Ezekiel 26:14 - O Debleskro Lab 2024 (Sinte-Manouche)

¹⁴ Me krau, te vess i nango baro bar, ap koleste i mačengre pengre gone vin čivenn. Oun tou vess bouder gar neves kerdo. Kava penom me, o baro Devel, t'maro ray.

O Debleskro Drom 2021 (Sinte)

¹⁴ Me krau, te wess i nango baro bar, ap koleste i matchengre pengre gone win tchiwenn. Un tu wess buder gar newes kerdo. Kawa penom me, o baro Dewel, tumaro rai.

Ezekiel 26:14 Referans Kwoze

Maleachi 1:4

Te penenn ninna leskre čave, kol Edomarya: Ninna te van mare forya paash dino, mer čivah len neves pre, palle penau me, o baro Devel, ko ray pral o bolepen oun i phoub: Ninna te čivenn le kol forya pale pre, me dau halauter pale paash. Oun vavar menshe penenn pral lende čilačo them oun kalla hi menshe, pral kolende o baro Devel pes rhoyrella an hako tsiro.

Hiob 12:14

Kova, hoy yob tele phagas, nay čivell kek pale pre. Kones yob dren pandas, koleske nay krell kek pale pre.

Jesaja 14:27

O baro Devel, ko ray pral o bolepen oun i phoub, las pes kova glan. Koon nay krell, te vell kova gar? Leskro vast hi hadedo. Koon nay lell leskro vast pale?

5. Mose 13:16

palle denn kol menshen an ko foro o rhareha moulo. Lauter hounte venn moulo dino, ninna lengre firhe.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

Mateo 24:35

O bolepen oun i phoub ačenna gar. Mire laba ačenna hako tsiro.

Ezekiel 30:12

Me krau, te venn i lengste panya an o them Egiptia trouk, oun dau o them an o vast čilače menshendar. Oun vi-themarya krenn o them oun kova, hoy dren hi, paash. Me, o baro Devel penom kova.

Ezekiel 26:12

Oun yon randenn tiro bravlepen oun čorenn, hoy touke parepah khetne anal. Tire massurya venn tele phagedo, oun tire shoukar khera paash kerdo. Kol barra oun ko kasht oun čik, hoy pral ačell, venn an o baro pani vitsedo.

Ezekiel 22:14

Čačepah, an kol divessa, kay djau khatar t'mende, ačenn t'mare djia gar zoreles, oun t'mer nay hadenn bouder gar t'mare vasta! Me, o baro Devel, rakrom, oun hoy penom, krau me ninna.

Ezekiel 21:32

An kotya dau o foro Yerusalem! Paash, paash krau me les. Kava vell gar, bis te vell ko morsh, koles vi-rodom, te dell lo o foro peskri phagi. An leskro vast dau o foro.

Ezekiel 5:17

Ava, i bok oun divye firhen bičrau mank t'mende. Kolla marenn t'mare čaven. Ninna pharo nasslepen, marepen oun kourepen anau pral t'mende. Me, o baro Devel, rakrom.

Ezekiel 5:15

Ava, yon san pral toute oun praasenn tout. Lenge vell traash, te dikenn le, har miri bari rholi pral toute vell, oun har djoungeles save menshenge djal, kay man moukan. An miri rholi anau tiri doosh ap toute pale. Me, o baro Devel, rakrom.

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Jesaja 23:12

Oun yob penas ap i menshende an Sidon: T'menge djal har i terni čake, hoy zoryah an-tapedo vas. T'mer givenn oun stenn bouder gar i barhtyatar. Ninna te krenn t'men ap o drom oun djan an o them Kittim, vell t'men kote kek barht.

Ezekiel 47:10

Oun pash leste hi mačengre tardo. An o tselo them mank En-Gedi oun En-Eglayim čivenn le pengre mačengre gone vin, te venn le trouk. Hako mačo, hoy dell, hi an leste, yaake boud har an o Mashkralstouno Baro Pani.