Ezekiel 47:2 - O Debleskro Lab 2024 (Sinte-Manouche)

² Oun yob anas man vin dran ko voudar, hoy kote hi, kay norden hi. Oun anas man vin troul i massouri pash ko voudar, hoy kote hi, kay o kham pre djal. Kote dikom, har nashas o pani tel o voudar vin, ap koy rig, kay o kham pralstounes tardo hi.

O Debleskro Drom 2021 (Sinte)

² Un job anas man win dran ko wudar, hoi kote hi, kai norden hi. Un anas man win trul i massuri pash ko wudar, hoi kote hi, kai o kham pre djal. Kote dikom, har nashas o pani tel o wudar win, ap koi rig, kai o kham pralstunes tardo hi.

Ezekiel 47:2 Referans Kwoze

Ezekiel 44:4

Oun o morsh anas man pash o voudar, hoy ap i nordetikri rig hi, oun djas kote mantsa dren ap koy tikni glanstouni platsa glan o baro Debleskro kheer. Koy dikom, kava kheer his pherdo o baro Debleskro raylepen. Oun me moukom man ap i phoub te perell glan leste.

Ezekiel 44:2

Oun o baro Devel penas ap mande: Kava voudar ačell pandlo, oun vell gar pre kerdo. Oun kek djal an kava voudar dren! Me, o baro Devel, ko Devel pral Israel, djom an kava voudar dren. Doleske ačell lo pandlo.

Ezekiel 40:35

Oun yob anas man pash ko voudar, hoy kote hi, kay norden hi. Oun dikas pal, har baro kava hi. Kova his yaake baro har kol vavar.

Ezekiel 47:1

Oun ko morsh anas man palpale pash o voudar o Debleskro kherestar. Leskri glanstouni rig his koy rig, kay o kham pre djal. Kote dikom pani, hoy nashas tel o voudar vin. Kava pani nashas i kotar tele ap koy glanstouni rig o kherestar pash koy rig, kay o kham pralstounes tardo hi. Palle djas lo kote, kay koy rhačepaskri tardo hi, doureder ap koy rig, kay o kham pre djal.

Ezekiel 47:3

Oun ko morsh djas doureder kote, kay o kham pre djal, oun les his i dori an peskro vast. Oun kolah ginas lo 500 metarya tele, oun moukas man an o pani dren te djal. O pani čakras mire pire.