Ezekiel 3:3 - O Debleskro Lab 2024 (Sinte-Manouche)

³ oun penas mange: Tou, mensho, rha kava liil, hoy tout dau! Oun kre tiro per pherdo leha! Oun me rhom les. Oun an miro mouy his lo goudlo har gvin.

O Debleskro Drom 2021 (Sinte)

³ un penas mange: Tu, mensho, cha kau liil, hoi tut dau! Un kre tiro per pherdo leha! Un me chom les. Un an miro mui his lo gudlo har gwin.

Ezekiel 3:3 Referans Kwoze

Jeremia 15:16

Baro Devel, tou ray pral o bolepen oun i phoub, me hom tiro. Yaake vas tiro lab miro rhapen hako kopo, kay me kova shounau. Te shounau tiro lab, givell miro dji, oun vell pale zorelo.

Debleskri gili 119:103

Tiro lab hi har i goudlo rhapen mange, ava, goudleder har gvin hi lo.

Debleskri gili 19:10

Te hadau o baro Debles pre, hi kova mishto. Hako tsiro vell lo hadedo. O čačepen, hoy o baro Devel vin rakrella, hi lauter lačo oun čačo.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Debleskri gili 119:97

O djiyestar kamau tiro drom te djal. O tselo dives hi tire laba an miro shero.

Debleskri gili 119:11

Me rikrau tiro lab an miro dji, te anap kek doosh ap mande.

Johanni 7:38

Koon ap mande patsella, har o Debleskro lab penella, dran koleste vell ko pani, kay dell o djipen.”

Ezekiel 2:10

Oun yob kras les glan mande pre. Oun laba his ap kol douy rigya činlo: ropangre gilya oun ropaskri gole oun doukedi gole.

Jeremia 20:9

Ava, te penau mange, me kamau o Debles te bistrell, oun rakrau bouder gar an leskro lab, palle rhačell leskro lab an mande har i yag. Me lau miri tseli zoor khetne, te rikrap kova vin. Oun kova djal gar.

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Hiob 23:12

Me rikrom man ap hako lab, hoy vas dran leskro mouy. Oun rikrom halauter an miro dji, hoy lo rakras.

Ezekiel 2:8

Oun tou mensho, shoun, hoy me touke penau! Ab tou gar har kolla, kay kamenn lauter feteder te djinell! Kre tiro mouy pre oun rha kova, hoy me touke dau!

Ezekiel 3:4

Oun yob penas ap mande: Tou, mensho, ste pre oun dja pash o kheer Israel! Oun pen lenge kol laba, hoy touke penau!

Debleskri gili 19:11

Leskro čačepen hi koučeder har o sonakay, har o rayleder sonakay, oun goudleder har o gvin, har o djoudjeder gvin.