Ezekiel 43:2 - O Debleskro Lab 2024 (Sinte-Manouche)

² Oun kote dikom, har vas o raylepen o Israeleskro Deblestar foun kotar, kay o kham pre djal. Khetne ko raylepen vas i gole, har i gole, hoy bare panya denn. Oun dran o raylepen vas i momeli ap o tselo them.

O Debleskro Drom 2021 (Sinte)

² Un kote dikom, har was o railepen o Israeleskro Deblestar fun kotar, kai o kham pre djal. Khetne ko railepen was i gole, har i gole, hoi bare panja denn. Un dran o railepen was i momeli ap o tselo them.

Ezekiel 43:2 Referans Kwoze

Debleskro tsiro 18:1

Pal kova dikom i vavar bolepaskres, kay dran o bolepen tele vella. Koles his i bari zoor. Oun i phoub vas pherdo leskro raylepen.

Ezekiel 11:23

Oun o baro Debleskro raylepen hadas pes oun djas dran o foro vin, oun čivas pes ap i berga, hoy glan o foro čiddo hi, kote kay o kham pre djala.

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Ezekiel 10:4

Oun o baro Debleskro raylepen, hoy his pral kol bolepangren, hadas pes foun kotar, oun djas pash o kheer, kote kay o voudar hi. Oun o tselo kheer vas pherdo foun koy folka, oun i glanstouni platsa his pherdo o baro Debleskro raylepen.

Ezekiel 1:28

har i brishineskro bogo, hoy vell diklo ap o bolepen pal i brishin. Yaake sikras pes o baro Devel an peskro raylepen mange. Oun har les dikom, moukom man glan leste ap i phoub te perell. Oun me shounom yekes, kay rakras.

Debleskro tsiro 1:15

Oun leskre herya his har dran sonakay, hoy an o bob rhačedo oun thodo vella. Oun leskro rakepen his har i gole i baro panyestar, hoy dour tele perella.

Ezekiel 3:23

Oun me krom man ap o drom oun djom vin an o telstouno them. Oun kote dikom me pale o raylepen o baro Deblestar, yaake har dikom les, har homs pash o pani Kebar. Oun me moukom man ap i phoub te perell.

Ezekiel 1:24

Har djan le, dan lengre čirklengre moussya yaake bari gole, har i zorele panya gole denn. Koy gole his har i gole o zorelo Deblestar, oun har koy gole kote, kay boud menshe khetne hi, oun har koy gole, hoy boud lourde denn, kay djan an o kourepen. Oun te ačan i bolepangre tardo, palle moukan le pengre čirklengre moussya tele te djal. Oun me shounom i bari gole, hoy vas dran o bolepen pral lende.

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.

Debleskro tsiro 14:2

Oun me shounom i gole dran o bolepen. Kay gole his yaake zorelo har boud panya gole denna, oun har koy gole, hoy o bolepen krella, te dell baro brishin, oun te dell yag karye tele ap i phoub. Kay gole his ninna yaake har o bashepen, hoy kol bashepangre krenna, hoy harfe kharenna.

Debleskro tsiro 19:6

Koy dan boud menshe gole: “Halleluya!” Koy gole his yaake zorelo, har i baro pani gole della, hoy dour tele perella, oun har koy gole, hoy o bolepen krella, te dell baro brishin oun te dell yag tele karye. Oun yon rakran oun penan: “Maro zorelo Devel vas o ray pral halauter.

Debleskro tsiro 19:1

Oun pal kova dan boud menshe an o bolepen bari gole: “Halleluya! Maro Devel las men dran o čilačepen oun o merepen vin. Yob hi o ray, oun les hi i zoor pral halauter.

Johanni 12:41

Glan i rah tsiro dikas o Yesaya o Yezouseskro raylepen oun rakras lestar. Doleske penas yob kova glan-vi.

Habakuk 3:3

O Devel vell dran o them Teman, dran kol berge, hoy kharenn Paran. O bolepen hi pherdo leskro raylepen. Oun ap i tseli phoub sharenn les i menshe.

Habakuk 2:14

Yaake har o baro pani pherdo pani hi, vell i tseli phoub pherde menshe, kay djinenn, har raylo o baro Devel hi.

Ezekiel 9:3

Oun o raylepen o Israeleskro Deblestar, kay his pral kol star bolepangren, kay kharan Keroubim, hadas pes foun kotar, oun djas pash o kheer, kote kay o voudar hi. Oun o baro Devel das ap ko morsheste gole, koleskre koola dran layntikro than his, oun koles i činepaskri ap peskri rig his,

Debleskro tsiro 21:11

Ko fores hi o Debleskro raylepen, oun hi yaake shoukar, har ko kouč bar, hoy Yaspis kharella, yaake djoudjo har djoudji vali.

Jesaja 17:12

Shounenn, boud boud lourde venna dran boud themma, oun lengri gole hi baro oun divyo har o baro pani. Zorele natsyone hadan pen oun venna har zorele divye panya.

Ezekiel 11:22

Oun kol bolepangre hadan pengre čirklengre moussya, oun khetne lentsa hadan pen kol rade. Oun o raylepen o Israeleskro Deblestar his pral lende.

Ezekiel 43:4

Oun o baro Debleskro raylepen vas an o baro voudar, hoy kote hi, kay o kham pre djal, oun djas an o kheer dren.

Ezekiel 44:2

Oun o baro Devel penas ap mande: Kava voudar ačell pandlo, oun vell gar pre kerdo. Oun kek djal an kava voudar dren! Me, o baro Devel, ko Devel pral Israel, djom an kava voudar dren. Doleske ačell lo pandlo.

Habakuk 3:4

Leskro shoukapen hi har o kham, hoy pre djal. Har khameskri momeli djal dran leskre vasta vin. Kote dren hi leskri zoor khatedo.