Ezekiel 8:11 - O Debleskro Lab 2024 (Sinte-Manouche)

¹¹ Glan kol figure his 70 (efta-deesh) phoureder dran o kheer Israel tardo, mank lende o Yazania, koleskro dad o Shafan his. Oun hakeno lendar his i čaro an o vast, kay soungepaskro koova dren hi. Oun dran kova hadas pes i tampa pre.

O Debleskro Drom 2021 (Sinte)

¹¹ Glan kol figure his 70 (efta-deesh) phureder dran o kheer Israel tardo, mank lende o Jaasanja, koleskro dad o Shafan his. Un hakeno lendar his i tcharo an o wast, kai sungepaskro koowa dren hi. Un dran kowa hadas pes i tampa pre.

Ezekiel 8:11 Referans Kwoze

4. Mose 16:35

Oun o baro Devel bičras yag, kay rhas kol 250 (douy-sheel-te-paash-sheel) morshen pre, kay anan ko soungepaskro koova o Debleske.

4. Mose 16:17

Oun hakeno lell peskri piri, oun čivell soungepaskro koova dren, oun vell glan o baro Debleste, hakeno peskri piryah, douy-sheel oun paash-sheel pirya, – ninna tou oun o Aron, hakeno peskri piryah.”

4. Mose 11:16

Oun o baro Devel penas leske: “Le touke efta-deesh morsha kol phourendar an Israel, kolendar, kay tou djineh, kay hi yon pralstoune pral i menshende. An len glan o Debleskro plarhteno kheer. Kote venn le glan toute tardo.

Jeremia 19:1

O baro Devel penell: Dja pash ko morsheste, kay krell pirya, oun gin touke i khoro! Oun le touha pralstunen oun phoureder rashayen.

4. Mose 11:25

Koy vas o baro Devel tele an i folka oun rakras o Moseha, oun las i kotar ko dourhestar, hoy ap leste his, oun čivas les ap kol efta-deesh phoureder. Oun har o Debleskro dourho ap lende his, kharan le laba vin har kol Debleskre rakepangre. Yon kran kova kokres kava yek kopo.

2. Mose 24:1

Oun o baro Devel penas ap o Moseste: “Ab kate pre pash mande, tou oun o Aron, o Nadab, o Abihu oun 70 (efta-desha) i phourendar dran Israel. Kal morsha ačenn doureder krik tardo oun mangenn man kote an!

Daniel 9:8

Ava, baro Devel, mer hounte ladjas men, mer, mare raya, mare pralstoune oun mare phoure, te kram čilačo koova ap toute.

Jeremia 36:10

Oun o Barouk draveras dran ko liil o Yeremiyeskre laba glan i menshende an o baro Debleskro kheer. Yob his tardo an koy isema ko morshestar Gemarya, koleskro dad o Shafan his. Kova his o činepaskro, kay i lila činas. Leskri isema his ap i pralstouni platsa pash o nevo voudar o baro Debleskro kherestar.

Jeremia 29:3

O Yeremia das peskro liil kol douy morshenge peha, o Elasa, koleskro dad o Shafan his, oun o Gemarya, koleskro dad o Hilkiya his. Kolen bičras o baro ray pral Youda, o Sedekya, an o them Babilonia pash o baro rayeste pral Babilonia, o Neboukadnezar. An ko liil his tardo:

Jeremia 26:24

Pral o Yeremiyes rikras o Ahikam peskro vast. Koleskro dad his o Shafan. O Ahikam moukas les gar an i vasta kol menshendar te dell, kay kaman les te marell.

Jeremia 7:9

T'mer han čorepangre oun marepangre, kay denn vavaren moulo, t'mer morsha rhorhenn t'mare romyen vavar djouvyentsa, t'mer djouvya, rhorhenn t'mare romen, vavar morshentsa, t'mer denn t'men sovel oun rikrenn koya gar dren, t'mer rhačrenn firhen o rhorheno debleske Baal oun nashenn pal vavar deblende.

Jeremia 5:5

Me kamau pash i pralstunende te djal, te rakrap lentsa. Kolla djinenn o Debleskro drom oun nay penenn mange, hoy an i yaka lengro Deblestar mishto hi. Palle hayvom: Ninna kolla kaman gar, te vell yob lengro ray, oun kaman gar ap leste te shounell.

2. Familjakro liil 34:20

Oun o baro ray kharas kol morshen khetne: o Hilkiya, o Ahikam, ko his i čavo o Shafanestar, o Akbor, koleskro dad o Mika hi, o Shafan, kay činas i lila, oun o Asaya, ko his i pralstouno an o baro rayeskro kheer. Oun o baro ray penas lenge:

2. Familjakro liil 26:19

Oun o Usiya, koles an peskro vast i piri his pherdo soungepaskro koova, vas rhoyedo. Oun har yob yaake pral i rashaya rhoyedo his, vas pral leskre yaka i djoungelo nasslepen vin ap peskro mass. Oun i tsele rashaya, kay an o baro Debleskro kheer pash o sonakaskro bob tardo his, dikan kova.

