Ezekiel 24:21 - O Debleskro Lab 2024 (Sinte-Manouche)

²¹ Kava penell o baro Devel, maro ray: Djinau, t'menge hi miro kheer o kamleder koova. Oun t'maro dji nashell pal leste. T'mer han pre-phourdo oun patsenn, kolenge, kay kote hi, nay djal kek čilačepen. Čačepah, me dau miro kheer kolenge an o vast, kay krenn les pale-čiddo. Oun t'mare morsh čave oun ča, kolen t'mer kote an Yerusalem pale moukan, kolla venn o rhareha moulo dino.

O Debleskro Drom 2021 (Sinte)

²¹ Kawa penell o baro Dewel, maro rai: Djinau, tumenge hi miro kheer o kamleder koowa. Un tumaro dji nashell pal leste. Tumer han pre-phurdo un patsenn, kolenge, kai kote hi, nai djal kek tchilatchepen. Tchatchepah, me dau miro kheer kolenge an o wast, kai krenn les pale-tchiddo. Un tumare mursh tchawe un tcha, kolen tumer kote an Jerusalem pale mukan, kolla wenn o chareha mulo dino.

Ezekiel 24:21 Referans Kwoze

Ezekiel 23:47

Oun palle vitsrenn le len barrentsa moulo, oun denn len pengre rharentsa an kotya, oun denn lengre morsh čaven oun lengre čen moulo, oun rhačrenn lengre khera.

Ezekiel 23:25

Me hom yaake rhoyedo ap t'mende, te moukap len touha rholyah trouyel te djal. Tiro nak oun tire kanda činenn le touke tele. Oun kolla, kay toutar djido ačenn, venn o rhareha moulo dino. Tire morsh čaven oun tire čen lenn le toutar. Oun kova, hoy toutar pral ačell, vell an i yag rhačedo.

Jeremia 7:14

Doleske krau me kava khereha, har me ko foreha Shilo krom, ninna te vas kava kheer mange kerdo, oun t'mer patsenn, kote nay djal t'menge či. Me krau koy platsa paash, hoy dom t'men oun t'mare phouren.

Debleskri gili 27:4

Yek koova mangau miro baro Deblestar, kova kamaus me lestar, te nay ačoms an leskro kheer yaake rah har me djivau, te nay dikap o tselo tsiro leskro shoukapen, oun nay poučap pal leskro kamlepen an leskro kheer.

Ezekiel 24:16

Tou, mensho, djiness, ap yek kopo lau touke ko menshes, kay touke o kamleder hi. Tou kress kek gole oun rovess gar! Kek sva venn dran tire yaka.

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Debleskri gili 84:1

I gili yekestar dran i familya Korah. Kay gili hi o rayeske pral i gipangre, te givell pash o bashepen ap i bashepaskri, hoy kharella Gittit.

Daniel 11:31

Oun yob bičrell lourden, kay o Debleskro kheer ap i berga pale-čiddo krenn, oun krenn, te venn o Debleske bouder gar hako dives firhe anlo. Oun yon čivenn kote koy djoungeli čilači figura pre.

Ezekiel 9:7

Oun o baro Devel penas ap lende: Anenn kolen, kay moulo dino van, ap i platse glan o Debleskro kheer! Krenn yaake o kheer pale-čiddo! Palle djan vin an o foro! Oun yon djan vin, oun dan i menshen an o foro moulo.

Ropaskre gilja 1:10

Oun yon čivan pengre vasta ap lakro tselo kouč koova. Yoy hounte dikas peske yakentsa, har i vavar menshe an lakro Debleskro kheer dren djan. Oun tou, baro Devel, penal, te hounte djan yon gar kote dren.

Jeremia 9:21

O baro Devel penell: Kol moule menshe ačenn čiddo har foul ap i harhetikri phoub, har o djob, hoy činlo vas, oun čiddo ačas pal o činepaskro, oun kek las les khetne.

Jesaja 65:11

T'menge, kay o baro Debles moukan, vell vavarčandes: T'mer bistran miri berga, kay vau an-mangedo, oun čivan o rhorheno debleske, o Gad, rhapen glan. Oun glan o rhorheno debleste, o Meni, čoran mool vin.

