Ezekiel 47:8 - O Debleskro Lab 2024 (Sinte-Manouche)

⁸ Oun yob penas ap mande: Kava pani nashell vin an ko kotar them, hoy kote hi, kay o kham pre djal, oun doureder tele an i tala, kay o Yordan nashell, bis te vell lo an o Londo Baro Pani. Oun ko baro pani vell palle sasto.

O Debleskro Drom 2021 (Sinte)

⁸ Un job penas ap mande: Kau pani nashell win an ko kotar them, hoi kote hi, kai o kham pre djal, un dureder tele an i tala, kai o Jordan nashell, bis te well lo an o Londo Baro Pani. Un ko baro pani well palle sasto.

Ezekiel 47:8 Referans Kwoze

Josua 3:16

ačas o pani, hoy pralstounes lendar his, tardo har i kheer dour pral pash o foro Adam, hoy pash Zaretan čiddo hi. Oun ko pani, hoy telstounes lendar his oun tele an o Londo Baro Pani nashell, kova nashas bouder gar pal oun djas krik. Oun yaake nay djan i tsele menshe ap i vavar rig, pash ko foro Yericho.

5. Mose 3:17

Ap i rig, kay o kham tele djal, djal o them bis pash o lengsto pani Yordan, oun kote foun o pani Génésareth bis pash o Londo Baro Pani, oun bis tella pash i berga Pisga, kote kay o kham pre djal.

5. Mose 4:49

An leste his ninna ko tselo telstouno them ap kay rig o panyestar Yordan, kay o kham pre djal, bis pash o Londo Baro Pani oun bis pash o piro i bergatar Pisga.

Jesaja 43:20

Mire vi-rodede menshenge dau pani an o moulo them, ava, lengste zorele panya an o tato them. Doleske sharenn man i divye firhe, ninna i divye djoukle oun bare divye čirkle.

Jesaja 35:7

Kote, kay yaake tato his, vell pani khetne oun ačell tardo. Oun kote, kay yaake trouk his, krenn panya i phoub sapeno. Kote, kay i divye djoukle čiddo his, vell panyeskro khass oun shilftikro khass.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Jesaja 35:1

Barhteles vell ko them, hoy kanna tato oun moulo hi. Oun o divyo trouk them sal, oun lauter an leste djivell pre oun anell bloume vin.

Mateo 13:15

O Devel penas: Kalla menshe kamenn gar te hayvell, hoy shounenn le. Yon kamenn gar te shounenn, hoy me penau. Vitar gar kamenn le te dikell, hoy čačo hi. Te kamans le kova te dikell, shounans le. Oun te shounans le, hayvans le, oun vans pash mande. Oun me nay kroms len sasto.

Jesaja 49:9

– te peness i pandlen: Djan vin; oun kolenge, kay an i kali rat hi: Avenn vin! Palle hi le har bakre, hoy rhapen hatsenn pash o drom. Oun ap o pralstouno them hatsenn le zenlepen.

2. Mose 15:25

Koy das lo gole ap o baro Debleste. Oun o baro Devel sikras les i kotar kasht. Kova vitsras lo an o pani, oun o pani vas lačo. Kote das o baro Devel len laba, hoy sikrenna, hoy lo lendar kamell, oun har te djivenn le an leskro čačepen. Oun kote kamas lo ninna te dikell, te shounenn le ap leste.

Jesaja 35:6

Oun har i vesheskri bouzni stell kova, kay nay nashas gar. Oun kova, kay nay rakras gar, rakrell nay oun dell gole i barhtyatar. An o moulo tato them vell pani vin dran i phoub. Oun an o divyo trouk them nashenn lengste panya.