Ezekiel 7:7 - O Debleskro Lab 2024 (Sinte-Manouche)

⁷ I bibarht perell pral t'mende dren, pral t'mende kay djivenn an o them. O tsiro vas, ko dives hi koy, kay o ropen vell, oun bouder kek gipen pral ap i berge hi.

O Debleskro Drom 2021 (Sinte)

⁷ I bibacht perell pral tumende dren, pral tumende kai djiwenn an o them. O tsiro was, ko diwes hi koi, kai o ropen well, un buder kek gipen pral ap i berge hi.

Ezekiel 7:7 Referans Kwoze

Ezekiel 12:28

Doleske pen lenge: Kava penell o baro Devel, miro ray: Kova, hoy penom, vell sik. Ko lab hoy me rakrom, vell čačo. Kova penau me, o baro Devel, t'maro ray.

Ezekiel 7:12

Ko tsiro vas, ko dives hi koy! O ginepaskro nay sal gar bouder. Oun kova, kay hounte bikrell čomone, hounte rovell gar koy pral. O baro Debleskri rholi vell pral kal tsele menshende.

Jesaja 22:5

O baro Devel, o ray pral o bolepen oun i phoub, rodas i dives vin, kay an i dikepaskri tala boud menshe bares gole denn, kay lourde lauter khetne stakrenn, oun i menshe narvelo i daryatar venn. I massourya venn tele phagedo. Oun i gole djal pre ap i berga.

1. Mose 19:15

Sik taysarlakro penan i bolepangre ap o Lot: “Kre sik! Ste pre, le tiri romyat oun tire douy čen, kay pash toute hi! Oun dja dran kava foro, te vess tou gar maredo, te lenn i menshe an kava foro pengri phagi.”

1. Petro 4:17

Kanna vas ko tsiro, kay venna i čilače divessa pral o Debleskre čavende. Pal kova vella bari bibarht pral kolende, kay patsan gar ap o Debleskro lačo lab!

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

Jeremia 20:7

Baro Devel, tou rakral yaake rah ap mande dren bis te krom, hoy tou kamal. Tou hal zorleder har me. Kanna vom lenge sapaske, oun hakeno sal man vin.

Jesaja 17:14

Ap i rati krenn le i menshen bari traash. Oun glan o nevo dives vella, hi le gar bouder koy. Yaake djal kolenge, kay kamenn men vin te randell. oun kamenn menge kova te čorell, hoy menge hi.

Jesaja 13:22

Divye djoukle rovenna an i rayengre khera, kay his yaake shoukar oun raylo. I tsiro o foreske Babilon vas, te lell li peskri phagi. Oun leskre divessa hi trouyel.

1. Mose 19:24

Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

Jeremia 50:27

Marenn i tsele terne morshen, denn len tele čourye har terne gourma! Har djoungeles djal lenge! Lengro dives vas, ko tsiro, kay lenn le pengri phagi!

Jesaja 16:10

O gipen oun o sapen vell bouder gar shounlo tel i rouka an i baar. An o drakengro them dell bouder kek gole i barhtyatar. Kek mool vell kerdo. Kek gipen vell shounlo.

Ezekiel 30:3

Ko dives vell sik, ko dives, kay o baro Debleskri rholi vella. Kalo har i rati hi ko dives, i tsiro, kay bibarht vell pral i themma.

Joel 1:15

Havo bibarhtelo tsiro! O dives, kay o baro Debleskri rholi vell, hi bouder gar dour. Ap ko dives anell o zorelo Devel bari bibarht pral mende.