Ezekiel 3:15 - O Debleskro Lab 2024 (Sinte-Manouche)

¹⁵ Oun me vom pash kolende, kay pandlo krik anlo his, oun an o gab Tel-Abib djivan pash o lengsto pani, hoy kharell Kebar. Efta divessa homs kote beshdo pash lende, oun homs har moulo kolestar, hoy dikom.

O Debleskro Drom 2021 (Sinte)

¹⁵ Un me wom pash kolende, kai pandlo krik anlo his, un an o gab Tel-Abib djiwan pash o lengsto pani, hoi kharell Kebar. Efta diwessa homs kote beshdo pash lende, un homs har mulo kolestar, hoi dikom.

Ezekiel 3:15 Referans Kwoze

Debleskri gili 137:1

Pash i panya an o foro Babilon hams beshdo oun rovan, har menge o Sion an o shero vas.

Hiob 2:13

Oun yon his kote pash leste ap i phoub beshdo efta divessa oun efta ratsya. Oun kek lendar rakras leha. Yon dikan, leskre douka his baro oun pharo.

Ezekiel 1:1

An o 30. (triin-deshto) bersh djivom khetne vavar menshentsa, kay pandles krik anlo van, pash ko lengsto pani, hoy kharell Kebar. An o starto čon ap o pančto dives an ko bersh djas o bolepen pre, oun o baro Devel sikras pes mande.

1. Mose 50:10

Oun yon van ap i platsa, hoy kharella Goren-Atad. Koy platsa hi čiddo ap i vavar rig o panyestar Yordan. Kote rovan le oun dan bari gole pral o Yakobeskro merepen. Oun o Yosef rovas lentsa efta divessa pral peskro dadeste.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

Ezekiel 10:15

Oun kol bolepangre hadan pen. Kolla his kol emlige bolepangre har dikom, har homs pash o lengsto pani Kebar.

Jeremia 23:9

Kova penas o Yeremia ap kol rakepangre, kay hounte rakrans o Debleskre laba, oun krenn kova gar: Miro dji kamell te phagell an mande. Mire tsele kokale trissenn. O baro Devel rakras mantsa. Oun leskre laba, hoy lo penas, kran, te nay rikrau man bouder gar ap i herya. Me vom har mato har yek kay hi mato i molyatar.

Ezekiel 3:23

Oun me krom man ap o drom oun djom vin an o telstouno them. Oun kote dikom me pale o raylepen o baro Deblestar, yaake har dikom les, har homs pash o pani Kebar. Oun me moukom man ap i phoub te perell.

Ezekiel 43:3

Oun kova, hoy me dikom an kay visiona his har kova, hoy dikom, har homs pash o lengsto pani Kebar, oun ninna har kova, hoy dikom, har vas o Devel an o foro Yerusalem, te dell lo o foro paash. Oun me moukom man ap i phoub te perell glan leste.

Ezekiel 1:3

Kote an o them Babilonia pash o lengsto pani Kebar rakras o baro Devel ap mande, oun leskri zoor vas pral mande. Me hom o Ezekiel. Miro dad hi o rashay, o Bouzi.