Ezekiel 7:8 - O Debleskro Lab 2024 (Sinte-Manouche)

⁸ Sik čorau miri rholi pral t'mende vin. Oun djau rholyah t'mentsa trouyel, bis te miri rholi trouyel hi. Me rakrau o čačepen pral t'mende vin, oun t'mer lenn t'mari phagi. Ko tselo djoungelo koova, hoy kran, anau ap t'mare sherya pale.

O Debleskro Drom 2021 (Sinte)

⁸ Sik tchorau miri choli pral tumende win. Un djau choljah tumentsa trujel, bis te miri choli trujel hi. Me rakrau o tchatchepen pral tumende win, un tumer lenn tumari phagi. Ko tselo djungelo koowa, hoi kran, anau ap tumare sherja pale.

Ezekiel 7:8 Referans Kwoze

Ezekiel 14:19

Te bičroms i pharo nasslepen an ko them, oun moukoms an miri tati rholi menshen oun firhen te merell,

Ezekiel 9:8

Oun har le kova kran, ačom me kokres ap i platsa glan o Debleskro kheer pale. Oun moukom man ap i phoub te perell, oun dom pre gole oun penom: Baro Devel, miro ray! Hal tou yaake rhoyedo pral Yerusalem, te moukess halauteren moulo te dell, kay i Israelendar pral ačan?

Nahum 1:6

Koon nay ačell tardo glan leskri rholi? Koon nay ačell djido, te vell lo rhoyedo? Leskri rholi rhačell har i yag. Ninna i berge phagenn an kotya glan leste.

Ezekiel 20:21

Oun ninna lengre čave moukan pen či mandar te penell, oun kran gar hoy lendar kamom, oun djivan gar pal miro čačepen. Mire čačepaskre laba hi kolla, kolentsa i mensho djido ačell, te rikrell lo pes ap lende. Oun yon kran savo koova ap o Debleskro dives, hoy hounte krans le gar. Oun yaake vom gar sharedo. Kote kamom miri rholi pral lende vin te čorell. Kote an o moulo tato them kamom miri tseli rholi ap lende vin te moukell.

Ezekiel 20:8

Yon moukan pen či mandar te penell, oun kaman gar ap mande te shounell. Kek vitsras kol djoungele figuren krik, hoy lo an-mangas. Kol egiptikre deblen kaman le gar te moukell. Kote kamom miri rholi pral lende vin te čorell. Gomme kote an o them Egiptia kamom miri tseli rholi ap lende vin te moukell.

Jesaja 42:25

Kote moukas lo peskri bari rholi pral mende te vell, oun moukas men an i zorelo kourepen te vell. Leskri rholi his troul mende trouyel har i yag, oun mer hayvam kova gar. Ninna har rhačras men leskri rholi, lam kova gar an mare djia.

Ezekiel 20:13

Ninna an o moulo tato them moukan pen i Israelitarya či mandar te penell. Yon djivan gar yaake, har lendar kamom. Oun ap mire čačepaskre laba dan le či. Oun mire čačepaskre laba hi kolla, kolentsa o mensho djido ačell, te rikrell lo pes ap lende. Oun yon kran boud koova ap o Debleskro dives, hoy hounte krans le gar, oun yaake vom gar sharedo. Kote kamom miri rholi pral lende vin te čorell, te hounte merans le lauter an o moulo tato them.

Debleskro tsiro 14:10

Yon hounte piyenn o Debleskri mool. Kay mool hi o Debleskri rholi. Kaya hi yaake zoreli har i mool, kay kek pani dren hi. Kolla, kay mangenn o firhes an, hounte djan an i bari yag. Oun koy yag oun i yagakri khand krenn lenge bare douka. Oun yon dikenn o Debleskre bolepangren oun o terno bakres.

Hosea 5:10

I pralstoune an o them Youda lan penge o themestar, hoy i Israelenge his. Yon hi har kolla, kay čivenn kol barra i kotar krik, hoy sikrenn har baro yekeskro kotar phoub hi. Doleske čorau miri rholi pral lende vin har pani.

Daniel 9:27

Oun yob krell pes boudentsa khetne efta bershenge. Pal triin-te-paash bersha krell lo, te vell o Debleske bouder kek firho anlo, vitar kek rhapen. Oun i djoungeli čilači figura vell pre-čiddo an o Debleskro kheer oun ačell koy, bis te vell i phagi pral koleste, kay čivas les koy, – i phagi, hoy o Devel leske glan dikas.

Daniel 9:11

Oun o tselo Israel djas tiro dromestar tele, oun kras, hoy yob kamas, oun shounas gar ap toute. Oun yaake vas koy tseli bibarht pral mende, hoy činlo hi an o liil o Mosestar, koles tiro čačo vast his. Mer kram čilačepen ap toute. Doleske vas kay bibarht yaake pral mende, har tou tout sovel dal.

Ezekiel 30:15

Miri rholi čorau vin pral o foro Sin, hoy o zorleder foro an Egiptia hi. Oun ko bravlepastar an o foro Theben ačell či pral.

Ezekiel 22:31

Doleske čorau miri rholi vin pral lende. Miri tati rholi vell pral lende har i yag, oun yon merenn. Yaake anau lengro čilačepen pale ap lengro shero. Kova penell o baro Devel, maro ray.

