Ezekiel 22:21 - O Debleskro Lab 2024 (Sinte-Manouche)

²¹ Ava, me anau t'men khetne, oun moukau miri rholi ap t'mende zoreles te vell. Oun an miri tati rholi djal t'menge yaake, har te vans roup an i bob.

O Debleskro Drom 2021 (Sinte)

²¹ Awa, me anau tumen khetne, un mukau miri choli ap tumende soreles te well. Un an miri tati choli djal tumenge jaake, har te wans rup an i bob.

Ezekiel 22:21 Referans Kwoze

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Nahum 1:6

Koon nay ačell tardo glan leskri rholi? Koon nay ačell djido, te vell lo rhoyedo? Leskri rholi rhačell har i yag. Ninna i berge phagenn an kotya glan leste.

Jeremia 21:12

T'mer dran o Davideskri familya! Kova penell o baro Devel: Hako dives, te rakrenn o čačepen vin, denn yak, te lell hakeno peskro čačepen! Oun lenn kolen, kay van tele rikedo, dran kol čilačengre vasta vin! Te krenn kova gar, vell miri rholi pral t'mende, har i yag, kay nay krell kek vin. T'mer kran yaake boud čilačepen!

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Jesaja 64:7

Kanna, baro Devel, tou maro dad, mer ham har i loli phoub, dran kolate tou i čaro rhačeh. Tire vasta kran men halauter.

Jesaja 64:2

te kreh tou pale baro zorelo koova, hoy kek vavar nay krell, vitar gar glan-vi dikell. Ab tele, te trissenn i berge glan toute!

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Debleskri gili 112:10

O čilačo dikell kova oun rhoyrell pes. I rholyatar dandrell lo i danda khetne. Yob merell, oun kova, hoy kamas lo te krell, hi čičeske.

Debleskri gili 68:2

O Devel stell pre, oun tradell kolen krik, kay kamenn les gar; ava, kolla, kay hi rhoyedo ap leste, hounte nashenn lestar.

Debleskri gili 50:3

Maro Devel vella oun moukell pes te shounell. Glan leste nashell i yag oun rhal lauter pre. Oun troul leste phourdell i baro zorelo dourho.

Debleskri gili 21:9

Tiro vast hatsell hakenes, kay kamell touke čilačepen te krell. Tiro čačo vast hatsell kolen, kay pen ap toute rhoyrenna.

2. Rajengro liil 25:9

Oun yob rhačras o baro Debleskro kheer tele, ninna ko kheer o baro rayestar oun kol vavar khera an o foro Yerusalem; ava, hako baro kheer rhačras lo tele.

5. Mose 32:22

Miri rholi rhačell pre har i yag, oun rhačrell i tseli phoub, oun halauter, hoy ap late bares vas, oun rhačell tele bis an o telstunepen, oun vell bis tele pash i berge.

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

5. Mose 4:24

Yob hi i zoreli yag, hoy halauter pre rhačrell, oun kamell, te kamenn t'mer les kokres.

Jeremia 8:13

Te kamau pash mire menshende lačepen te hatsell, hom har i harho, kay kamell drake oun fayge dren te lell, oun kay hatsell kek drake oun kek fayge ap i rouka. Ninna kol patria peran tele, penell o baro Devel. Doleske dom kal menshen pre. Vavar menshe lenn penge lengro them.

Ezekiel 21:31

Me, o baro Devel, tiro ray, penau touke: Krik ko dikleha troul tiro shero! Le i rayeskri stadi tele! Či ačell har his. Kova, kay pral his, vell tele. Oun kova, kay tele his, vell pral!