Ezekiel 6:12 - O Debleskro Lab 2024 (Sinte-Manouche)

¹² Kolla, kay an i dour them hi, merenn ap o nasslepen. Oun kolla, kay djivenn an o them Israel oun troul o them trouyel, kolla merenn an o kourepen. Oun kolla, kay pral ačenn, merenn i bokatar. Yaake krau lentsa, bis te miri rholi trouyel hi.

O Debleskro Drom 2021 (Sinte)

¹² Kolla, kai an i dur them hi, merenn ap o nasslepen. Un kolla, kai djiwenn an o them Israel un trul o them trujel, kolla merenn an o kurepen. Un kolla, kai pral atchenn, merenn i bokatar. Jaake krau lentsa, bis te miri choli trujel hi.

Ezekiel 6:12 Referans Kwoze

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

Daniel 9:7

Tou, ray, hal an o čačepen. Oun mer hounte ladjas men, mer, kay vah dran o them Youda oun dran o foro Yerusalem, ninna dran o tselo them Israel. Mer kram čilačo koova ap toute. Doleske tradal men an vavar themma, kay dour hi oun kay gar yaake dour hi, te djivas bouder gar khetne.

Ropaskre gilja 4:22

T'mer an o foro Sion, palle hi t'mari doosh t'mendar krik lino! O baro Devel moukell t'men bouder gar pandles krik te anell. Palle anell yob t'mari doosh, t'mer Edomarya, ap t'mare sherya pale, oun čakrell ko čilačo koova pre, hoy kran.

Ropaskre gilja 4:11

O baro Devel moukas peskri tseli rholi vin te vell. Leskri tseli rholi vas pral lende. Oun an o foro Sion moukas lo i bari yag te vell, te rhačras o foro tele bis ap i telstoune barra.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Ezekiel 5:12

O triinto kotar t'mendar merell ap i pharo nasslepen oun i bokatar. Oun i triinto kotar t'mendar vell glan o foro o rhareha moulo dino. Oun i triinto kotar t'mendar tradau vin ap hake rigya, oun me lau len palla o rhareha.

Ezekiel 7:12

Ko tsiro vas, ko dives hi koy! O ginepaskro nay sal gar bouder. Oun kova, kay hounte bikrell čomone, hounte rovell gar koy pral. O baro Debleskri rholi vell pral kal tsele menshende.

Ezekiel 7:15

Glan o foro hi kol lourde, kay kamenn i Israelitaryen te marell. An o foro hi i pharo nasslepen oun bok. Koon vin glan o foro hi, kova vell o rhareha maredo. Oun koon an o foro dren hi, merell ap o pharo nasslepen oun i bokatar.

Jeremia 24:10

Me anau kourepen, bok oun nasslepen mank lende, bis te kek lendar pral ačas an kava them, hoy dom len oun lengre phourende.

Jeremia 42:22

Doleske shounenn oun djinenn: Mank t'mende hi save, kay venn maredo o rhareha, vavar merenn i bokatar oun o djoungelo nasslepah kote, kay djan koy, te djivenn kote.

Ezekiel 33:27

Yaake peness tou lenge: Kava penell o baro Devel, maro ray: Pash miro djipen dau man sovel, halauter, kay an kol tele phagede forya djivenn, venn maredo o rhareha. Oun kolla, kay vin ap o them djivenn, venn khetne dandedo i divye firhendar. Oun kolla, kay khatrenn pen an zorele barrengre khera oun an i phoub, kolla merenn ap i djoungelo nasslepen.