Ezekiel 47:16 - O Debleskro Lab 2024 (Sinte-Manouche)

¹⁶ oun doureder bis pash i forya Berota oun Sibrayim, hoy kote čiddo hi, kay o them troul Damaskus khetne vell ko themeha troul Hamat. Foun kotar djal o them Israel doureder bis pash o foro Hazar-Enan, hoy pash o them čiddo hi, hoy troul i berga Hauran hi.

O Debleskro Drom 2021 (Sinte)

¹⁶ un dureder bis pash i forja Berota un Sibrajim, hoi kote tchiddo hi, kai o them trul Damaskus khetne well ko themeha trul Hamat. Fun kotar djal o them Israel dureder bis pash o foro Hazar-Enan, hoi pash o them tchiddo hi, hoi trul i berga Hauran hi.

Ezekiel 47:16 Referans Kwoze

Ezekiel 48:1

Oun kalla hi i laba kol deesh-te-douy bare familyendar oun ko kotar them, hoy hakeni lendar lell. Ko kotar them, hoy ap i nordetikri rig čiddo hi, lell o kheer Dan. Kava them djal foun o Mashkralstouno Baro Pani bis pash o foro Hetlon, oun doureder bis pash o foro Hamat, oun doureder bis pash o foro Hazar-Enan. Ap leskri nordetikri rig hi o foro Damaskus čiddo, vergel ko foro Hamat. Yaake dour hi kava kotar them, hoy o kheer Dan lell, foun kotar, kay o kham pre djal, bis kote, kay o kham tele djal.

2. Samuel 8:8

Oun boud lolo saster las lo dran i forya Teba oun Berotay. Kol forya his an o them, kay his o Hadad-Eser o baro ray.

4. Mose 13:21

Oun yon djan koy, oun dikan, har ko them hi an o moulo tato them Tsin oun doureder pre, o tselo drom bis pash o foro Rehob pash Lebo-Hamat.

Zakarie 9:2

Yob lell o them Hamat an i yak, hoy hi čiddo ap i rig o forestar Damaskus. Ninna lell lo i forya Tirus oun Sidon an i yak, kay i menshe yaake gosevo hi.

1. Mose 14:15

An i rati bičras yob peskre morshen ap douy rigya. Oun yob oun leskre morsha djan ap lende pre oun dan len, oun lan len palla bis pash ko foro Hoba, hoy ap i servi rig o forestar Damaskus čiddo hi.

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

Amos 6:14

“Doleske”, penell o baro Devel, ko ray pral o bolepen oun i phoub, “bičrau i natsyona, hoy djal ap t'mende, kay han dran o kheer Israel. Kolla menshe lenn t'maro them dren foun Lebo-Hamat bis pash o lengsto pani an o telstouno them.”

Ezekiel 47:17

Yaake djal o them Israel ap i nordetikri rig foun o Mashkralstouno Baro Pani bis pash o foro Hazar-Enan. Ap koy nordetikri rig lestar hi kol forya Damaskus oun Hamat čiddo.

1. Familjakro liil 18:5

Koy van kol Syrarya dran o them Damaskus pash o Hadad-Eser, ko baro ray pral o them Soba, te venn le leske ap i rig. Oun o David maras lendar 22.000 (biish-te-douy-zerya) morshen.

1. Rajengro liil 8:65

Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

4. Mose 34:8

Oun kotar doureder bis kote, kay djal an Hamat, oun doureder pash Zedad,

Jesaja 10:9

Yek foro pal o vavar lom dren: Kalno oun Karkemish, Hamat oun Arpad, Samaria oun Damaskus.

Ezekiel 27:18

Tout his boud boud koova bikepaske. Yaake ginas ninna o foro Damaskus toutar, oun das tout koleske mool dran o foro Helbon oun parno bakrengro bal dran o them Zahar,

Ezekiel 47:18

Oun koy rig o themestar Israel djal foun kotar, kay o kham pre djal, mashkral o foro Hauran oun o foro Damaskus doureder langs o lengsto pani Yordan bis tele pash o Londo Baro Pani. O Yordan nashell mank o them Israel oun o them Gilead. Pash o Londo Baro Pani djal o them Israel bis pash o foro Tamar. Yaake dour djal o them Israel ap koy rig, kay o kham pre djal.

Ezekiel 47:20

Oun kote, kay o kham tele djal, djal o them Israel bis pash o Mashkralstouno Baro Pani, bis pre vergel o foro Hamat. Yaake dour djal o them Israel ap koy rig, kay o kham tele djal.