Ezekiel 24:6 - O Debleskro Lab 2024 (Sinte-Manouche)

⁶ Kava penell o baro Devel, maro ray: Havi bibarht vell ap o foro, hoy yaake boud rateskri doosh ap peste las! Ko foro hi har i piri, hoy gar djoudjo kerdo vas, oun kolakro čik gar tele djal. Le yek kotar mass pal o vavar vin dran late! Mouk či an i piri dren!

O Debleskro Drom 2021 (Sinte)

⁶ Kawa penell o baro Dewel, maro rai: Hawi bibacht well ap o foro, hoi jaake bud rateskri doosh ap peste las! Ko foro hi har i piri, hoi gar djudjo kerdo was, un kolakro tchik gar tele djal. Le jek kotar mass pal o wawar win dran late! Muk tchi an i piri dren!

Ezekiel 24:6 Referans Kwoze

Ezekiel 22:2

Tou mensho, rake o čačepen vin! Ava, rake o čačepen vin pral o foro, hoy hi pherde marepangre! Sike leste peskro tselo djoungelo koova, hoy lo kras!

Nahum 3:1

Har djoungeles djal touke, tou foro, kay yaake boud rat nashas! Tou hal pherdo rhorhepen oun čoredo bravlepen, oun nay moukeh tiro randepen gar.

Nahum 3:10

Ninna kava foro vas dren lino, oun leskre menshe pandles anlo an i vavar them. Lengre čave van moulo dino ap hako drom. Pral lengre pralstunende vitsran le kashta, koon kones lella. I tsele pralstunen pandan le sasterne shellentsa.

Micha 7:2

Kek, kay o Debleskro drom djal, hi bouder an kava them. Kek dell mank i menshende, kay an o čačepen tardo hi. Yek rodell, har te marell lo o vavares. Oun hakeno lell o vavares palla, te taprell lo les.

Obadja 1:11

Tou, Edom, hals koy pashel tardo, har djan i vi-themarya an Yerusalem dren, oun anan leskre lourden pandles krik, oun khelan koy pral, koon kones lengre menshendar lella. Tou hals har yek lendar!

Ezekiel 22:27

Tire pralstoune hi har divye djoukle, kay marenn, oun hi boklo pal rat. Yon marenn menshen, te lenn le lengro koova penge.

2. Rajengro liil 24:4

oun maras boud saven, kay kek čilačepen kran, oun anas lengro rat pral peste. Oun o tselo foro Yerusalem his pherdo rat. Kava koova kamas o baro Devel gar te bistrell.

Debleskro tsiro 18:24

Ninna nashas an o foro o rat, hoy ratan kol Debleskre rakepangre oun o Debleskre menshe, kay kote maredo van, ava, o rat kolendar lauter, kay ap i phoub maredo van.”

Debleskro tsiro 17:6

Oun me dikom, kay koy djouvel mato his o ratestar, hoy nashas, har o Debleskre menshe maredo van, kolla, kay patsan ap o Yezouseste oun dan pengro patsepen gar pre. Oun me nashte patsom gar, hoy dikom.

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Jona 1:7

Oun yek rakras o vavareha: “Avenn, mer kamah kashta te vitsrell, te djinas nay, dran koneste savi bibarht ap mende vas.” Oun har yon kol kashta vitsran, sikran le ap o Yona.

Joel 3:3

Oun me dau sikepen ap o bolepen oun ap i phoub: rat, yag oun yagakro dourho.

Ezekiel 24:9

Kava hi, hoy o baro Devel, maro ray, penell: Djungeles djal touke, tou foro, kay lal rateskri doosh ap toute! Ninna me čivau boud kasht khetne i yagake.

Ezekiel 22:12

Hi save mank t'mende, kay moukan pen te playsrell, te marenn le yekes. Kolen, kay siyaan pash t'mende hi, kolendar lenn t'mer boudeder love pale, har patsan lenge. T'mer krenn t'men braveles ap i vavarende, kolen t'mer rhorhenn oun ap lende zoryah djan. Oun man, o baro Debles, t'maro rayes, bistran t'mer.

Ezekiel 11:11

T'mer ačenn gar an kava foro har o mass an i piri. Kate an o them Israel dau t'men t'mari phagi.

Jeremia 6:29

Mire menshe hi har čiklo roup. O bob rhačas zoreles, kay o roup djoudjo kerdo hounte vals. Ko čik vas gar vin. Djoudjo roup ačas gar pral. Lauter his čičeske. Mire menshe hi yaake čilačo, te vell nay o čilačepen gar dran lende vin.

2. Rajengro liil 21:16

Ninna moukas o Manasse boud menshen te marell, ap kolende kek doosh his. An o foro Yerusalem nashas lengro rat har pani. Koy pashel vas koy doosh, hoy lo ap o them Youda anas, har anas lo i menshen ap i čilačo drom, kay kran le, hoy gar mishto hi an o baro Debleskre yaka.

2. Samuel 8:2

Yob das ninna kol Moabarya oun penas, te čivenn le pen ap i phoub. Oun douy i trinendar kras lo moulo, oun yek i trinendar moukas lo djido. Yaake vas o Davides penepaske pral kol Moabende. Oun yon hounte dan les roup oun sonakay.

Josua 10:22

Oun o Yosua penas: “Lenn i barra krik glan koy grotta, oun lenn kol panč bare rayen vin oun anenn len pash mande!”

2. Rajengro liil 24:3

Čačepah koy bibarht vas yaake pral i menshende an o them Youda, har o baro Devel penas, te čivell lo len pestar krik ko boud čilačepaske, hoy o Manasse kras. Kova anas i menshen o Debleskro dromestar tele,

Ezekiel 11:3

Yon penenn: “Hi gar o tsiro koy, te kras menge khera? O foro hi har i piri, oun mer ham har o mass, hoy dren hi. Menge djal či.”

Ezekiel 22:3

Pen: Kava penell o baro Devel, maro ray: T'mer, kay djivenn an o foro, maran boud menshen t'mendar oun kran t'menge rhorhene deblen, te van pale-čiddo o baro Debleske. T'maro tsiro hi koy!

Ezekiel 24:3

Pen mire menshenge, kay moukenn pen či mandar te penell, save laba, hoy sikrenn lenge, har kova lenge vella! Pen lenge: Kava penell o baro Devel, maro ray: Čip i piri pral i yag, oun čip ninna pani dren!

5. Mose 23:13

Glan koy platsa, kay t'mare plarhtene khera tardo hi, rodenn i vavar platsa vin, kay nay djan t'mer ap i rig.

Jeremia 2:22

Tou nay thoveh tout yaake boud har kameh, oun leh ko zorlester sapouni! Ko čilačepen, koleha tout pale-čiddo kral, ačell glan mire yaka, penell o baro Devel, maro ray.