Ezekiel 24:13 - O Debleskro Lab 2024 (Sinte-Manouche)

¹³ Yerusalem, kova, hoy kras tout pale-čiddo, hi tiro vi-ladjedo koova. Har kamom me ko pale-čiddo koova toutar krik te lell, kamal te ačell har hals. Doleske ačeh pale-čiddo, yaake rah me miri rholi ap toute vin moukom!

O Debleskro Drom 2021 (Sinte)

¹³ Jerusalem, kowa, hoi kras tut pale-tchiddo, hi tiro wi-ladjedo koowa. Har kamom me ko pale-tchiddo koowa tutar krik te lell, kamal te atchell har hals. Doleske atcheh pale-tchiddo, jaake rah me miri choli ap tute win mukom!

Ezekiel 24:13 Referans Kwoze

Ezekiel 22:24

Tou, mensho, pen ap o them Israel: Tou hal yaake pale-čiddo, te bičrap bouder kek brishin an ko tsiro, kay vell miri rholi ap toute.

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Zefanja 3:2

Te dell yek kol menshen kote trad, shounenn le gar, oun moukenn penge či te penell. Ap o baro Debleste rikran le pen gar, pengro Deblestar kamenn le či te djinell.

Ezekiel 16:42

Palle djal miri tati rholi pral toute krik, oun miro dji doukrell man bouder gar, oun hom bouder gar rhoyedo pral toute.

Ezekiel 8:18

Doleske djau lentsa i rholyah trouyel. Yon khaytenn man bouder gar. Oun man vell kek lačepen lenge. Ninna te denn le palle glan mire kanda pre gole, shounau me gar ap lende.

Debleskro tsiro 22:11

Koon čilačo koova krella, kova krell kova. Oun koon djoungelo koova krella, kova krell kova. Oun koon an o čačepen djivella, ačell an o čačepen! Oun koon o Debleha djivella, kova ačell o Debleha!

Zefanja 3:7

Me penom mange: Te dikenn mire menshe kova lauter, dikenn le pre ap mande, oun moukenn penge mandar čomone te penell! Palle vals lengro foro gar paash kerdo! Oun či vals pral lende, hoy me penom, kay kamau te krell. Kanna vas vavarčandes: Lauter čilačepen krenn le oun moukenn gar tele.

Hosea 7:1

Hako kopo, kay kamau mire menshenge lauter pale mishto te krell, palle sikrell pes, havi doosh o Efrayim ap peste anas, oun har baro o čilačepen kol menshendar an o foro Samaria hi. Yon hi rhorhepangre. Čorepangre phagenn an i khera dren. Oun randepangre čorenn i menshen vin ap o drom.

Ezekiel 24:11

Oun i piri, te hi bouder či an late dren, palle čip lat ap ko tele rhačedo kasht, hoy gomme lolo hi, te vell li tato, oun lakro saster lolo o tatepastar, te djal ko tselo čik tele, hoy les čiklo kras!

Jeremia 31:18

Shounom mishto, har o Efrayim rovas: “Baro Devel, homs har i terno gouroum, kay djinas gar, har te tserdell lo. Tou sikral man daventsa, hoy te krap. An man pale, me kamau pash toute te vell. Tou hal miro Devel.

Jesaja 22:14

Ap mande penas o baro Devel, ko ray pral o bolepen oun i phoub: “Kaya doosh vell lendar gar krik lino yaake rah har djivenn le.”

Ropaskre gilja 1:9

Lakro ripen hi pherdo čik. Oun yoy patsas gar kay lake yaake djala. Dour tele peras li, oun kek hi lake koy, kay penell lake i kamlo lab. “Dik, baro Devel, har djoungeles mange djala, oun kolla, kay man khetne dan, krenn pen bares.”

Zakarie 6:8

Palle das o bolepaskro gole ap mande: “Kol graya, kay djan ap o servo drom, hoy djal an o them Babilonia, kolla kran, hoy o baro Devel kote kamas te krell.”

3. Mose 13:55

Pal kol efta divessa dikell les o rashay pale an. Te ačas ko djoungelo kotar koy, hi kava ripen pale-čiddo, ninna te vas ko djoungelo kotar gar bareder. Kava djounglepen rhas pes dren glan oder palla. Doleske hounte vell kava ripen oder kal koola rhačedo.

3. Mose 14:43

Te vell ko djounglepen pale vin ap i barra an ko kheer,

Jeremia 13:27

Yerusalem, me dikom, har moukal man, dikom tiri rhanč pal vavar deblen, tiro vi-ladjedo koova, tire figure, kolentsa rhoyral man ap i berge oun ap o them. Tou bibarhteli, hal pale-čiddo glan mande! Har rah kameh tou kova te ačell?

Ropaskre gilja 5:22

Vitsral men toutar krik hako tsireske? Nay djal tiri rholi pral mende gar krik?

Ezekiel 5:12

O triinto kotar t'mendar merell ap i pharo nasslepen oun i bokatar. Oun i triinto kotar t'mendar vell glan o foro o rhareha moulo dino. Oun i triinto kotar t'mendar tradau vin ap hake rigya, oun me lau len palla o rhareha.