Ezekiel 44:10 - O Debleskro Lab 2024 (Sinte-Manouche)

¹⁰ Har i Israelitarya mange o doumo sikran, oun vavar deblenge palla nashan, koy djan ninna i Levitarya mandar krik. Kanna hounte hidjrenn le pengri phagi.

O Debleskro Drom 2021 (Sinte)

¹⁰ Har i Israelitarja mange o dumo sikran, un wawar deblenge palla nashan, koi djan ninna i Levitarja mandar krik. Kanna hunte hidjrenn le pengri phagi.

Ezekiel 44:10 Referans Kwoze

Ezekiel 48:11

Kava kotar hi kol rashayenge, kay venn pal o Zadok. Yon hi mange koy, oun boudran mange, oun peran gar mandar tele, har i Levitarya khetne i Israelentsa mandar tele peran.

Ezekiel 22:26

Tire rashaya rissrenn mire laba trouyel. Oun krenn kova pale-čiddo, hoy mange hi. Kova, hoy mange dino vas, hi lenge gar boudeder moldo har hako vavar koova. I vavar menshenge sikrenn le gar, hoy pale-čiddo oun hoy gar pale-čiddo hi. Oun yon pandenn pengre yaka, te venn o Debleskre divessa gar dren rikedo. Yaake krenn le, te vap me bouder gar sharedo.

1. Timoteo 5:22

Ma čip sik tire vasta ap yekeste pre! De yak, te vell i doosh i vavarestar gar ap toute! Rike tiro dji djoudjo!

Ezekiel 44:15

Kol rashaya dran o kheer Levi, kolengro phouro dad o Zadok his, yon ačenn mire rashaya, oun nay boudrenn mange. Har i Israelitarya mandar tele peran, kran yon pengri boudi mishto an miro kheer. Doleske nay ačenn le mire rashaya oun nay anenn o thulepen oun o rat kol marede firhendar glan mande. Kava penell o baro Devel, maro ray.

Zefanja 3:4

Lengre dikepangre krenn, har te vell či, oun hi pherdo rhorhepen. Lengre rashaya krenn savo koova, hoy krell o Debleskro kheer pale-čiddo, oun penenn o Debleskro lab gar čačes doureder.

Jeremia 23:11

O baro Devel penell: Mire rakepangre shounenn gar ap mande, vitar gar mire rashaya. Lengro čilačo koova hatsau ninna an miro kheer.

Jesaja 53:11

Yob las yaake boud daar oun douka ap peste, doleske dikell yob ninna i momeli, oun leskro dji vell čalo. Miro boudepaskro hi tardo an o čačepen. Oun dran kova lauter, hoy ap leste vas, nay čivell yob ninna boud menshen an o čačepen. Oun lengri doosh lell yob ap peste.

Debleskri gili 38:4

Ap miro mass hi bouder či sasto dran tiri rholi. Ninna mire kokale doukrenna. Dran miri doosh vas kova ap mande.

Nehemia 9:34

Mare bare raya oun pralstoune, mare rashaya oun phoure, kolla djan gar ap tiro drom, oun shounan gar tire laba, hoy sikrenn, har te djivenn le.

4. Mose 5:31

Te his ko morshes gar čačo, lell lo kek phagi. Koy djouvel, te anas li doosh ap peste, hounte hidjrell peskri phagi.

3. Mose 19:8

Oun koon rhal kolestar, hounte hidjrell peskri doosh, hoy yob koleha ap peste las. Yob kras, har te vals ko firho, hoy mange, o baro Debleske, dino vas, gar feteder har hako vavar mass. Savo mensho vell pale-čiddo oun nay djivell bouder gar mank peskre menshende.

1. Mose 4:13

Koy penas o Kayn ap o baro Debleste: “Miri phagi hi yaake baro, kay rikrau lat nay gar vin.

Ezekiel 14:11

Kova krau, te perell o kheer Israel gar bouder mandar tele, oun krell pes bouder gar pale-čiddo dran ko tseli doosh, hoy le ap pende anenn. Oun yon venn mire menshe, oun me vau lengro Devel, penell o baro Devel, maro ray.

Ezekiel 44:12

Bis kava dives anan le firhen lenge glan lengre rhorhene deblende, oun kran yaake, te peran i Israelitarya miro dromestar tele. Doleske hadom miro vast oun dom man sovel, te dap len pengri phagi. Kava penell o baro Devel, maro ray.

Maleachi 2:8

T'mer rashaya nashan miro dromestar ap i vavar drom. Oun boud menshe peran t'mentsa miro dromestar tele. T'mer sikran lende bouder gar o čačo drom, oun phagan ko lab, hoy me i Levitarentsa vin krom. Doleske penau me, o baro Devel, ko ray pral o bolepen oun i phoub:

Gosewe laba 11:31

Djiness, i lačo mensheske ap kay phoub vell o lačepen pale dino, hoy lo kras. Har boud boudeder vell palle o čilačepen pale dino kolenge, kay o čilačepen kran oun o Debleskro drom moukan.

Hosea 4:9

Doleske djal i rashayenge yaake har kol vavar Israelenge: Me dau t'men lauteren i phagi, oun dau t'men pale pal kova, hoy t'mer kran.