Ezekiel 24:16 - O Debleskro Lab 2024 (Sinte-Manouche)

¹⁶ Tou, mensho, djiness, ap yek kopo lau touke ko menshes, kay touke o kamleder hi. Tou kress kek gole oun rovess gar! Kek sva venn dran tire yaka.

O Debleskro Drom 2021 (Sinte)

¹⁶ Tu, mensho, djiness, ap jek kopo lau tuke ko menshes, kai tuke o kamleder hi. Tu kress kek gole un rowess gar! Kek swa wenn dran tire jaka.

Ezekiel 24:16 Referans Kwoze

Jeremia 22:10

Ma rovenn pral koleste, kay meras, ko baro ray Yosia. Ma denn gole i doukatar leske! Na-a, rovenn pral leskro čaveste, kay vas krik anlo, o baro ray Yoakaz. Kova vell bouder gar pale, te dikell lo kava them pale.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

1. Tessalonikarja 4:13

Mire phrala, mer kamah, te djinenn t'mer, hoy hi kol patslentsa, kay meran, te vell t'menge gar ropaske har kolenge, kay prindjrenn o Debles gar oun djinenn gar, hoy pal o merepen vella.

Ezekiel 24:18

An i tsalla rakrom ap i menshende, oun ap i rat meras miri romni. Oun o vavar dives krom yaake, har o Devel mange penas.

Kamlepaskri gili 7:10

Tire čoumma hi mange har i lači mool, hoy nashell pral miro mouy oun mire danda.

Ropaskre gilja 2:18

Yerusalem, de zoreles o Debleske gole, pen leske, hoy touke phares hi! Ap o dives oun an i rati mouk tire sva tele te nashell har i lengsto pani, hoy nashella. Rob, oun ma mouk tele!

Jeremia 16:5

O baro Devel penas ap mande: Tou djas an kek kheer, kay rovenn le pral yekeste, kay meras. Tou rovess gar lentsa, vitar gar peness lenge lače laba; me hom bouder gar i maal kal menshendar, hom lenge bouder gar lačo, oun krau miro dji lenge pandlo. Kova penell o baro Devel.

Jeremia 9:18

Shounenn, o ropen vell shounlo an o foro Sion: Ah, har djan yon zoryah ap mende! I ladj vas ap mende! Mer hounte djas dran kava them. Mare khera rhačran yon tele.

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Gosewe laba 5:19

I kamli vesheskri groumni hi li, i shoukar divyi bouzni. Kokres mank lakre čoučya čivess tout. Kokres an lakre moussya hatseh tiri barht.

Hiob 36:18

De yak, te anell tout tiri rholi gar ap i djoungelo drom! O Debles nay gineh tou gar, kitse love tou ninna deh!

Jeremia 22:18

Doleske penell o baro Devel pral o Yoyakim, ko baro rayeste pral o them Youda, koleskro dad o Yosia his: Te merell yob, rovenn le gar pral leste. Kek penell: Mo phraal, mo pheen, hoske hounte meras lo? Vitar gar penenn le: Maro ray, i pralstouno, hounte meras!

Hiob 23:2

Ninna kava dives rakrau me dran i doukedo dji. O Debleskro vast hi phares ap mande čiddo, te hounte lap phares dourho.

Ezekiel 24:15

Oun o baro Devel penas ap mande:

3. Mose 21:4

Ma krenn t'men pale-čiddo ap yekeste, kay hi romedino yekeha t'mare menshendar!