Ezekiel 44:3 - O Debleskro Lab 2024 (Sinte-Manouche)

³ Kokres o ray pral Israel nay djal dren, oun beshell koy, oun rhal kote glan mande peskro kotar kolestar, hoy mange, o baro Debleske anlo vas. Te vell lo kote, hounte djal lo an i voudareskri halla dren oun ninna kote pale vin.

O Debleskro Drom 2021 (Sinte)

³ Kokres o rai pral Israel nai djal dren, un beshell koi, un chal kote glan mande peskro kotar kolestar, hoi mange, o baro Debleske anlo was. Te well lo kote, hunte djal lo an i wudareskri halla dren un ninna kote pale win.

Ezekiel 44:3 Referans Kwoze

Ezekiel 46:2

Oun o ray djal foun i bari glanstouni platsa dren an i voudareskri halla oun ačell tardo pash i pesse kashta, hoy hi čačes oun serves o voudarestar. Oun i rashaya lenn leskre firhe, hoy lo o Debleske dell, oun marenn len, oun anenn len glan o baro Debleste, kolen kay venn tseles rhačedo, oun kolen, kay venn rhalo glan o Debleste. Oun o ray ačell an o voudar oun mangell o baro Debles an. Oun palle djal lo pale vin. O voudar ačell pre, bis te vell i rati.

Ezekiel 37:25

Oun yon djivenn pale an ko them, hoy dom me miro boudepaskres o Yakobeste, an koleste t'mare phoure djivan Hako tsireske djivenn le kote, yon oun lengre čave oun kolengre čave. Oun yek dran i familya o Davidestar, kay hi har o David miro boudepaskro, vell lengro ray hako tsireske.

Ezekiel 34:24

Oun me, o baro Devel, vau lengro Devel. Oun ko morsh, kay hi har miro boudepaskro, o David, vell o ray mank lende. Kava penau me, o baro Devel.

1. Mose 31:54

Oun yob maras i firho o Debleske ap koy berga oun kras i rhapen peskre menshenge. Oun yon rhan oun ačan i rati koy.

Ezekiel 40:9

Kaya his star metarya lengsto. Palla an lakri massouri his i kotar pre, kay djah vin. Čačes oun serves kolestar his i massouri yek metari pesso. Vergel koy voudareskri halla his o Debleskro kheer.

Debleskro tsiro 3:20

Dikenn, me hom glan o voudar tardo, oun dau ap ko voudar. Koon shounell, hoy me penau, oun krell mange o voudar pre, pash koleste djau me dren, oun rhau leha, oun yob rhal mantsa.

2. Familjakro liil 34:31

Oun o baro ray his ap peskri platsa tardo oun das o baro Debleste peskro lab, te djan le ap o Debleskro drom, oun rikrenn leskre laba, oun djivenn yaake, har yob len sikras oun pal leskro čačepen. Pengro tselo djiyeha oun pengri tseli zoryah kaman le pal kal laba te djivenn, hoy o Devel len das, oun hoy an kava liil činlo hi.

Jesaja 62:9

Ava, kolla, kay o djob dren anan, kolla rhan les ninna oun sharenn o baro Debles. Oun kolla, kay i drake dren anan, kolla piyenn ninna i mool lendar ap i platse glan miro kheer.

Jesaja 23:18

Oun kol love, hoy le dren lenn, vell o baro Debleste dino. Kol love vell gar khetne anlo an i bravlepaskro kheer. Na-a, kol love lenn kolla, kay pash o baro Debleskro kheer djivenn, te vell len doha rhapaske oun lače koola an-ripaske.

2. Familjakro liil 23:13

Oun dikas o nevo baro rayes ap peskri platsa an o voudar tardo. Oun troul leste his i pralstoune lourde oun i phourdepangre tarde. Oun i tsele menshe ko themestar his barhtelo, oun i phourdepangre phourdan an pengre bashepangre. Ninna i gipangre his koy, oun o bashepah ap pengre doryengre bashepangre givan le glan, oun i menshe givan lentsa. I Atalya tserdas peskre ripya an kotya oun das gole: “Phoukepen, Phoukepen!”

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

Ezekiel 46:12

Oun te kamell o ray i firho pestar o baro Debleske te anell, nay vell savo firho, hoy vell tseles rhačedo, nay vell savo firho, hoy rhan le khetne glan o baro Debleste, palle vell leske o baro voudar pre kerdo, hoy ap koy rig hi, kay o kham pre djal, te nay vell o dren, har lo ap o Debleskro dives ninna dren vell. Oun palle djal lo pale koy vin. Oun o baro voudar hounte vell pal leste pandlo.

2. Rajengro liil 16:18

Ninna las lo koy dacha krik, hoy pral koy platsa his, kay i menshe ap o Debleskro dives an o baro Debleskro kheer djan. Oun ko vinstouno voudar, kay i bare raya an o Debleskro kheer djan, kras lo pandlo. Kova lauter kras lo yaake, har o baro rayeske pral o them Assour mishto his.