Ezekiel 8:1 - O Debleskro Lab 2024 (Sinte-Manouche)

¹ An o shobto bersh, ap o pančto dives an o shobto čon homs beshdo an miro kheer. Oun i phoureder kolendar, kay van dran o them Youda pandles anlo an o them Babilonia, his glan mande beshdo. Kote peras i zoor o baro Deblestar, miro rayestar, ap mande.

O Debleskro Drom 2021 (Sinte)

¹ An o shobto bersh, ap o pantchto diwes an o shobto tchon homs beshdo an miro kheer. Un i phureder kolendar, kai wan dran o them Juda pandles anlo an o them Babilonia, his glan mande beshdo. Kote peras i soor o baro Deblestar, miro rajestar, ap mande.

Ezekiel 8:1 Referans Kwoze

Ezekiel 20:1

An o eftato bersh an o pančto čon ap o deshto dives an ko čon, kote van morsha kol phourendar dran Israel pash mande, te poučenn le o baro Deblestar čomone. Oun yon beshan glan mande tele.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Ezekiel 14:1

Oun pash mande van morsha i phourendar dran Israel, oun yon beshan pen glan mande tele.

Ezekiel 14:4

Pen lenge: Kava penell o baro Devel, maro ray: Hakeno dran o kheer Israel, kay kras peskro dji pre peskre rhorhene deblenge, oun čivas len pre glan peste, kolen, kay anenn les ap o čilačo drom, oun vell palle pash miro rakepaskro, te poučell lo mandar čomone, koleha rakrau me, o baro Devel, yaake, har hounte vell rakedo yekeha, kay boud rhorhene deblen an-mangell.

Bičepangre 20:33

T'mer djinenna: Me mangom kekestar t'mendar čomone: kek sonakay, kek roup, kek an-ripaske. Mire vastentsa boudrom, te vell man oun kolen, kay pash mande hi, te rhal.

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

Ezekiel 40:1

His an o 25. (biish-te-pančto) bersh, kay mer an o pandepen hams – kova his an o 14. (deesh-te-starto) bersh har o foro Yerusalem dren lino vas – ap o 10. (deshto) dives an ko bersh. Ap ko dives vas i zoor o baro Deblestar pral mande. Oun yob anas man an o foro Yerusalem.

Ezekiel 37:1

I zoor o baro Deblestar vas pral mande, oun leskro dourho hidjras man vin, oun moukas man tele mashkral an i bourhli tala. Koya his pherdo moule kokale.

Ezekiel 32:17

An o 12 (deesh-te-douyto) bersh ap o 15. (deesh-te-pančto) dives an ko čon, penas o baro Devel ap mande:

Ezekiel 31:1

An o 11. (deesh-te-yekto) bersh an o triinto čon ap o yekto dives an ko čon penas o baro Devel ap mande:

Ezekiel 29:17

An o 27. (biish-te-eftato) bersh an o yekto čon ap o yekto dives an ko čon penas o baro Devel ap mande:

Ezekiel 29:1

An o deshto bersh an o deshto čon ap o 12. (deesh-te-douyto) dives an ko čon penas o baro Devel ap mande:

Ezekiel 26:1

An o 11. (deesh-te-yekto) bersh har hams an o pandepen, ap o ersto dives an o čon penas o baro Devel ap mande:

Ezekiel 24:1

Oun o baro Devel rakras mantsa an o enyato bersh, an o deshto čon, ap o deshto dives an ko čon, oun penas:

Ezekiel 3:22

Oun i zoor o baro Deblestar vas kote pral mande, oun yob penas ap mande: Kre tout ap o drom, oun dja vin an o telstouno them. Oun kote kamau me touha te rakrell.

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

Ezekiel 3:12

Oun i dourho hadas man pre. Oun pal mande shounom me i bari zoreli gole, hoy penas: Sharenn o raylepen o baro Deblestar kote, kay lo khere hi!

2. Rajengro liil 6:32

Oun o baro ray kras pes ap o drom te djal lo pash o Elisa, oun bičras i morshes glan peste. O Elisa his an peskro kheer oun kol phoureder ko forestar his pash leste beshdo. Har ko bičepaskro gomme gar pash leste vas, penas o Elisa ap kol phourende: “Djinenn t'mer, kay ko marepaskro yekes bičras, te dell lo miro shero tele? Te vell ko morsh, krenn o voudar pandlo. Te kamell lo dren te vell, denn les i ladini o voudareha, te ačell lo vin. Me shounau, kay vell leskro ray pal leste.”

Ezekiel 7:27

O baro ray rovell, oun i pralstoune darenn pengro djipaske. Hakeno an o them trissell i daryatar. Me krau lentsa pal kova har yon kran. Oun yaake har kran yon o čačepen vin pral i vavarende, yaake krau me o čačepen vin pral lende. Palle dikenn oun hayvenn le, te hom me o baro Devel.

Ezekiel 8:2

Oun me dikom yekes, kay vin dikas har i morsh. Oun leskro shero oun leskro beč dikan vin har o sonakay, kay o kham pre perell. Oun o telstouno kotar, kova hoy vin dikas har leskre herya, his har yag.

Ezekiel 33:22

I rati glan kova vas o vast o baro Deblestar phares ap mande. Kanna ap koy tsalla, kay kova pash mande vas, kras o baro Devel miro mouy pre, yaake te nay rakrom pale.

Ezekiel 30:20

An o 11. (deesh-te-yekto) bersh an o yekto čon ap o eftato dives an ko čon penas o baro Devel ap mande:

Ezekiel 32:1

An o 12. (deesh-te-douyto) bersh ap o 12. (deesh-te-douyto) čon, ap o yekto dives an ko čon, penas o baro Devel ap mande: