Filiparja 1:18 - O Debleskro Lab 2024 (Sinte-Manouche)

¹⁸ Hoy te penap? Mange hi boud moldo, te vell o Yezouseskro drom i menshende siklo, yaake te yaake. Yek rakrell lestar dran i čilačo dji, oun i vavar dran i lačo dji.

O Debleskro Drom 2021 (Sinte)

¹⁸ Hoi te penap? Mange hi bud moldo, te well o Jesuseskro drom i menshende siklo, jaake te jaake. Jek rakrell lestar dran i tchilatcho dji, un i wawar dran i latcho dji.

Filiparja 1:18 Referans Kwoze

Louka 9:50

O Yezous penas ap lende: “Moukenn les! Koon hi gar čilačo ap t'mende, kova hi ap t'mari rig tardo.”

1. Korintarja 15:11

Kova hi yek, koon mendar penas t'menge o lačo lab o Yezous Kristestar. Mer halauter rakrah lestar. Oun yaake patsan t'mer ap leste.

1. Korintarja 14:15

Hoy hounte krap me kanna? Me kamau te rakrap o Debleha an i rakepen, hoy o Debleskro Dourho man das. Ninna kamau me te rakrap leha i labentsa, hoy me hayvau. Oun me kamau leske te givap, har o Debleskro Dourho moukell man te givell. Oun ninna kamau te givap i labentsa, hoy me hayvau.

Markus 12:40

Yon lenn i khera kol djouvyendar krik, kolengre romma meran. Yon rakrenn o Debleha i rah tsiro, te dikenn i menshe, har patslo yon hi. Ap ko dives, kay rakrell o Devel o čačepen pral lende vin, lenn le i zorleder phagi har kol vavar.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

1. Korintarja 10:19

Me kamau t'mendar te poučell: Hi i figura i čačo devel? Na-a! Hi ko mass, hoy anan le glan late, vavarčandes har vavar mass? Na-a!

Remarja 6:15

Kanna djivah mer bouder gar pal o Moseskre laba. Kanna djivah dran o Debleskro lačepen. Kras mer kanna o čilačepen? Na-a, kova kras mer gar!

Remarja 3:9

Hoy hi kanna? Hi i bibolde feteder glan o Debleste tardo har kolla, kay kek bibolde hi? Na-a, yaake har penom: I bibolde, har kolla, kay kek bibolde hi, halauter kran čilačo koova.

Louka 9:45

Kal laba hayvan le gar. Kova, hoy yob lenge kate penas, djas gar an lengro shero dren. Yaake djinan le gar, pral hoy yob rakras oun trashan, te poučenn le lestar pral kol laba.

Filiparja 1:19

Ava, me hom barhtelo. T'mer mangenn o Debles mange. Oun ap miri rig hi o Debleskro Dourho, kay o Yezous Kristo man das. Doleske djinau, te djal lauter mishto mange.