Ezekiel 44:11 - O Debleskro Lab 2024 (Sinte-Manouche)

¹¹ Lengri boudi an miro kheer hi kanna, te denn le yak an i bare voudya glan miro kheer. Ninna hounte marenn le kol firhen, hoy i menshe mange anenn, save firhe, kay venn tseles rhačedo oun save, hoy rhan le khetne glan mande. Yaake boudrenn le mire tsele menshenge.

O Debleskro Drom 2021 (Sinte)

¹¹ Lengri budi an miro kheer hi kanna, te denn le jak an i bare wudja glan miro kheer. Ninna hunte marenn le kol viechen, hoi i menshe mange anenn, sawe vieche, kai wenn tseles chatchedo un sawe, hoi chan le khetne glan mande. Jaake budrenn le mire tsele menshenge.

Ezekiel 44:11 Referans Kwoze

4. Mose 16:9

Hi kova t'menge gar doha, kay o Israeleskro Devel t'men vin rodas dran i tsele Israelitarya, te venn pash leste, te krenn t'mari boudi ap o Debleskro kheer? T'mer nay venn i tsele menshenge Israel koy.

2. Familjakro liil 29:34

Kote his gar doha rashaya, te tserdenn le i hauta kol tsele marede firhendar tele. Doleske van lenge lengre phrala, kol Levitarya, pash o vast, bis te i tseli boudi kerdo his, oun boudeder rashaya pen djoudjo kran o baro Debleske. [I Levitarya his sikeder koy pashel, te krenn le pen djoudjo o Debleske har i rashaya.]

Ezekiel 44:14

Oun me krau lendar boudepangre, kay an miro kheer koy boudi krenn, hoy kerdo hounte vell.

Ezekiel 40:45

Oun ko morsh penas ap mande: Kay isema kolakri glanstouni rig kote sikrell, kay o kham pralstounes tardo hi, hi kol rashayenge, kay boudrenn an o Debleskro kheer.

2. Familjakro liil 30:17

Boud kolendar, kay khetne van, kran pen gar djoudjo glan kal divessa. Yaake nay maran le penge gar i terno bakro. Doleske maran i Levitarya i bakren lenge. Yaake nay dikas o baro Devel lačes ap kol bakre.

4. Mose 18:6

Oun me lom t'mare phralen, i Levitarya, dran i vavar Israelitarya vin, te dap len t'mende, te venn le mange koy, o baro Debleske, oun krenn koy boudi ap o Debleskro plarhteno kheer.

4. Mose 4:1

O baro Devel rakras o Moseha oun o Aroneha oun penas:

4. Mose 18:2

I Levitarya hi tire phrala, kolen less tou pash toute, te ačenn yon pash toute oun boudrenn touke. Tou kokres tire čaventsa han mire rashaya oun boudrenn glan o Debleskro kheer, kay o Debleskre deesh laba dren hi.

4. Mose 8:26

Yon nay venn ap i rig pengre phralenge, kay boudrenn ap o Debleskro kheer. Koy boudi, hoy yon kran, hounte krenn yon bouder gar. Yaake hounte kress tou kolentsa dran o kheer Levi, te krell hakeno peskri boudi.”

Ezekiel 46:24

Oun o morsh penas ap mande: Kalla hi i boba, kate kerenn i boudepangre o Debleskro kherestar o mass kol firhendar, hoy rhan i menshe khetne glan o Debleste.