2. Familjakro liil 26:16

Oun har leske boud zorlepen dino vas, phourdas pes leskro dji pre. Oun yob kras, hoy leske gar mishto his, oun hoy čilačo his glan leskro baro Debleste: Yob djas an koleskro kheer te rhačrell lo leske soungepaskro koova ap o sonakaskro bob.

2. Rajengro liil 25:22

Pral kol menshende, kay pral ačan an o them Youda, kolen o Neboukadnezar, ko ray pral o them Babilonia, pral moukas, čivas lo o morshes Gedalya, koleskro dad o Ahikam his, koleskro dad o Shafan his.

2. Rajengro liil 22:14

Kote djan o rashay Hilkiya, o Ahikam, o Akbor, o Shafan oun o Asaya pash i Debleskri rakepaskretsa Houlda. Koya djivas an o nevo kotar o forestar Yerusalem. Lakro rom his o Shalloum. Leskro dad his o Tikva. Koleskro dad his o Haras. O Shalloum das garda ap o ripyengro kheer. Oun kol morsha rakran lah.

2. Rajengro liil 22:12

Oun o baro ray kharas kol morshen khetne: o rashay Hilkiya, o Ahikam, ko his i čavo o Shafanestar, o Akbor, koleskro dad o Mikaya hi, o Shafan, kay činas i lila, oun o Asaya, ko his i pralstouno an o baro rayeskro kheer. Oun o baro ray penas lenge:

2. Rajengro liil 22:8

Har o Shafan kova lauter o baro rashayeha Hilkiya rakras, penas kova ap leste: “Me hatsom i liil an o baro Debleskro kheer, kay menge o Debleskro drom siklo vella.” Oun o Hilkiya das ko liil o Shafaneste, oun kova draveras les.

2. Rajengro liil 22:3

Oun har o Yosia an o deesh-te-orhtato bersh baro ray his, bičras lo o Shafan, kay i lila činas, an o baro Debleskro kheer. O Shafaneskro dad his o Azalya oun leskro papo his o Meshoullam. Oun o Yosia penas:

2. Mose 24:9

Palle djas o Mose, o Aron, o Nadab, o Abihu oun 70 (efta-deesh) i phourendar dran Israel ap i berga pre.

Louka 10:1

Pal kova rodas o Yezous vavar efta-deesh morshen vin. Oun yob bičras len ap o drom glan peste, te djan le an i forya oun gaba, kay yob ninna vella. Hako kopo djan douy morsha khetne.

Jesaja 44:13

Oun ko boudepaskro, kay o kashteha boudrell, lell i kotar kasht, dikell pal, har baro kova hi, oun činell glan, hoy lo i čouryeha palle vin činell. Oun yob krell dran ko kasht i figura, te vell li tardo an i kheer. Koy figura dikell vin har i mensho, ava, har i shoukar mensho.

Jeremia 44:21

Ma patsenn, kay djinas o baro Devel gar, hoy kran an i forya o themestar Youda oun an i dromma o forestar Yerusalem, t'mer oun t'mare phoure, t'mare bare raya, pralstoune oun i tsele menshe an o them! Kova djas o baro Debleske an o dji,

Jeremia 52:27

Oun o baro ray pral o them Babilonia moukas len temerl te dell an o foro Ribla, hoy an o them Hamat čiddo hi. Yaake hounte djan i menshe dran o them Youda an o pandepen.

Ezekiel 8:10

Oun me djom dren an i isema oun dikom boud djoungele figure an i massurya dren dino: sapa oun vavar djoungele firhe, kolen i menshe dran o kheer Israel an-mangenn.

Ezekiel 20:1

An o eftato bersh an o pančto čon ap o deshto dives an ko čon, kote van morsha kol phourendar dran Israel pash mande, te poučenn le o baro Deblestar čomone. Oun yon beshan glan mande tele.

Jeremia 19:4

Mire menshe moukan man oun kran kava kotar them pale-čiddo, har rhačran le soungepaskro koova vavar deblenge, kolen prindjrenn yon gar oun vitar gar lengre phoure. Ninna kol bare raya pral o them Youda prindjran len gar. An kava foro maran le menshen, kay kek čilačepen kran.

Jeremia 26:22

Koy bičras o baro ray Yoyakim morshen an Egiptia, o Elnatan, koleskro dad o Akbor his, oun vavar morshen.

Ezekiel 9:6

Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.