Ezekiel 6:9 - O Debleskro Lab 2024 (Sinte-Manouche)

⁹ Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

O Debleskro Drom 2021 (Sinte)

⁹ Kote, kai le pandle hi, wau me lenge an o shero. Un jon dikenn dren, te dom len i phagi koleske, hoi jon kran: Jon phagan mantsa un nashan chochene deblen palla. Palle rissrell lenge halauter an pende pral ko tselo djungelo koowa, hoi jon kran.

Ezekiel 6:9 Referans Kwoze

Ezekiel 20:43

Oun kote vell t'menge kova an o shero, hoy kran oun har djivan, koleha t'mer t'men pale-čiddo kran. Oun ko tselo čilačo koova, hoy kran, vell t'menge čadepaske.

Jesaja 7:13

Kote pre penas o Yesaya: “Shounenn, t'mer, kay venna o Davideskre čavendar! Hi t'menge gar doha, te krenn menshen khino? Krenn kanna ninna miro Debles khino?

Debleskri gili 78:40

Boud kope hadan le pen ap leste an o moulo tato them, oun doukran leskro dji.

Hiob 42:6

Doleske lau pale, hoy rakrom oun hom beshdo an i čik oun an i yagakri čik, te sikrap, kay khaytell man kova, hoy rakrom.

Zakarie 10:9

Me tradom len mank i menshende an dour themma, te vap lenge kote an o shero, te nay djivenn le, yon oun lengre čave, oun pale khere venna.

Ezekiel 20:7

Oun me penom ap lende: Hakeno t'mendar hounte vitsrell kol djoungele figuren krik, hoy lo an-mangell. Rikrenn t'men pale kol rhorhene deblendar, kolen i Egiptarya an-mangenn, te venn t'mer gar pale-čiddo! Me, o baro Devel, hom t'maro Devel.

Jesaja 43:24

Mange ginal tou gar lovenge goudlo soungepaskro khass, vitar gar rhačral o firhengro thulepen, te vap čalo. Na-a, mange kral boud boudi tiri doshah. Ko tselo čilačepen, hoy kral, kras man khino.

Ezekiel 20:24

doleske, kay djivan le gar pal miro čačepen oun kran gar, hoy lendar kamom, oun boudran ap o Debleskro dives, oun nashan kol rhorhene deblenge palla, kolen lengre phoure an-mangan.

Jeremia 51:50

T'mer i menshendar Israel, kay van gar maredo, djan vin dran o foro Babilon! Oun rikrenn t'men gar pre! Ninna te han an i dour them, ma bistrenn o baro Debles, vitar gar o foro Yerusalem!

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

Ezekiel 20:28

Har me len an o them anom, kolestar man sovel dom, te dap les lende, mangan le vavar deblen an. Hako kopo, kay dikan le i tikni berga oder i baro rouk boud patyentsa, rhačran le firhen i rhorhene deblenge, oun kran man rhoyedo koleha, hoy le lenge anan. Yon rhačran soungepaskro koova lenge, oun čoran mool vin lenge.

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Ezekiel 16:43

Tou bistral, hoy touke krom, har terno hals. Oun rhoyral man ko tselo koveha, hoy kral. Boud djoungelo koova kral, oun koy pashel kral vi-ladjedo koova. Doleske anau kova lauter, hoy kral, ap tiro shero pale, penell o baro Devel, maro ray.

Amos 2:13

Kanna tserdau t'menge i phoub tel t'mare herya krik, te perenn foun yek rig ap i vavar har i vourdin, hoy pherdo djob hi.

4. Mose 15:39

Oun kol dorya hi koleske koy: Yaake boud kope har t'mer kolla an-dikenn, vell t'menge an o shero halauter, hoy o baro Devel penas, – kol tsele laba, hoy hounte krenn. Yaake moukenn t'men gar o Debleskro dromestar tele te anell t'mare yakendar, vitar gar shounenn t'mer ap kova, hoy an t'maro shero trouyel djal.

Ezekiel 12:16

O rharo, i bok oun i pharo nasslepen marenn boud lendar. Gar boud lendar moukau djido. Kolla nay penenn kol menshenge, pash lende yon djivenn, havo djoungelo koova i Israelitarya kran. Yaake dikenn oun hayvenn kolla ninna, te hom me o baro Devel.

Ezekiel 7:16

Oun kolla, kay nay nashenn penge, djivenn ap i berge har darene taube mank i bare barra, oun rovenn pral pengri doosh.

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

Jeremia 3:13

Tou hounte kress či, har te dikess dren, kay anal doosh ap toute, har hadal tout pre pral o baro Debleste, kay tiro Devel hi. Tou nashal kay te koy trouyel, te mangess vavar deblen an tel hake zenele rouka, oun shounal gar ap mire laba, penell o baro Devel.

Jeremia 3:6

An ko tsiro, kay o Yosia o baro ray his, penas o baro Devel ap mande: Dikal tou, hoy i Israelitarya kran? Yon hi har i djouvel, kay moukas peskro romes, oun djas ap kol tsele berge oun tel hake zenele rouka oun das pes trouyel vavar morshentsa.

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

Jesaja 63:10

Ninna te his lo lenge yaake lačes, kaman le gar ap leste te shounell, oun doukran les an leskro dji. Kote vas lo rhoyedo ap lende, oun kouras pes lentsa.

Debleskri gili 137:1

Pash i panya an o foro Babilon hams beshdo oun rovan, har menge o Sion an o shero vas.

2. Rajengro liil 16:10

Oun o baro ray Ahas djas an o foro Damaskus, te dikell lo kote o baro rayes dran o them Assour, o Tiglat-Pileser. Oun har lo koy sasterni rhačepaskri dikas, kay an o foro Damaskus tardo hi, kote bičras o baro ray Ahas peskre bičepangre pash o rashay Ouriya oun moukas leske te sikrell, har koy rhačepaskri vin dikell oun har baro koya hi oun har li kerdo vas.

Ezekiel 6:10

Oun yon dikenn oun hayvenn palle, te dom me, o baro Devel, len gar čičeske trad, har penom, havi bibarht pral lende vella.

Ezekiel 16:61

Palle ladjeh tout pral kova, hoy kral, te dikeh, har lau tiri phoureder oun tiri terneder pheen, oun čivau tout pral lende, te venn le touke har tire ča. Kova hi boud boudeder har touke vin krom.

Ezekiel 23:30

Kova vell pral toute doleske, kay loubral trouyel kol morshentsa dran vavar themma, oun mangal lengre rhorhene deblen an, oun val doleske pale-čiddo.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Micha 5:13

Kol kashta, hoy i debletsa Ashera sikrenn, tserdau vin dran i phoub, oun t'mare forya krau paash.