Ezekiel 20:7 - O Debleskro Lab 2024 (Sinte-Manouche)

⁷ Oun me penom ap lende: Hakeno t'mendar hounte vitsrell kol djoungele figuren krik, hoy lo an-mangell. Rikrenn t'men pale kol rhorhene deblendar, kolen i Egiptarya an-mangenn, te venn t'mer gar pale-čiddo! Me, o baro Devel, hom t'maro Devel.

O Debleskro Drom 2021 (Sinte)

⁷ Un me penom ap lende: Hakeno tumendar hunte witsrell kol djungele figuren krik, hoi lo an-mangell. Rikrenn tumen pale kol chochene deblendar, kolen i Egiptarja an-mangenn, te wenn tumer gar pale-tchiddo! Me, o baro Dewel, hom tumaro Dewel.

Ezekiel 20:7 Referans Kwoze

3. Mose 18:3

Ma djivenn yaake har i Egiptarya, an kolengro them djivan, vitar gar har kolla an o them Kanaan, kote kay t'men anau. Ma djivenn pal lengro koova.

Ezekiel 20:8

Yon moukan pen či mandar te penell, oun kaman gar ap mande te shounell. Kek vitsras kol djoungele figuren krik, hoy lo an-mangas. Kol egiptikre deblen kaman le gar te moukell. Kote kamom miri rholi pral lende vin te čorell. Gomme kote an o them Egiptia kamom miri tseli rholi ap lende vin te moukell.

Ezekiel 18:31

Moukenn t'mare čilače dromma! Oun lenn t'menge i nevo dji oun i nevo dourho! Hoske kamenn t'mer te merell, t'mer dran o kheer Israel?

3. Mose 11:44

Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake, te vell či tardo mank mande oun t'mende. Ma krenn t'men pale-čiddo ap i tikno firho, hoy djal pral i phoub.

Ezekiel 23:8

Har li i terni djouvel his an o them Egiptia, sovan i morsha lah, oun tapran lakre čoučya an, oun kran lah trouyel. Oun savo koova moukas li kanna gar.

Ezekiel 23:3

Kolla van loubya an o them Egiptia, har le terne his. Kote moukan le pengre čoučya an te taprell.

Ezekiel 20:19

Me, o baro Devel, hom t'maro Devel. Rikrenn t'men ap mire laba, hoy t'menge sikrenn, hoy t'mendar kamau! Djivenn pal mire čačepaskre laba!

Ezekiel 18:15

Yob mangell gar kol rhorhene deblen an, hoy i Israelitarya an-mangenn, oun rhal gar o massestar, hoy lenge dino vas. I vavareskri romyah djal lo gar.

Ezekiel 18:6

kova rhal či ko massestar, hoy i rhorhene deblenge dino vas. Yob mangell gar i rhorhene deblen an, kolen i Israelitarya an-mangenn, oun djal gar i vavareskri romyah, oun sovell gar i djouvyah an ko tsiro, kay lat peskro koova hi.

Ezekiel 14:6

Doleske pen ap o kheer Israel: Kava penell o baro Devel, maro ray: Djan tele t'maro čilačo dromestar, oun moukenn t'mare rhorhene deblen, hoy yaake djoungelo an mire yaka hi!

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Jesaja 31:7

T'mer kran t'men roupene oun sonakangre figure, hoy an-mangan. Kova his i bari doosh. O dives vell, kay vitsrell hakeno t'mendar kal figure krik, hoy lo peskre vastentsa kras.

2. Familjakro liil 15:8

Oun har o Asa kava rakepen shounas, hoy o Debleskro rakepaskro, o Asarya, glan-vi penas, vas les zoor. Oun yob moukas dran ko tselo them Youda oun Benyamin oun dran kol forya, hoy yob dren las ap i berge Efrayim kol djoungele figuren krik te anell, hoy i menshe an-mangan. Oun yob moukas o sonakaskro bob neves te krell, kay soungepaskro koova o baro Debleske rhačedo vell. Kova his tardo glan i bari glanstouni isema o baro Debleskro kherestar.

Josua 24:14

Oun o Yosua penas doureder: “Pash halauter, hoy krenn, rikrenn t'menge o baro Debles glan i yaka! Mangenn les an i djoudjo oun čačo djiyeha! Čivenn i rhorhene deblen krik, kolen t'mare phoure an-mangan, har his le ap i vavar rig o panyestar Eufrat oun an o them Egiptia. Mangenn kokres o baro Debles an!

3. Mose 17:7

I Israelitarya hounte marenn bouder kek firhen i bengenge, kolenge yon kanna gomme palla nashenn. Ap kova hounte rikrenn le pen, ninna lengre čavenge oun kolengre čavenge oun yaake doureder hako tsireske.

2. Mose 20:4

Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an o baro pani.

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 16:12

“Me shounom, har rhoyedo i Israelitarya his. Rake ap lende oun pen: An i rat rhan t'mer mass. Oun taysarlakro rhan t'mer t'men čalo ap o maro, te dikenn, te hom me t'maro baro Devel.”

3. Mose 20:7

Me, o baro Devel, hom t'maro Devel. Doleske avenn mange kokres koy. Či hounte vell tardo mank mande oun t'mende!

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

2. Mose 22:20

Ma krenn kolen o djipen phares, kay hi vi-themarya pash t'mende! Oun moukenn len gar čičeske t'menge te boudrell! Bistrenn gar, te hans t'mer ninna vi-themarya an o them Egiptia.

Ezekiel 23:7

Oun yoy loubras trouyel lentsa, kol an-dikle morshentsa dran o them Assour. Oun yoy mangas kol rhorhene deblen an kol morshendar, kolenge yoy palla nashas. Oun yaake vas li pale-čiddo mange.

3. Mose 18:2

Pen ap i Israelitarya: Me, o baro Devel, hom t'maro Devel.

Ezekiel 34:24

Oun me, o baro Devel, vau lengro Devel. Oun ko morsh, kay hi har miro boudepaskro, o David, vell o ray mank lende. Kava penau me, o baro Devel.