Ezekiel 39:11 - O Debleskro Lab 2024 (Sinte-Manouche)

¹¹ An ko dives dau i platsa an o them Israel, kay vell o Gog paskedo. Koya hi koy tala, hoy kharell Abarim, oun hi pash o baro pani ap koy rig, kay o kham pre djala. Kote vell yob peskre boud lourdentsa paskedo. Doleske nay djan kolla, kay ap i raysa hi, bouder gar vergel. Koy tala vell kharedo Tala Hamon Gog.

O Debleskro Drom 2021 (Sinte)

¹¹ An ko diwes dau i platsa an o them Israel, kai well o Gog paskedo. Koja hi koi tala, hoi kharell Abarim, un hi pash o baro pani ap koi rig, kai o kham pre djala. Kote well job peskre bud lurdentsa paskedo. Doleske nai djan kolla, kai ap i raisa hi, buder gar wergel. Koi tala well kharedo Tala Hamon Gog.

Ezekiel 39:11 Referans Kwoze

Johanni 6:1

Pal i tsiro djas o Yezous ap i vavar rig o baro panyestar Galilea. Ko pani kharella ninna Tiberias.

Louka 5:1

His i dives, kay o Yezous pash o baro pani Genezaret tardo his. Oun boud menshe kaman te shounell o Debleskro lab.

Ezekiel 47:18

Oun koy rig o themestar Israel djal foun kotar, kay o kham pre djal, mashkral o foro Hauran oun o foro Damaskus doureder langs o lengsto pani Yordan bis tele pash o Londo Baro Pani. O Yordan nashell mank o them Israel oun o them Gilead. Pash o Londo Baro Pani djal o them Israel bis pash o foro Tamar. Yaake dour djal o them Israel ap koy rig, kay o kham pre djal.

Ezekiel 38:2

Tou, mensho, dik kote, kay o them Magog hi, oun pen ap o Gog, ko pralstuneste pral i natsyone Meshek oun Toubal, hoy pral leste vella.

4. Mose 34:11

Oun doureder tele foun Shefam bis Ribla. Kova hi ap kay rig o forestar Ayin, kay o kham pre djal. Pal kova djal tele kol tikne berge pash o pani Génésareth, kote, kay o kham pre djal,

4. Mose 11:34

Oun yon kharan koy platsa Kibrot-Taava. Kote van kolla paskedo, kolen rhanč hi pal o mass.

Ezekiel 39:10

Oun yon hounte lenn bouder kek kasht an o veesh khetne, vitar gar hounte denn le rouka tele, te vell len yagakro kasht. Na-a, kol karmangre lenn le oun krenn lentsa pengri yag. Oun yon randenn kolen vin, kay kaman len vin te randell. Kolla, kay kaman pash lende te čorell, venn kanna lendar vin čoredo. Kava penell o baro Devel, maro ray.

Ezekiel 39:12

Oun i Israelitarya paskrenn len, te ačell o them bouder gar pale-čiddo. Len hounte vell efta čonna, te paskrenn le len halauter.

Ezekiel 39:15

Oun te djan kolla an o them trouyel oun hatsenn menshengre kokale, palle hounte čivenn le i sikepen pre, hoy sikrell, te hi i moulo koy čiddo, bis te venn kolla, kay paskrenn ko moules an i Tala Hamon Gog,

2. Mose 8:14

I dourkepangre kaman kova ninna pengri zoryah te krell. Oun yon hayvan les gar. Oun i matsille his ap i menshende oun ap i firhende.