Ezekiel 47:6 - O Debleskro Lab 2024 (Sinte-Manouche)

⁶ Oun yob penas ap mande: Tou mensho, dikal tou kava? Oun yob anas man palpale ap o panyeskri rig.

O Debleskro Drom 2021 (Sinte)

⁶ Un job penas ap mande: Tu mensho, dikal tu kawa? Un job anas man palpale ap o panjeskri rig.

Ezekiel 47:6 Referans Kwoze

Ezekiel 44:5

Oun o baro Devel penas ap mande: Tou, mensho, kre tire yaka oun kanda pre, oun de yak ap halauter, hoy me touha rakrau! Kamau touke te penell, hoy t'mendar kamau miro khereske, oun hoy kote hounte krenn. De yak, te djiness, koon nay djal dren oun koon gar.

Ezekiel 40:4

Oun ko morsh penas ap mande: Tou, mensho, dik oun shoun mishto, oun de yak ap halauter, hoy sikrau tout. Doleske val tou kate anlo, te sikrap kova touke. Halauter, hoy kate dikal, pen i menshenge dran o kheer Israel!

Zakarie 5:2

Oun o bolepaskro poučas mandar: “Hoy dikeh?” Me penom: “I liil, hoy djal an i loufta. Ko liil hi enya metarya lengsto oun star-te-paash metarya bourhlo.”

Zakarie 4:2

oun penas ap mande: “Hoy dikeh?” Me penom: “Me dikau i momelengri kerdi dran sonakay. Ap late hi i čaro. Koy pre hi efta momlia, hakeni i mouyeha.

Ezekiel 8:17

Oun yob penas ap mande: Tou mensho, dikal tou kava? Hi i menshenge dran o kheer Youda gar doha, te krenn le ko tselo djoungelo koova kate? O tselo them kran le pherdo čilačepen. Hounte rhoyrenn le man pale te pale? Dik, har rikrenn le penge zenele patria glan pengre naka!

Ezekiel 8:6

Oun o baro Devel penas ap mande: Tou, mensho, dikeh tou, hoy le krenn? Baro djoungelo koova hi, hoy o kheer Israel kate krell, te djap mange dran miro kheer vin. Oun tou dikess gomme bareder djounglepen.

Mateo 13:51

Hayvan t'mer kava lauter? Oun yon penan ap leste: “Ava.”