Ezekiel 6:12

Kolla, kay an i dour them hi, merenn ap o nasslepen. Oun kolla, kay djivenn an o them Israel oun troul o them trouyel, kolla merenn an o kourepen. Oun kolla, kay pral ačenn, merenn i bokatar. Yaake krau lentsa, bis te miri rholi trouyel hi.

Ropaskre gilja 4:11

O baro Devel moukas peskri tseli rholi vin te vell. Leskri tseli rholi vas pral lende. Oun an o foro Sion moukas lo i bari yag te vell, te rhačras o foro tele bis ap i telstoune barra.

Ropaskre gilja 2:4

Yob rikras peskro bogo, oun las i faylo an peskro čačo vast, har yek, kay kourell pes mentsa. Oun har i kourepaskro maras lo halauteren, kay menge kamlo oun kouč his. Oun leskri rholi vas pral mende har i zoreli yag.

Jeremia 7:20

Doleske penell o baro Devel, maro ray: Miri bari rholi vell pral kava foro, pral i menshende oun pral i firhende, pral kol rouka an o veesh oun pral ko djob an kava them. Miri rholi hi har i yag, hoy kek nay krell vin.

Debleskri gili 79:6

Čore tiri rholi ap kol menshende vin, kay tout gar prindjrenna, ap kol themma, kay tout gar an-gole denna!

2. Familjakro liil 34:21

“Djan koy oun poučenn o baro Debles mange oun i menshenge dran Israel, kay pral ačan, oun kolenge an o them Youda, pral kol laba an ko liil, hoy hatslo vas. Mare phoure shounan gar ap o baro Debleskre laba, oun djivan gar yaake, har dren činlo hi an kava liil. Doleske hi o baro Debleskri rholi bares ap mende čiddo.”

Ropaskre gilja 2:17

O baro Devel kras, hoy lo peske glan las. Oun kras kova, har lo menge glan i rah tsiro trad das. Les khaytal tou gar, har moukas lo tout khetne te dell, oun kolen, kay ap toute djan, i zorleder te vell. Har tou peral, nay san le.

Ezekiel 7:9

Me dikau bouder gar lačes ap t'mende. Man khaytenn t'mer gar. Ko djoungelo koova, hoy kran, vell ap t'mare sherya pale. Oun t'mer lenn t'mari phagi. Oun t'mer dikenn oun hayvenn palle, te hom me o baro Devel, kova kay t'men dell.

Ezekiel 33:20

Ninna te hi kova yaake, penenn t'mer: “O Devel djal gar pal o čačepen.” Djinenn, t'mer dran o kheer Israel: Me krau pral t'mende o čačepen vin, pral hakeneste yaake har yob djivas.

Jeremia 36:31

Me moukau i phagi te vell pral toute, tire čavende oun pral i pralstunende pash toute t'maro čilačepaske. Pral t'mende oun kolende an Yerusalem oun Youda anau me koy tseli bibarht, kolah t'men trad dom, doleske kay kek t'mendar shounas ap mande.

Ezekiel 7:27

O baro ray rovell, oun i pralstoune darenn pengro djipaske. Hakeno an o them trissell i daryatar. Me krau lentsa pal kova har yon kran. Oun yaake har kran yon o čačepen vin pral i vavarende, yaake krau me o čačepen vin pral lende. Palle dikenn oun hayvenn le, te hom me o baro Devel.

Ezekiel 9:10

Doleske dikau me kek kamlepah ap lende, oun yon khaytenn man gar. Lengro čilačepen anau ap lengre sherya pale.

Ezekiel 11:21

Kolla, kay pandan pengro dji ap i rhorhene deblen oun djoungele figuren, kolenge anau lengro čilačepen ap lengre sherya pale. Kava penell o baro Devel, maro ray.

Ezekiel 16:43

Tou bistral, hoy touke krom, har terno hals. Oun rhoyral man ko tselo koveha, hoy kral. Boud djoungelo koova kral, oun koy pashel kral vi-ladjedo koova. Doleske anau kova lauter, hoy kral, ap tiro shero pale, penell o baro Devel, maro ray.

Ezekiel 16:59

Kava penell o baro Devel, maro ray: Ava, me krau touke yaake, har tou kral: Tou dal tout sovel, te rikreh ap mande, oun rikral koy sovel gar.

Ezekiel 18:30

Doleske penau me, o baro Devel, t'maro ray: Me krau o čačepen vin pral t'mende dran o kheer Israel – pral hakeneste, yaake har djivas lo. Moukenn t'maro čilačo drom! Krenn bouder gar ko tselo čilačo koova, hoy kran, te anenn kek doosh ap t'mende.

Ezekiel 24:14

Me, o baro Devel penom kova, oun me krau les ninna yaake. Kava tsiro vas, te krap kova. Me rikrau man gar pale, te dap t'men i phagi, t'mer khaytenn man gar. Me krau miro dji gar pre t'menge. T'mer lenn t'mari phagi pal kova har djivan oun hoy kran. Kova penell o baro Devel, maro ray.

Hosea 12:3

Ninna i menshenge an o them Youda rikrell o baro Devel lengro čilačo koova glan i yaka. Yob dell o Yakobes peskri phagi koleske, hoy lo kras, oun har lo djivas.