Ezekiel 39:10 - O Debleskro Lab 2024 (Sinte-Manouche)

¹⁰ Oun yon hounte lenn bouder kek kasht an o veesh khetne, vitar gar hounte denn le rouka tele, te vell len yagakro kasht. Na-a, kol karmangre lenn le oun krenn lentsa pengri yag. Oun yon randenn kolen vin, kay kaman len vin te randell. Kolla, kay kaman pash lende te čorell, venn kanna lendar vin čoredo. Kava penell o baro Devel, maro ray.

O Debleskro Drom 2021 (Sinte)

¹⁰ Un jon hunte lenn buder kek kasht an o weesh khetne, witar gar hunte denn le ruka tele, te well len jagakro kasht. Na-a, kol karmangre lenn le un krenn lentsa pengri jag. Un jon randenn kolen win, kai kaman len win te randell. Kolla, kai kaman pash lende te tchorell, wenn kanna lendar win tchoredo. Kawa penell o baro Dewel, maro rai.

Ezekiel 39:10 Referans Kwoze

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Jesaja 14:2

Oun menshe dran vavar themma anenn i Israelitaryen an ko them pale, hoy o baro Devel len das. Oun kol vi-themarya, morsha oun djouvya, venn lengre boudepangre. Oun kolla, kay i Israelitaryen pandles krik lan, kolen lenn yon pandles, oun venn i raya pral kolende, kay rikran len tele.

Micha 5:8

Israel, hade tiro vast pral halauterende, kay kourenn pen touha, te ačell kek lendar djido!

Debleskro tsiro 18:6

Krenn ap late yaake, har yoy ap t'mende kras! Denn lat douy kope yaake boud čilačepen pale, har yoy ap t'mende kras! Denn lat i pipen te piyell, hoy hi douy kope zorleder har kova, hoy yoy das t'mende te piyell!

Debleskro tsiro 13:10

Koon stildo hounte vell, kova vell stildo. Koon o rhareha maredo hounte vell, kova vell o rhareha maredo. Doleske hounte venn o Debleskre menshe zoreles tardo an o patsepen, te denn le gar pre.

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Habakuk 3:8

Baro Devel, his tout i rholi ap i zorele panya? Val tou rhoyedo pral o baro pani, har klissal tou vin tire grayentsa, oun tire kourepangre vourdya zorleder his har hake vavar?

Habakuk 2:8

Tou čoral i menshen an boud themma vin. Tou maral boud lendar, kral lengro them oun lengre forya paash, oun djal zoryah ap halauterende, kay kote djivenn. Doleske čorenn tout kanna kolla vin, kay djido ačan.

2. Mose 12:36

Oun o baro Devel das i Egiptaryen an o dji, te venn le kamles ap i Israelitarya, yaake te nay mangens le, hoy yon kaman. Oun i Egiptarya dan len lauter. Yaake lan i Israelitarya kolendar lengro bravlepen krik oun lan les lentsa.

2. Mose 3:22

T'mare djouvya djan pash kolende, kay langs lende khere hi oun mangenn lendar sonakay oun roup, oun shoukar ripya. Kava lauter lenn lendar oun denn les t'mare čavende, te hidjrenn le les.”

Ezekiel 39:11

An ko dives dau i platsa an o them Israel, kay vell o Gog paskedo. Koya hi koy tala, hoy kharell Abarim, oun hi pash o baro pani ap koy rig, kay o kham pre djala. Kote vell yob peskre boud lourdentsa paskedo. Doleske nay djan kolla, kay ap i raysa hi, bouder gar vergel. Koy tala vell kharedo Tala Hamon Gog.

Zakarie 14:14

Ninna i menshe dran Youda djan ap kolende an Yerusalem pre. Palle lenn i menshe dran Yerusalem ko kouč koova khetne, hoy kol vavar menshen dran i themma troul lende trouyel pash pende hi: Kova hi boud sonakay, roup oun kouč ripya.