Ezekiel 45:1 - O Debleskro Lab 2024 (Sinte-Manouche)

¹ Ap ko dives, kay vitsrenn t'mer tikne kashta, te djinenn, koneske havo kotar them vell, čivenn i kotar them ap i rig, hoy o baro Debleske hi: 12,5 (deesh-te-douy-te-paash) kilometarya lengsto oun 10 (deesh) kilometarya bourhlo. Kava tselo kotar them hi o baro Debleske.

O Debleskro Drom 2021 (Sinte)

¹ Ap ko diwes, kai witsrenn tumer tikne kashta, te djinenn, koneske hawo kotar them well, tchiwenn i kotar them ap i rig, hoi o baro Debleske hi: 12,5 (deesh-te-dui-te-paash) kilometarja lengsto un 10 (deesh) kilometarja buchlo. Kau tselo kotar them hi o baro Debleske.

Ezekiel 45:1 Referans Kwoze

Ezekiel 48:29

Kava hi o them, hoy denn t'mer i bare familyenge, kay venna kol 12 (deesh-te-douy) čavendar o Yakobestar, te lell hakeni peskro kotar them. Kava them hi hako tsireske i Israelenge, oun vell o dadestar ap o čaveste doureder dino. Kava penell o baro Devel, maro ray.

4. Mose 34:13

Palle penas o Mose ap kol Israelitarya: “Kol menshe dran o kheer Ruben, dran o kheer Gad, oun ko paash kol menshendar dran o kheer Manasse lan pengro kotar them ap kay rig o panyestar Yordan, vergel o forestar Yericho, ap koy rig, kay o kham pre djala. Kava kate hi ko them, kay lenn t'mer vavar. Yaake kamell kova o baro Devel. Vitsrenn barhtyakre barra te hatsenn vin, koon havo kotar lella.”

Gosewe laba 3:9

De o baro Debleste tiro bravlepastar oun ko feteder kolestar, hoy touke khetne anal, yaake hadeh leskro lab.

Josua 14:2

Yaake har o baro Devel kova o Moseske penas, vitsran le barra, hoy sikrenn, havo them hakeno kol enya-te-paash bare khera lella.

Josua 13:6

oun o pralstouno them mank i berge Libanon oun o foro Misrefot-Mayim. Kol tsele Sidonarya, kay kote djivenn, kolen tradau me vin glan kol Israelitaryen. Vitse tou kol barra, hoy sikrenn, have Israelitarya havo kotar them lenna, yaake har me touke penom, te kress kova.

3. Mose 25:23

Ma bikrenn ko them yaake, te vell kova hako tsireske i vavareske! Ko them hi mange. Oun t'mer han har vi-themarya, kay moukau pash mande te djivell.

Josua 13:7

Kre kova kanna, te dess kolen dran i enya khera oun ko paash kol familyendar dran o kheer Manasse pengro kotar them, hoy lengro vell.

Josua 14:3

Kol menshen dran kol douy-te-paash vavar khera das o Mose pengro kotar them ap i vavar rig o panyestar Yordan. I Levitaryen das lo kek them.

Ezekiel 42:16

Hake star rigya ginas lo peskro kashteha tele, glanstounes koy rig, kay o kham pre djal, palle i nordetikri rig, palle koy rig, kay o kham pralstounes tardo hi, oun palle koy rig, kay o kham tele djal. Haki rig his 250 (douy-sheel-te-paash) metarya lengsto.

Josua 14:1

Oun kalla hi kol kotya them, hoy i Israelende dino van an o them Kanaan. O rashay Elazar oun o Yosua, koleskro dad o Noun his, khetne kol pralstunentsa pral i bare familyende, yon his kolla, kay dan ko them vin, te lell haki familya peskro kotar them.