Ezekiel 21:12 - O Debleskro Lab 2024 (Sinte-Manouche)

¹² Oun te poučenn le toutar: Hoske le tou yaake phares dourho? Palle peness: Shounom djoungelo rakepen, hoy gomme vell. Koon kova shounell, koles taprell i bari daar. An leskre vasta hi bouder kek zoor. Leskro dji dell sik. I daryatar nay rikrell lo peskro pani gar. O tsiro hi kay, kova vell sik! Čačepah, kova vell, penell o baro Devel, maro ray.

O Debleskro Drom 2021 (Sinte)

¹² Un te putchenn le tutar: Hoske le tu jaake phares ducho? Palle peness: Shunom djungelo rakepen, hoi gomme well. Koon kowa shunell, koles taprell i bari daar. An leskre wasta hi buder kek soor. Leskro dji dell sik. I darjatar nai rikrell lo peskro pani gar. O tsiro hi kai, kowa well sik! Tchatchepah, kowa well, penell o baro Dewel, maro rai.

Ezekiel 21:12 Referans Kwoze

Ezekiel 21:6

Oun o baro Devel penas ap mande:

Joel 1:13

T'mer rashaya, kay han tardo pash o Debleskri rhačepaskri, rivenn t'men an gone, oun denn gole i bibarhtyatar! Ninna ratsyake rivenn ko gono gar vin, t'mer, kay boudrenn miro Debleske! Hi kek djob koy oun kek mool, hoy nay anans t'maro Debleske an leskro kheer.

Micha 1:8

Pral kova halauter hounte dap i bari gole oun hounte rovap, me nashau pirkenes oun nanges, te sikrap har miro dji rovella. Har i divyo djouklo dau gole, oun rovau har ko čirklo, hoy kharell straussa.

Ezekiel 30:2

Tou, mensho, pen glan-vi, hoy pral o them Egiptia vella! Pen: Kava penell o baro Devel, maro ray: Rovenn zoreles! Havo djoungelo dives vella!

Ezekiel 21:14

Tou, mensho, pen glan-vi, hoy vella! Pen lenge: Kava penell o baro Devel: Dik o rharo, o rharo, hoy lačes činell, oun djoudjo kerdo hi.

Ezekiel 9:8

Oun har le kova kran, ačom me kokres ap i platsa glan o Debleskro kheer pale. Oun moukom man ap i phoub te perell, oun dom pre gole oun penom: Baro Devel, miro ray! Hal tou yaake rhoyedo pral Yerusalem, te moukess halauteren moulo te dell, kay i Israelendar pral ačan?

Ezekiel 6:11

Oun o baro Devel, miro ray, penas ap mande: De an tire vasta oun stake tire heryentsa zoreles pre, oun de vin gole: Havi bibarht vell pral i menshende Israel dran ko boud djoungelo koova, hoy yon kran! O rhareha oun i bokatar oun ap i pharo nasslepen hounte merenn le.

Jeremia 31:19

Har dikom miri doosh dren, moukom miro čilačo drom, oun har khaytas man, hoy krom, dom mire vasta pral o shero khetne. Ko vi-ladjedo koova, hoy krom, har terno homs, koleske ladjom oun vom lolo i ladjatar.”

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Jeremia 25:34

T'mer pralstoune, kay hounte vans har bakrengre o baro Debleskre menshenge, rovenn oun denn gole! Čivenn t'men tele an i yagakri čik! O tsiro hi koy, kay venn maredo. T'mer perenn tele oun venn phagedo har i kouč khoro, hoy perell tele.

Ezekiel 21:11

Oun tou mensho, dja banges oun le phares dourho! Ava, le phares dourho, har te phagals tiro dji! Kre kova glan i yaka i Israelendar!

Ezekiel 21:13

Oun o baro Devel penas ap mande:

Ezekiel 21:25

Ko yek djal an o foro Rabba, kay i Ammonarya djivenn, ko vavar an o zorelo foro Yerusalem an o them Youda. Yaake sikreh tou kol dromma, ap kolende o baro ray nay vell peskre lourdentsa.

Ezekiel 22:6

I pralstoune pral Israel, kay djivenn an t'maro foro, krenn har te vals len yaake boud penepaske, te nay marenn le menshen.

Jesaja 13:7

Doleske hi i menshen bouder kek zoor, te krenn le čomone, oun daar peras ap lende.

Ezekiel 7:17

Kek zoor hi len bouder an pengre vasta. I daryatar nay rikrenn le pengro pani gar.

Joel 2:1

Phourdenn an i phourdepangre! Denn bares gole ap miri berga, koy berga Sion! Trashenn, t'mer lauter, kay djivenn an o them Youda! O dives o baro Deblestar vella sik!