Ezekiel 39:4 - O Debleskro Lab 2024 (Sinte-Manouche)

⁴ Ap i berge Israel veh tou moulo dino, tou oun tire tsele lourde, ninna kol lourde dran vavar themma, kay touha van. Oun me dau t'men i divye firhenge oun hake čirklenge, kay mass rhan, te rhal.

O Debleskro Drom 2021 (Sinte)

⁴ Ap i berge Israel weh tu mulo dino, tu un tire tsele lurde, ninna kol lurde dran wawar themma, kai tuha wan. Un me dau tumen i diwje viechenge un hake tchirklenge, kai mass chan, te chal.

Ezekiel 39:4 Referans Kwoze

Ezekiel 33:27

Yaake peness tou lenge: Kava penell o baro Devel, maro ray: Pash miro djipen dau man sovel, halauter, kay an kol tele phagede forya djivenn, venn maredo o rhareha. Oun kolla, kay vin ap o them djivenn, venn khetne dandedo i divye firhendar. Oun kolla, kay khatrenn pen an zorele barrengre khera oun an i phoub, kolla merenn ap i djoungelo nasslepen.

Ezekiel 38:21

Oun me dau o rharo gole, te vell lo pral o Gog ap mire tsele berge, penell o baro Devel, maro ray. Leskre lourde djan pengre rharentsa yek ap o vavareste pre.

Ezekiel 29:5

Me vitsrau tout an o moulo them, tout oun i tsele mače dran tire bare lengste panya. Ap i phoub vitsrau tout. Kote ačeh čiddo. Oun kek vell, kay hadell tout pre oun paskrell tout. Me dau tout i divye firhenge oun i čirklenge rhapaske.

Jeremia 15:3

Me, o baro Devel, lom man glan, te anap star kope pharo koova pral lende: o rhareha te venn le moulo dino, i djoukle tserdenn len krik, i čirkle rhan len, oun kova hoy lendar pral ačell, rhan i divye firhe pre.

Jesaja 14:24

O baro Devel, o ray pral o bolepen oun i phoub, penas oun das pes sovel: Yaake har me les mange glan lom, yaake krau les ninna. Oun yaake har an miro dji hi te krap, yaake vell ninna.

Jesaja 14:25

Me dau i Assiryen an miro them, ap mire berge stakrau len khetne, te nay rikrenn le bouder gar mire menshen tele, oun krenn lenge bouder gar i pharo djipen.

Jeremia 25:33

Ap ko dives marell o baro Devel menshen ap i tseli phoub yek rigyatar ap i vavar. Oun i moule menshe hi koy čiddo, oun kek rovell pral lende, hadell len pre oun paskrell len. Yon ačenn čiddo har foul ap i phoub.

Ezekiel 35:8

Oun me krau tire berge, te venn le pherdo kolentsa, kay maredo van an o kourepen. Ap i tikne berge, oun an i tale, oun an i tikne panya hi kolla čiddo, kay o rhareha moulo dino van.

Ezekiel 39:5

Oun t'mer ačenn moulo čiddo ap i phoub. Me, o baro Devel, penom kova.