Ezekiel 3:12 - O Debleskro Lab 2024 (Sinte-Manouche)

¹² Oun i dourho hadas man pre. Oun pal mande shounom me i bari zoreli gole, hoy penas: Sharenn o raylepen o baro Deblestar kote, kay lo khere hi!

O Debleskro Drom 2021 (Sinte)

¹² Un i ducho hadas man pre. Un pal mande shunom me i bari soreli gole, hoi penas: Sharenn o railepen o baro Deblestar kote, kai lo khere hi!

Ezekiel 3:12 Referans Kwoze

Bičepangre 8:39

Har yon dran o pani vin djan, las o Debleskro Dourho o Filipes ap yek kopo kote krik. Oun ko pralstouno dikas les bouder gar. Oun yob djas barhteles peskro drom doureder.

Ezekiel 8:3

Oun yob čivas čomone har i vast pal mande vin, oun tapras man ap mire balla ap o shero. Oun an ko dikepen, hoy dikom, oun hoy vas o Deblestar, hadas man o dourho pre dour pral i phoub, oun anas man an o foro Yerusalem pash o baro voudar, hoy hi ap i nordetikri rig, glan koy platsa, hoy djal troul o Debleskro kheer. Kote his i figura tardo, hoy i menshe an-mangan, oun pral kolate o baro Devel bares rhoyedo his.

Ezekiel 11:1

Oun o dourho hadas man pre oun anas man glan o baro Debleskro kheer, pash ko baro voudar, hoy kote hi, kay o kham pre djala. Oun glan ko baro voudar his 25 (biish-te-panč) morsha. Oun me dikom mashkral lende o Yazania, koleskro dad o Assour his, oun o Pelatya, koleskro dad o Benaya his. Kolla his pralstoune pral i menshende.

Bičepangre 2:2

Ap yek kopo phourdas i zorelo oun divyo dourho dran o bolepen an ko tselo kheer, kay yon khetne his.

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

Debleskro tsiro 19:6

Koy dan boud menshe gole: “Halleluya!” Koy gole his yaake zorelo, har i baro pani gole della, hoy dour tele perella, oun har koy gole, hoy o bolepen krella, te dell baro brishin oun te dell yag tele karye. Oun yon rakran oun penan: “Maro zorelo Devel vas o ray pral halauter.

Debleskro tsiro 1:15

Oun leskre herya his har dran sonakay, hoy an o bob rhačedo oun thodo vella. Oun leskro rakepen his har i gole i baro panyestar, hoy dour tele perella.

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.

Ezekiel 10:4

Oun o baro Debleskro raylepen, hoy his pral kol bolepangren, hadas pes foun kotar, oun djas pash o kheer, kote kay o voudar hi. Oun o tselo kheer vas pherdo foun koy folka, oun i glanstouni platsa his pherdo o baro Debleskro raylepen.

Ezekiel 9:3

Oun o raylepen o Israeleskro Deblestar, kay his pral kol star bolepangren, kay kharan Keroubim, hadas pes foun kotar, oun djas pash o kheer, kote kay o voudar hi. Oun o baro Devel das ap ko morsheste gole, koleskre koola dran layntikro than his, oun koles i činepaskri ap peskri rig his,

Ezekiel 2:2

Oun har yob mantsa rakras, vas o Debleskri zoor an mande, oun hadas man pre. Oun kova, kay mantsa rakras, penas:

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Debleskri gili 148:2

T'mer tsele bolepangre, sharenn les! T'mer leskre kourepangre, sharenn les!

2. Rajengro liil 2:16

Oun penan ap leste: “Mer ham tire boudepangre. Mashkral mende hi paash-sheel zorele morsha. Kolen mouk te djal, te rodenn le tiro rayes. Kova nay vas yaake, kay las o baro Debleskro dourho les oun vitsras les ap i berga oder an i tala.” Koy penas yob: “Na-a, moukenn len gar te djal!”

1. Rajengro liil 18:12

Hoy hi, te djau kanna toutar, oun o baro Debleskro dourho lell tout krik oun anell tout ap i vavar kotar phoub, hoy me gar djinau? Oun me vau palle pash o Ahab oun penau leske, tou hal kay, oun yob hatsell tout gar? Palle moukell lo man te marell. Tou djineh, me, tiro boudepaskro, shounau ap o baro Debleste foun tiknes pre.

Ezekiel 3:11

Dja pash i menshende dran tiro them, kay pandles krik anlo van an o them Babilonia! Rake ap lende oun pen lenge, hoy me o baro Devel, lengro ray, kamell lenge te penell! Nay vell, te shounenn le. Nay vell, te shounenn le gar.

Debleskri gili 26:8

Me kamau o kheer, kay tou djiveh, miro tselo djiyestar, oun koy platsa, kay tiro raylepen diklo vella.

Ezekiel 43:4

Oun o baro Debleskro raylepen vas an o baro voudar, hoy kote hi, kay o kham pre djal, oun djas an o kheer dren.

Ezekiel 43:5

Oun o dourho hadas man pre oun anas man ap koy tikni glanstouni platsa. Oun dikom o baro Debleskro raylepen, kolestar o kheer pherdo his.