boud kope, har mishto yob o Debleskri boudi kras. Kanna kamas lo o tselo djiyestar pash t'mende te djal. Yaake boud rikrell yob t'mendar.

Tito 1:4

Me činau ap toute, Tito. Tout oun man hi yek patsepen. Doleske hal tou har miro čačo čavo. Mou vell tout lačepen oun barht an o dji! Kova dell tout o Devel, maro dad, oun o Yezous Kristo, kay las men dran o čilačepen vin.

2. Timoteo 3:10

Me sikrom tout, har te djas ap o Debleskro drom, oun tou ačal ap leskro drom, oun djival yaake, har me touke glan djivom. Tou kameh kova, hoy me ninna kamau. Tou dikal, har me patsau ap o Yezous Kristeste. Oun tou djineh, har rikrom ap o patsepen. Tou djineh ninna, har kamom i vavaren o djiyestar, oun har rikrom lauter vin.

Filiparja 2:20

Man hi kek vavar har yob, koles savo baro dji hi t'menge, oun yob kamell, te djal t'menge mishto.

2. Korintarja 8:24

Lenn len pre an o tselo kamlepen, te dikenn i tsele patsle, kay khetne venna, kay mer sharam t'men gar čičeske glan lende.

2. Korintarja 8:8

Kova mangau t'men. Me penau gar, te hounte krenn les. Te dikau, havo lačo koova i vavar patsle an o them Macedonia kran, yaake kamau te dikap, te vell t'maro kamlepen dran o dji.

Bičepangre 16:2

O Timoteo his i morsh, pral koleste rakran i patsle mishto an i forya Listra oun Ikonion.

Remarja 5:4

Te dikah ap o Debleste, yaake ačah ap leskro drom, oun yaake vell maro patsepen zorleder.

1. Korintarja 16:10

Te vell o Timoteo pash t'mende, palle len les yaake mishto pre, te vell les kek traash. Oun te dikell kek ap leste tele! Yob boudrell ninna o Debleske har me. Te vell lo pale pash mande, djan i kotar drom leha! Me oun i phrala, kay pash mande hi, ačah kate yaake rah, bis te vas lo pash mende pale.

Filiparja 1:5

T'mer boudran mantsa khetne, har mer sikram i menshende o Yezouseskro drom. Kova kran t'mer, har patslo van, oun moukan gar tele bis kava dives.

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

Filiparja 1:12

Shounenn, mire phrala, me kamau te djinenn t'mer kova: Dran lauter, hoy ap mande vas, shounan boud menshe o lačo lab o Yezous Kristestar.

1. Timoteo 4:6

Te peneh tou kava koova i patslenge, hal tou o Yezouseskro lačo boudepaskro. Yaake sikreh, kay djiveh pal o lačo lab o Yezous Kristestar, hoy tou shounal oun patsal, oun kay djah tou doureder ap o Debleskro drom!