Ezekiel 48:13 - O Debleskro Lab 2024 (Sinte-Manouche)

¹³ Oun langs ko kotar them, hoy lenn kol rashaya, lenn i Levitarya pengro kotar them. Kova hi ninna 12,5 (deesh-te-douy-te-paash) kilometarya lengsto oun 5 (panč) kilometarya bourhlo. Ko tselo kotar, hoy o Debleske ap i rig čiddo hi, hi 12,5 (deesh-te-douy-te-paash) kilometarya lengsto oun 10 (deesh) kilometarya bourhlo.

O Debleskro Drom 2021 (Sinte)

¹³ Un langs ko kotar them, hoi lenn kol rashaja, lenn i Levitarja pengro kotar them. Kowa hi ninna 12,5 (deesh-te-dui-te-paash) kilometarja lengsto un 5 (pantch) kilometarja buchlo. Ko tselo kotar, hoi o Debleske ap i rig tchiddo hi, hi 12,5 (deesh-te-dui-te-paash) kilometarja lengsto un 10 (deesh) kilometarja buchlo.

Ezekiel 48:13 Referans Kwoze

Louka 10:7

Ačenn an ko kheer, kay yon t'men pre lan! Rhan oun piyenn kova, hoy yon t'men denna! Hako boudepaskro lell peskro rhapen kolendar, kolenge yob boudrella. T'mer hounte djan gar an yek kheer pal o vavar.

Ezekiel 45:5

Ko vavar kotar them, hoy hi 12,5 (deesh-te-douy-te-paash) kilometarya lengsto oun 5 (panč) kilometarya bourhlo hi i Levitarenge, kolla an o Debleskro kheer boudrenn. Kote nay krenn le penge forya, an kolla yon djivenn.

5. Mose 12:19

Ma bistrenn i Levitaryen oun denn lende, hoy len hounte vell, yaake rah har an t'maro them djivenn.

Ezekiel 48:12

Doleske vell lenge kava kotar ko themestar, hoy mange hi, oun kay miro kheer tardo hi. Kava kotar hi kokres i rashayenge, oun hi čiddo pash ko kotar them, hoy lenn i vavar Levitarya.

Ezekiel 48:14

Oun i Levitarya hounte bikrenn či pengro themestar oun či parenn. Kava fetester kotar them hounte vell gar an i vavarengre vasta. Kava kotar them vas o baro Debleske dino.

2. Mose 23:19

Tou aness o feteder halauterestar, hoy ap tiri phoub bares vas tiro baro Debleske an leskro kheer. Tou keress gar i terni bouzni an i thoud peskri datar.

3. Mose 25:34

Ninna ko them glan i forya, kay i firhe rhan, vell nay gar bikedo. Kova hi lenge hako tsireske.