Ezekiel 47:12 - O Debleskro Lab 2024 (Sinte-Manouche)

¹² Ap kol douy rigya o lengsto panyestar hi rouka tardo. Kolla hi o tselo bersh zenelo, oun hidjrenn hako tsiro roukengre. Hako čon venn neve roukengre bares. Ko lengsto pani, kolestar yon pani lenn, vell vin dran o Debleskro kheer. Lengre roukengre hi o rhapaske. Oun lengre patria krenn i nasselen sasto.

O Debleskro Drom 2021 (Sinte)

¹² Ap kol dui rigja o lengsto panjestar hi ruka tardo. Kolla hi o tselo bersh senelo, un hidjrenn hako tsiro rukengre. Hako tchon wenn newe rukengre bares. Ko lengsto pani, kolestar jon pani lenn, well win dran o Debleskro kheer. Lengre rukengre hi o chapaske. Un lengre patria krenn i nasselen sasto.

Ezekiel 47:12 Referans Kwoze

Debleskro tsiro 22:2

O pani nashell mashkral o baro drom. Ap haki rig o panyestar hi kol rouka tardo, kay denna o djipen. Ap lende venna deesh-te-douy kope an i bersh roukengro rhapen baro, hako čon yek kopo. Oun i patria kol roukendar krenn i menshen an i tsele themma sasto.

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Ezekiel 47:7

Oun har pale vom, dikom kote boud rouka ap kol douy rigya o panyestar.

Jeremia 17:8

Kova hi har i rouk, kay pash o pani tardo hi, oun čivell peskre draba an o pani. Ninna te vell o baro tatepen, hi les kek traash. Leskre patria ačenn zenelo. Te vell i bersh, kay dell kek brishin, hounte vell les kek daar. Yob moukell gar tele, te hidjrell lo roukengre.

1. Mose 2:9

Oun o baro Devel, maro ray, moukas boud rouka baro te vell dran i phoub. Kolla his shoukar. Oun lengre roukengre his lačo rhapaske. Mashkral i baar his ko rouk tardo, kay della djipen, ninna ko rouk, kay della gosvepen, hoy hi lačo oun hoy hi čilačo.

Debleskri gili 92:12

Me dikau tele ap kolende, kay mange čilačepen kaman, oun shounau i gole kol čilačendar, kay hadan pen ap mande.

Hiob 8:16

I mensho kek Debleha hi har zenlepen, koles doha pani hi, glan te djal o kham pre, oun hoy bourhles vell, oun djal pral i tseli baar.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jeremia 8:22

Hi an o them Gilead kek doukepaskro djet? Hi kek dramaskro koy? Hoske dell kek sastepen mire menshenge?

Jesaja 1:6

Foun o shero bis pash i pire hi kek kotar ap t'mende, hoy sasto vals. T'maro mass hi pherdo doukepen, phouro oun nevo doukepen, kay dino van. T'maro činepen hi gar vi-thodo, vitar gar dren pandlo. Kek djet vas pre čiddo.