Debleskri gili 132:8

Baro Devel, ste pre, oun dja pash koy platsa, kay khere hal, tou oun ko morhton, hoy men tiri bari zoor sikrell.

Debleskri gili 105:4

Poučenn pal o baro Debleste, oun pal leskri zoor! Avenn glan leste hako tsiro!

Debleskri gili 96:6

Yob hi bareder har hako vavar. Shoukapen hi troul leste, Leskri zoor oun leskro raylepen venn diklo an leskro kheer.

Debleskri gili 79:1

I gili, hoy o Asaf kras. Maro Devel, menshe dran vavar themma peran an tiro them dren; tiro kheer, hoy touke kokres his, kran le pale-čiddo. Oun o foro Yerusalem dan le paash.

Debleskri gili 74:7

Tiro raylo kheer rhačran le tele. Ko kheer, kay tou khere hals, kran le pale-čiddo,

3. Mose 26:19

T'maro pre-phourdepen oun t'maro pesso shero phagau, oun dau t'men bouder kek brishin. Ko bolepen pral t'mende vell har saster, oun koy phoub tel t'mare pire zorelo har barra.

Ezekiel 7:24

Doleske moukau lourden dran čilače natsyone pral o Israel te vell, te lenn le lengre khera penge dren. Oun kol raya, kay rikran i čorvelen zoryah tele, lenge krau o pre-phourdepen paash. Oun kol platse, kay mangan le pengre deblen an, moukau pale-čiddo te krell.

Ezekiel 24:20

Me penom ap lende: O baro Devel rakras mantsa oun penas: Pen ap o kheer Israel:

Ezekiel 24:22

Palle krenn t'mer har me, o Ezekiel, krom: T'mare čora čakrenn gar tele, oun t'mer rhan kek maro, har kolla rhan, kay pral i mouleste rovenn.

Ezekiel 24:25

Oun tou mensho, djiness, me krau ko zorelo kheer paash, kolestar yon patsenn, te vell i menshenge kote kek čilačepen, ko raylo kheer, pral koleste yon yaake barhtelo hi. Oun hoy yon boudeder kamenna har halauter, pal koleste lengre djia nashenn, lengre morsh čaven oun lengre čen, lau lendar krik.

Ezekiel 33:28

Oun me krau o them, te vell lo i vi-meredo them, te nay venn t'mer bouder gar pre-phourdo oun zorelo. I berge an Israel venn i moulo them, kay bouder kek pral vergel djal.

Hosea 9:16

O Efrayim hi har i moulo rouk. Leskre draba, len hi kek pani. Oun roukengre venn gar bares ap leste. Te lenn i djouvya ninna čave, me marau len, kolen yon pengro djiyestar kamenna.

Maleachi 2:12

Mou čivell o baro Devel hako morshes pale, kay sau koova kras, te djivell yob bouder gar mank peskre menshende Israel, yob gar oun leskri familya vitar gar, ninna te anell lo čomone an o kheer o baro Deblestar, ko rayestar pral o bolepen oun i phoub.

1. Rajengro liil 9:7

palle tradau me i Israelitaryen vin dran lengro them, hoy me len dom. Oun ko kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral o Israel.

Debleskri gili 84:3

Miro dji nashell pal tiro kheer, baro Devel. Kamau te vap dren ap i platsa glan tiro kheer. Miro tselo djiyeha givau barhtele gilya touke, o djido Debleske.

Ropaskre gilja 2:1

Ah, o baro Debleskri rholi hi čiddo ap o foro Sion har i kali rati! Yerusalem, hoy sharedo vas bis an o bolepen, vas tele vitsedo ap i phoub. Ap ko dives, kay leskri rholi pral i berga Sion vas, his leske či, te his o foro i banko peskre pirenge.

Ropaskre gilja 2:21

Čave oun phoure hi čiddo an i dromma. Terne ča oun terne morsha van o rhareha maredo. Ap ko dives kay tiri rholi pral mende vas, hi tout kek dji lenge, oun maral len halauteren.