Ezekiel 23:41 - O Debleskro Lab 2024 (Sinte-Manouche)

⁴¹ Oun beshan t'men ap i rayli beshepaskri. Oun glan t'mende his i rhapaskri tardo, ap kolate lačo koova his. Oun koy pashel čivan t'mer soungepaskro koova oun djet, hoy mange his.

O Debleskro Drom 2021 (Sinte)

⁴¹ Un beshan tumen ap i raili beshepaskri. Un glan tumende his i chapaskri tardo, ap kolate latcho koowa his. Un koi pashel tchiwan tumer sungepaskro koowa un djet, hoi mange his.

Ezekiel 23:41 Referans Kwoze

Ester 1:6

Kote his parne oun blauete plarhte pandlo ap roupene goustria mank turme dran marmor. Troul kol plarhte his layntikre oun lole dorya. Beshepangre i heryentsa dran sonakay oun roup his kote tardo ap i kouč barrengri phoub, hoy zenelo, parno, djelto oun kalo his.

Amos 6:4

Har djoungeles djal t'menge, kay han kanna čiddo ap čibya shoukar kerde i dandentsa foun i elefante, oun moukenn t'menge koy lačes te djal. T'mer denn t'men o per pherdo o masseha i tikne bakrendar oun terne thoulle groumyendar,

Ezekiel 44:16

Yon nay venn an miro kheer dren, oun yon venn pash miri rhapaskri, te venn le mange koy oun boudrenn mange an miro kheer.

Jeremia 44:17

Mer kamah kova te rikrell, hoy mer penam, oun koy bolepaskri rayetsake soungepaskro koova te rhačrell, oun lake mool vin čorell. Kova kram mer, oun kran mare phoure, mare bare raya oun pralstoune an i forya o themestar Youda oun an i dromma o forestar Yerusalem. Har kova kram, his men ninna doha maro, oun menge djas mishto, oun mer dikam kek bibarht.

Jesaja 65:11

T'menge, kay o baro Debles moukan, vell vavarčandes: T'mer bistran miri berga, kay vau an-mangedo, oun čivan o rhorheno debleske, o Gad, rhapen glan. Oun glan o rhorheno debleste, o Meni, čoran mool vin.

Jesaja 57:7

Israel, tou kral tiro čiben pral ap i bari berga, oun djal koy pre, te maress firhen kolenge, kay kek devel hi.

Maleachi 1:7

Koy pre penau me: T'mer anan ap o Debleskri rhačepaskri pale-čiddo mass, oun poučenn: Hoy anam touke, hoy pale-čiddo his? T'mer krenn har te vals miri rhačepaskri či moldo.

Amos 2:8

Ap hake platse, kay o Devel sharedo vell, sovenn le ap koola, hoy lan le i čorvelenge krik, kay siyaan pash lende hi. Oun an o kheer lengro Deblestar piyenn le mool, hoy lan le kolendar, kay siyaan pash lende hi.

1. Samuel 28:23

Yob kamas gar oun penas: “Me kamau gar te rhal!” Kote rakran leskre boudepangre oun koy djouvel ap leste dren. Oun yob shounas ap lende, oun yob stas foun i phoub pre, oun beshas pes ap o čiben.

Ezekiel 41:22

Koy his čomone tardo, hoy vin dikas har i kashteno altaro. Kova his 1,50 (yek-te-paash) metari baro, oun yek metari lengsto oun yek metari bourhlo. Oun leskre ekke, leskro piro oun leskre rigya his dran kasht kerdo. Oun ko morsh penas ap mande: Kava hi koy rhapaskri, hoy glan o baro Debleste tardo hi!

Ezekiel 6:13

Palle hi i moulo-dine čiddo mashkral pengre rhorhene deblende, oun troul lengre rhačepangre trouyel ap haki tikni oun bari berga, oun tel hako baro rouk boud patyentsa, oun tel hake vavar zenele rouka, kay mangan le pengre rhorhene deblen an, oun rhačran lenge lačo soungepaskro koova. Oun t'mer dikenn oun hayvenn, te hom me o baro Devel.