Ezekiel 8:12 - O Debleskro Lab 2024 (Sinte-Manouche)

¹² Oun o baro Devel penas ap mande: Tou mensho, dikal tou kava, hoy krenn i phoureder dran o kheer Israel čorrhanes – hakeno lendar glan peskri figura an lakri isema? Yon penenn penge: O baro Devel dikell men gar, oun djas peske dran kava them!

O Debleskro Drom 2021 (Sinte)

¹² Un o baro Dewel penas ap mande: Tu mensho, dikal tu kawa, hoi krenn i phureder dran o kheer Israel tchorchanes – hakeno lendar glan peskri figura an lakri isema? Jon penenn penge: O baro Dewel dikell men gar, un djas peske dran kau them!

Ezekiel 8:12 Referans Kwoze

Jesaja 29:15

Djungeles djal kolenge, kay kova, hoy le penge an pengre djia glan lan, glan o baro Debleste khatrenn, oun an o kalepen i ratsyatar pengro koova krenn, oun penenn: “Koon dikell men? Oun koon djinell, te hams mer kova?”

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”

Ezekiel 8:15

Oun o baro Devel penas ap mande: Tou mensho, dikal tou kova? Tou dikess gomme bareder djoungelo koova, har kava.

Efesarja 5:12

Kova, hoy yon čorrhanes krenna, hi yaake djoungelo, te hounte ladjell kova pes, kay kolestar rakrella.

Debleskri gili 10:11

An peskro dji penell lo peske: “O Devel djinell kova gar. Yob das gar yak pre oun dikell či.”

Ezekiel 20:1

An o eftato bersh an o pančto čon ap o deshto dives an ko čon, kote van morsha kol phourendar dran Israel pash mande, te poučenn le o baro Deblestar čomone. Oun yon beshan glan mande tele.

Ezekiel 14:1

Oun pash mande van morsha i phourendar dran Israel, oun yon beshan pen glan mande tele.

Ezekiel 8:17

Oun yob penas ap mande: Tou mensho, dikal tou kava? Hi i menshenge dran o kheer Youda gar doha, te krenn le ko tselo djoungelo koova kate? O tselo them kran le pherdo čilačepen. Hounte rhoyrenn le man pale te pale? Dik, har rikrenn le penge zenele patria glan pengre naka!

Ezekiel 8:11

Glan kol figure his 70 (efta-deesh) phoureder dran o kheer Israel tardo, mank lende o Yazania, koleskro dad o Shafan his. Oun hakeno lendar his i čaro an o vast, kay soungepaskro koova dren hi. Oun dran kova hadas pes i tampa pre.

Debleskri gili 73:11

Yon penenna: “Har shounell nay o Devel kava? Har hayvell lo kova, yob, kay pral an o bolepen hi?”

Debleskri gili 14:1

I gili o rayeske pral i gipangre. O David kras kay gili. Dinele hi le, kay rakrenn penge: “O Devel dell pes gar!” Či-molde hi le! I ladj hi kova, hoy yon krenn. Kek hi koy, kay krell lačepen.

Jesaja 47:10

Tou rikral tout ap tiro čilačepen oun penal: “Kek dikas man!” Tiro gosvepen oun lauter, hoy djineh, kras tout pre-phourdo, yaake te penal an tiro dji: “Me hom i bareder. Kek vell zorleder har me.”

Ezekiel 8:13

Oun yob penas doureder: Tou dikess gomme bareder djoungelo koova, hoy yon krenn.

Zefanja 1:12

An ko tsiro vella yaake, kay lau i momeli oun rodau an o foro Yerusalem lauter kolen, kay djivenn i shoukar djipen oun djinenn kek daar, oun kay penenn an pengre djia: O baro Devel krell menge či, kek lačepen, vitar kek čilačepen.

5. Mose 27:15

“Praasedo vell kova, kay krell pes i sasterni figura, ninna i kashteni figura, te mangell lo lat čorrhanes an! Savi figura kerdi mensheskre vastentsa hi djoungeles glan o baro Debleskre yaka.” Oun i tsele menshe hounte penenn: Amen!

2. Rajengro liil 17:9

Oun i Israelitarya kran kova khatedes, hoy gar čačo his glan o baro Debleskre yaka, kay lengro Devel hi. Oun yon kran penge moulne platse an hake gaba oun forya, tikne oun save bare, kay zorele massurya troul lende hi.