Ezekiel 3:21 - O Debleskro Lab 2024 (Sinte-Manouche)

²¹ Tou te penal ap ko lačeste: Risse trouyel! Oun yob shounell ap toute oun moukell o čilačepen, čačepah palle ačell lo djido. Oun tiro djipen lal tou dran o merepen vin.

O Debleskro Drom 2021 (Sinte)

²¹ Tu te penal ap ko latcheste: Risse trujel! Un job shunell ap tute un mukell o tchilatchepen, tchatchepah palle atchell lo djido. Un tiro djipen lal tu dran o merepen win.

Ezekiel 3:21 Referans Kwoze

1. Timoteo 4:16

De garda ap toute, har tou djiveh oun har tou sikreh o Debleskro drom! Kre ko koova, hoy touke penom! Yaake djah tou ap o drom pash o Debleste. Oun kolla, kay shounenn ap kova, hoy tou peneh, aneh tou ninna ap ko drom.

Jakobo 5:20

palle las kava les dran o merepen vin, te djal yob gar nashedo. Oun leskri boud doosh hi lestar krik lino.

Tito 2:15

Pen kava lauter i patslenge! Rake an lengre djia! Te krenn le čomone, hoy gar mishto hi, pen les lenge an o Debleskri zoor! Hakeno hounte shounell ap toute.

1. Korintarja 4:14

Me činau t'menge kova gar, te krap t'menge ladj. Na-a! T'mer han mire kamle čave. Doleske penau t'menge kova, te ačenn ap o čačo drom.

Gosewe laba 9:9

Pen i goseveske kova, hoy yob gar mishto kras! Palle vell lo gomme gosveder. An koleske čomone pashel, kay an o čačepen tardo hi! Palle djinell lo gomme boudeder.

Bičepangre 20:31

Doleske denn yak! Oun rikrenn t'mare yaka pre! Triin bersha homs me pash t'mende, oun rovom hako dives oun haki rat ap t'mende, te krenn či, hoy gar mishto hi an o Debleskre yaka. Ma bistrenn kova!

Debleskri gili 19:11

Leskro čačepen hi koučeder har o sonakay, har o rayleder sonakay, oun goudleder har o gvin, har o djoudjeder gvin.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

1. Tessalonikarja 5:14

Mire phrala, kanna penah t'menge, hoy te krenn: Denn kolen trad, kay kamenn gar te boudrell! Rakrenn kolentsa mishto, kay hi dareno! Krenn kolen zoreles, kay hi gar zorelo an o patsepen! Denn kekes sik pre!

Gosewe laba 17:10

Te čingreh yekeha, kay moukell pes čomone te penell, lell yob kova peske boudeder an o dji, har te dell yek sheel kope an i dineleste dren.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

1. Korintarja 10:12

Doleske, koon penella, kay yob zoreles an o patsepen hi, dell yak, te perell lo gar.

Ezekiel 33:9

Tou te dal les trad, oun penal leske, te hounte djal lo tele peskro čilačo dromestar, oun yob krell kova gar, palle lell lo peskri phagi, oun hounte merell. Tiro djipen lal tou dran o merepen vin.