Ezekiel 41:2 - O Debleskro Lab 2024 (Sinte-Manouche)

² Oun o voudar his panč metarya bourhlo. Oun i massurya čačes oun serves o voudarestar his hakeni 2,5 (douy-te-paash) metarya bourhlo. Oun yob ginas tele, har baro koy tseli bari isema hi. Koya his 20 (biish) metarya lengsto oun 10 (deesh) metarya bourhlo.

O Debleskro Drom 2021 (Sinte)

² Un o wudar his pantch metarja buchlo. Un i massurja tchatches un serwes o wudarestar his hakeni 2,5 (dui-te-paash) metarja buchlo. Un job ginas tele, har baro koi tseli bari isema hi. Koja his 20 (biish) metarja lengsto un 10 (deesh) metarja buchlo.

Ezekiel 41:2 Referans Kwoze

2. Familjakro liil 3:3

Oun kava hi o barepen o kherestar, hoy o Salomo o Debleske kras: o kheer his triyanda metarya lengsto, oun deesh metarya bourhlo.

1. Rajengro liil 6:17

Oun biish metarya his koy isema glan koy kouč isema.

1. Rajengro liil 6:2

Oun o kheer, hoy kras o baro ray Salomo o baro Debleske, his triyanda metarya lengsto, oun deesh metarya bourhlo oun deesh-te-panč metarya baro.

Johanni 10:9

Me hom ko voudar. Te djal yek an kava voudar dren, kova djal gar nashedo. Yob djal dren oun vin, oun yob hatsell shoukar zenlepen rhapaske.

Johanni 10:7

Doleske penas o Yezous pale ap lende: “Čačepah, me penau t'menge: Me hom o voudar i bakrenge.

2. Familjakro liil 29:7

Oun yon pandan i voudya glan i glanstouni halla, oun moukan i momlia vin te djal, oun rhačran kek soungepaskro koova, vitar kek firhen, o Debleske pral Israel.

2. Familjakro liil 3:7

Oun yob tserdas lačo sonakay pral halauter dren an o kheer: i pesse hidjepaske kashta, i kashta an i voudya, i massurya oun i voudya. Oun an i massurya moukas lo bolepangre, dren te činell, hoy kharenn Keroubim.

2. Mose 36:37

Oun yon kran i bari plarhta, te vell li an o voudar, kote kay yek dren djal an o kheer. Yon kran les an shoukar vastengri boudi dran lačo zorelo layntikro than, kay kouč bakrengro bal dren hi, hoy blaueto, lolo oun lolo har yag kerdo vas.

2. Mose 26:36

Kre ninna i plarhta, hoy vell an ko voudar, kay veh dren an o kheer. Kre lat an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas.

Ezekiel 47:1

Oun ko morsh anas man palpale pash o voudar o Debleskro kherestar. Leskri glanstouni rig his koy rig, kay o kham pre djal. Kote dikom pani, hoy nashas tel o voudar vin. Kava pani nashas i kotar tele ap koy glanstouni rig o kherestar pash koy rig, kay o kham pralstounes tardo hi. Palle djas lo kote, kay koy rhačepaskri tardo hi, doureder ap koy rig, kay o kham pre djal.