Ezekiel 8:6 - O Debleskro Lab 2024 (Sinte-Manouche)

⁶ Oun o baro Devel penas ap mande: Tou, mensho, dikeh tou, hoy le krenn? Baro djoungelo koova hi, hoy o kheer Israel kate krell, te djap mange dran miro kheer vin. Oun tou dikess gomme bareder djounglepen.

O Debleskro Drom 2021 (Sinte)

⁶ Un o baro Dewel penas ap mande: Tu, mensho, dikeh tu, hoi le krenn? Baro djungelo koowa hi, hoi o kheer Israel kate krell, te djap mange dran miro kheer win. Un tu dikess gomme bareder djunglepen.

Ezekiel 8:6 Referans Kwoze

Ezekiel 5:11

T'mer kran miro kheer pale-čiddo kol rhorhene deblentsa oun djoungelo koveha, hoy kote kran, penau me, o baro Devel, t'maro ray. Doleske dau man sovel, me o djido Devel, te dap t'men paash. T'mer khaytenn man bouder gar oun me krau miro dji bouder gar t'menge pre.

Ezekiel 10:19

Oun kol bolepangre kran pengre čirklengre moussya bourhlo, oun hadan pen pre i phoubyatar glan mire yaka. Oun har djan le vin, his kol rade ap lengre rigya. Oun i bolepangre čivan pen pash ko voudar o baro Debleskro kherestar, hoy ap koy rig hi, kay o kham pre djal. Oun o raylepen o Israeleskro Deblestar his pral lende.

Ezekiel 8:9

Oun yob penas ap mande: Dja koy dren, oun dik ko tselo čilačo djoungelo koova, hoy yon kate krenn.

Ezekiel 11:22

Oun kol bolepangre hadan pengre čirklengre moussya, oun khetne lentsa hadan pen kol rade. Oun o raylepen o Israeleskro Deblestar his pral lende.

Ezekiel 8:14

Oun yob anas man pash o voudar ap i nordetikri rig glan o baro Debleskro kheer. Kote his djouvya beshdo. Oun kolla rovan pral o merepen ko deblestar, kay kharell Tammus.

Jeremia 32:34

Koy pashel čivan le pengre rhorhene deblen an ko kheer, hoy mange kerdo vas. Oun yaake kran le les pale-čiddo.

Jeremia 26:6

palle krau kava khereha har ko khereha an Shilo. Oun me krau, te penenn i vavar menshe, te kamenn le yekes te praasell: Mou djal touke har o foreske Yerusalem!

Jeremia 23:11

O baro Devel penell: Mire rakepangre shounenn gar ap mande, vitar gar mire rashaya. Lengro čilačo koova hatsau ninna an miro kheer.

Jeremia 7:30

Kol menshe an o them Youda krenn, hoy mange djoungeles hi, penell o baro Devel. Yon čivan kol djoungele deblen an kava kheer, hoy mange kerdo vas, oun kran les pale-čiddo.

Jeremia 7:17

Dikeh tou gar, hoy yon krenna an kol forya an Youda oun ap kol dromma an Yerusalem?

Jeremia 3:6

An ko tsiro, kay o Yosia o baro ray his, penas o baro Devel ap mande: Dikal tou, hoy i Israelitarya kran? Yon hi har i djouvel, kay moukas peskro romes, oun djas ap kol tsele berge oun tel hake zenele rouka oun das pes trouyel vavar morshentsa.

Gosewe laba 5:14

Har sik nay voms an i bibarht! Oun mire tsele menshe dikans kova!”

Debleskri gili 78:60

Oun yob moukas peskro kheer an o foro Shilo, kote, kay yob mank peskre menshende djivas.

Jeremia 11:18

O baro Devel penas mange, hoy len glan hi, te djinap me kova.

Ezekiel 8:7

Oun yob anas man an o voudar glan koy platsa, hoy glan o Debleskro kheer hi. Kote dikom i rheb an i massouri.

Ezekiel 14:6

Doleske pen ap o kheer Israel: Kava penell o baro Devel, maro ray: Djan tele t'maro čilačo dromestar, oun moukenn t'mare rhorhene deblen, hoy yaake djoungelo an mire yaka hi!

Ezekiel 18:12

oun rikrell i čorvelen zoryah tele, ninna kolen, kolen gar doha djipaske hi, oun lell zoryah peske, hoy gar leskro hi. Te patsas lo love vin, dell lo kova gar pale, hoy das les ko čorvelo ko tsireske, kay les siyaan pash leste hi. Oun yob mangell i rhorhene deblen an, oun krell, hoy glan o Debleske yaka djoungeles hi.

Ezekiel 47:6

Oun yob penas ap mande: Tou mensho, dikal tou kava? Oun yob anas man palpale ap o panyeskri rig.

Hosea 5:6

Palle venn le pengre bakrentsa oun pengre groumyentsa, te anenn le len o baro Debleske, te vell yob lenge lačes. Oun yob sikrell lenge o doumo, te nay hatsenn le les gar.

2. Familjakro liil 29:5

Oun penas ap lende: “Morshale dran o kheer Levi, shounenn mire laba! Krenn t'men kanna djoudjo o baro Debleske, oun krenn leskro kheer pale djoudjo leske, kay o Devel t'mare phourendar hi! Oun vitsrenn ko tselo koova vin, hoy kras kava kheer pale-čiddo.

Ezekiel 8:13

Oun yob penas doureder: Tou dikess gomme bareder djoungelo koova, hoy yon krenn.

Ezekiel 10:18

Oun o baro Debleskro raylepen, hoy his pash o voudar o kherestar, djas pale krik oun hadas pes pral kol bolepangre.

Ezekiel 11:23

Oun o baro Debleskro raylepen hadas pes oun djas dran o foro vin, oun čivas pes ap i berga, hoy glan o foro čiddo hi, kote kay o kham pre djala.

Ezekiel 43:8

Yon kran pengre bare khera langs miro kheer, lengre voudya langs mire voudya, yaake te his yek massouri halauter mank mande oun lende. Oun yaake anan le ladj ap mande pengro djoungelo koveha, hoy le kran. Doleske marom len an miri rholi.