Ezekiel 21:21 - O Debleskro Lab 2024 (Sinte-Manouche)

²¹ Tou rharo, de dren ap i čači rig, oun ninna ap i servi rig, hako kopo glan toute, kote, kay hal!

O Debleskro Drom 2021 (Sinte)

²¹ Tu charo, de dren ap i tchatchi rig, un ninna ap i serwi rig, hako kopo glan tute, kote, kai hal!

Ezekiel 21:21 Referans Kwoze

Gosewe laba 16:33

O mensho vitsrell tikne kashta, te djinell lo, hoy te krell. Har le perenn, kova vell o baro Deblestar.

Čačepangre 18:20

Kote stas o rashayeskro dji i barhtyatar. Oun yob las o rashayeskri damdira, oun o khereskro devel oun i figura dran kasht oun roup, oun djas kol morshentsa.

Čačepangre 17:5

Ko morshes Mika his i debleskro kheer peske oun peskri familyake. Oun yob kras i rashayeskri damdira oun khereskre debla, oun rodas yek peskre čavendar vin, te vell lo leskro rashay.

1. Mose 31:30

Me djinau, tiro dji hi pash tire menshende. Doleske djal touke. Pen mange, hoske čoral mire deblen, kolen me an-mangau?”

1. Mose 31:19

Glan lengro naashepen, har his o Laban vin, te činell lo o bal peskre bakrendar, čoras i Rachel i khereskre deblen, hoy lakro dad an-mangell. Oun yoy las len peha.

Bičepangre 16:16

Yek dives, har mer djam pale pash o pani, kay yon mangan o Debles an, tapram mer i rakli, an kolate his i beng, kova das lat o dourkepen. Lakro dourkepah anas li lakre rayenge boud love dren.

Zakarie 10:2

Ma poučenn i khereskre deblen! Kova, hoy yon rakrenn, hi dinelo koova. Ma djan pash i dourkepangre! Kova, hoy yon glan-vi penenna, hi rhorhepen. Lengre sounya hi či moldo. Lengre lače laba hi gar čačo. Doleske nashrenn pen i menshe har bakre, kolen kek bakrengro hi, oun kay merenna.

Hosea 4:12

Mire menshe poučenn pengre deblen oun vavar kashta, te penenn yon lenge, hoy te krenn le. Lengre djia nashenn i rhorhene deblenge palla. Har i loubni moukell peskro romes, nashan le mandar, pengro Deblestar, krik.

Hosea 3:4

Yaake djal i Israelenge: I rah tsiro hi len kek ray oun kek pralstoune pral pende, oun yon anenn kek firhen o Debleske an leskro kheer. Len hi bouder kek pre-čidde barra, kek rashayeskri damdira oun kek khereskre debla, te poučenn le lendar, hoy te krenn.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Gosewe laba 16:10

Te rakrell i baro ray, hoy o Devel leske an o mouy čivell, palle rakrell lo o čačepen vin pral i mensheste yaake har čačo hi.

2. Rajengro liil 23:24

Ninna tradas o Yosia i tsele dravepangren krik, oun kolen, kay i moulen poučenn, oun moukas i khereskre deblen oun i vavar rhorhene deblen krik te anell dran o them Youda oun dran o foro Yerusalem. Kova kras lo, te vell halauter yaake kerdo, har činlo hi an ko liil, kay lenge o Debleskro drom siklo vell, – ko liil, hoy o rashay Hilkiya an o baro Debleskro kheer hatsas.

1. Samuel 15:23

Te shouneh tou gar ap leste, leh tou doosh ap toute, har te dourkrals tou. Te kreh tou gar, hoy o Devel toutar kamella, hi kova yaake čilačo, har te mangals khereskre deblen oun vavar rhorhene deblen an. Tou vitsral o lab o baro Deblestar ap i rig. Doleske vitsras lo tout ninna ap i rig, yaake te vess tou bouder kek baro ray.”

Čačepangre 18:24

Oun yob penas: “Mire debla, hoy me krom, kolen lan t'mer t'mentsa, oun ko rashayes koy pashel, oun djan t'menge lentsa. Hoy ačell mange palle gomme? Oun har nay poučenn t'mer Hoy hi touha?”

Čačepangre 18:18

Har o rashay kova dikas, poučas lo: “Hoske krenn t'mer kova?”

Čačepangre 18:14

Oun kol panč morsha, kay dikan pen čorrhanes trouyel an o them pash Layish, kolla penan ap pengre phralende: “Djinenn t'mer, te hi an kava kheer i rashayeskri damdira oun i khereskro devel, ninna i kashteni figura, kay roup pral čoredo hi? Denn yak, hoy krenn kanna!”

5. Mose 18:10

Kek mank t'mende hounte rhačrell peskro morsh čaves oder peskri čat an i yag o Debleske. Kek mank t'mende hounte vell i dourkepaskro, kek i dravepaskro, kek, kay krell vavar bengeskri koova,

4. Mose 23:28

Oun o Balak anas les pash i berga Peor, kay nay dikas lo tele ap koy telstouno them pash o pani Yordan.

4. Mose 23:23

Koy hi kek dourkepen, hoy rakreh nay vin pral o Israel, vitar kek bengeskro koova, hoy nay krals tou o Yakobeskre menshentsa. Pral lende vell penlo: Dikenn, havo baro koova o Devel lenge kras!

4. Mose 22:7

Oun i phoureder kol menshendar Moab oun Midian djan khetne pash o Bileam. Oun love his an lengre vasta o dourkepaske. Oun yon van pash leste, oun penan leske kol laba, hoy o Balak penas.

Mateo 22:9

Djan kanna ap i dromma, kay boud menshe hi! Oun penenn lauterenge, kay t'mer kote hatsenna, te venn le ap i biyab!