Filiparja 2:16 - O Debleskro Lab 2024 (Sinte-Manouche)

¹⁶ te rikrenn t'mer ap o Debleskro lačo lab, hoy o djipen della. Te krenn t'mer kova lauter, palle hom me barhtelo ap ko dives, kay o Yezous Kristo pale vella. Yaake his miri boudi pash t'mende gar čičeske.

O Debleskro Drom 2021 (Sinte)

¹⁶ te rikrenn tumer ap o Debleskro latcho lab, hoi o djipen della. Te krenn tumer kowa lauter, palle hom me bachtelo ap ko diwes, kai o Jesus Kristo pale wella. Jaake his miri budi pash tumende gar tchitcheske.

Filiparja 2:16 Referans Kwoze

1. Korintarja 9:26

Me nashau yaake har yek, kay djinella, kay yob nashella. Me kourau man gar har yek, kay dell troul peste.

1. Johanni 1:1

Mer činah t'menge pral koleste, kay his hako tsiro koy. Mer shounam les, oun dikam les. Ava, mer dikam les mare yakentsa, oun tapram les mare vastentsa. Yob hi ko lab, hoy o djipen della.

Johanni 6:68

“Ray, pash koneste djas mer?” penas o Simon Petro. “Tout hi laba, kay denn men o djipen, hoy gar pre-herella.

1. Tessalonikarja 3:5

Doleske rikrom kova bouder gar vin, oun bičrom o Timotes pash t'mende, te nay penell lo mange, har han tardo an t'maro patsepen. Man his traash, te anals t'men o beng o Debleskro dromestar tele. Palle vals mari boudi pash t'mende čičeske.

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Louka 12:8

Me penau t'menge: Koon glan i menshende penella: O Yezous hi miro ray! kolestar penau me glan o Debleskre bolepangre: Yob hi miro.

Hebrearja 4:12

O Debleskro lab hi djido oun zorelo, oun činell zorleder har i rharo, hoy činell ap douy rigya. Yaake har činell i rharo dour dren an o mass, ninna an i kokale, yaake činell o Debleskro lab dour dren an o mensheskro dji, oun sikrell leste, hoy hi lačo oun čilačo an leskro djipen.

1. Petro 1:23

T'mer van neves boldo oun han čave yekestar, kay merell gar. Ko nevo djipen lan t'mer, har patsan ap o Debleskro lab, hoy hi djido oun ačella hako tsiro.

1. Tessalonikarja 2:19

Mer ham barhtelo pral t'mende. Oun mer dikah ap ko dives, kay vell maro ray Yezous pale. Palle nay sharah men t'mentsa.

Galatarja 4:11

Me trashau t'menge, kay miri boudi pash t'mende čičeske his.

Jesaja 49:4

Mange vas kova vavarčandes glan. Oun me penom: Čačepah, his čičeske koy phari boudi, hoy ap mande lom. Dom čičeske miri tseli zoor kolake. Djinau, miro čačepen hi pash o baro Debleste, oun kova, hoy lau koleske, hoy krom, vell miro Deblestar.

Debleskri gili 71:17

Miro Devel, tou hal miro sikepaskro foun tiknes pre, oun ninna kanna rakrau me pral ko baro koova, hoy tou lauter kral.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.

Bičepangre 13:26

Mire phrala, t'mer, kay han o Abrahameskre menshe, oun t'mer vavar, kay mangenn o Debles an, t'menge penau: O Devel bičras t'menge peskro lačo lab, hoy dell t'men o djipen, hoy gar pre-herella.

Mateo 10:27

Kova, hoy me t'menge čorrhanes penau, kova penenn i menshenge yaake, te shounell les hakeno! Oun kova, hoy t'menge an o kand penlo vella, kova penenn i tsele menshenge!

Debleskri gili 40:9

“Miro Devel, me kamau te krap o djiyestar, hoy tou kameh. Oun tiro lab hi an miro dji.”

1. Korintarja 1:8

Yob dell t'men i zoor, te ačenn an o patsepen, bis te vell lo pale. Oun kek nay anell i doosh ap t'mende ap ko dives.

Filiparja 1:6

Doleske djinau: O Devel kras i lači boudi an t'mende. Oun yob krell ninna, te ačenn pash leste, te venn lačes glan leste tardo ap ko dives, kay vell o Yezous Kristo pale.

Filiparja 1:10

Yaake nay dikenn, hoy mishto oun čačo hi. Oun ap ko dives, kay vell o Yezous Kristo pale, han t'mer an o čačepen glan leste tardo, oun kek doosh hi ap t'mende.