Ezekiel 20:6 - O Debleskro Lab 2024 (Sinte-Manouche)

⁶ Me dau man sovel, te anap t'men vin dran o them Egiptia oun anau t'men an i them, koles me t'menge vin rodom. Kova hi i them, kay boudeder har doha thoud oun gvin hi. Kava them hi shoukeder har i tsele vavar themma.

O Debleskro Drom 2021 (Sinte)

⁶ Me dau man sowel, te anap tumen win dran o them Egiptia un anau tumen an i them, koles me tumenge win rodom. Kowa hi i them, kai budeder har doha thud un gwin hi. Kau them hi shukeder har i tsele wawar themma.

Ezekiel 20:6 Referans Kwoze

Ezekiel 20:15

Me hadom miro vast pre, oun dom man sovel, te anau len gar an ko them, hoy lenge vin rodom, ko them, an koleste boudeder har doha thoud oun gvin hi, oun hoy shoukeder hi har i tsele vavar themma.

Jeremia 32:22

Oun dal tire menshen kava them, har tou tout sovel dal glan lengre phourende, te dess les lenge, – i them kay boud thoud oun gvin hi.

Debleskri gili 48:2

O baro Devel, zorelo hi lo! Maro Devel, moldo hi lo, te sharas les an peskro foro, hoy hi pral ap koy berga, kay yob djivella.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

Zakarie 7:14

Doleske tradom len an vavar themma, hoy prindjran le gar. Oun lengro them vas mouklo. Kek boudras oun djivas bouder gar koy. Yaake kran le dran kava lačo them i moulo them.

Daniel 8:9

Oun dran yek lendar vas yek vavar tikno shing vin. Kova vas bareder oun bareder oun sikras ap koy rig, kay o kham pralstounes tardo hi, oun palle ap koy rig, kay o kham pre djal, oun palle ap koy rig, kay o raylo them hi.

2. Mose 33:3

Yaake anau t'men an ko them, kay hi boud thoud oun gvin. Me vau gar t'mentsa. T'mer djivenn pal t'maro shero oun kamenn gar te shounell. Oun me doms nay t'men moulo ap o drom, te djoms t'mentsa.”

Daniel 11:41

Oun yob perell dren an o raylo them. Oun boud merenn kote. Kalla, kay nashenn dran leskro vast, hi i menshe dran i themma Edom oun Moab, oun i pralstoune i menshendar dran o them Ammon.

Daniel 11:16

Oun ko baro ray dran o them Syria krell lentsa, hoy yob kamell. Oun kek nay ačell glan leste tardo. Oun yob peskre lourdentsa vell ninna an o raylo them, oun stakrell les khetne.

Ezekiel 20:42

Me anau t'men pale an o them Israel – an ko them, kolestar sovel dom, te dap les t'mare phourende. Palle dikenn oun hayvenn t'mer, te hom me o baro Devel.

Ezekiel 20:23

Me hadom miro vast pre, oun dom man sovel kote an o moulo tato them, te tradap len an vavar themma oun mank vavar menshende,

Ezekiel 20:5

Pen lenge: Kava penell o baro Devel, maro ray: Me rodom i Israelitarya vin, te venn le mire menshe. Har yon gomme an o them Egiptia his, penom lenge, koon me hom. Ava, me hadom miro vast pre, te dap man sovel, oun penom kolenge dran o kheer Yakob: Me, o baro Devel, hom t'maro Devel.

Jeremia 11:5

Palle rikrap nay koy sovel dren, hoy dom len, oun dap len ko them, kay thoud oun gvin nashenna, yaake har kova kay dives hi. Me penom: Ava, baro Devel, yaake hi kova.

5. Mose 32:8

har o pralstouno Devel i menshen pengro them das. Yob moukas i natsyone kote djivenn, kay lo kamas. Peskre čaven Israel das lo hakenes i them bares doha leskre menshenge.

5. Mose 31:20

Me anau len an ko them, yaake har man sovel dom glan lengre phourende, te krap kova. Kova hi i them, an koleste boud thoud oun gvin hi. Oun yon rhan oun venn čalo oun thoullo. Oun kote nashenn le vavar deblenge palla, oun mangenn kolen an. Oun ap mande dikenn le tele, oun phagenn koy sovel, hoy le mantsa dren djan.

5. Mose 27:3

Oun činenn kol tsele laba pre, hoy sikrenn, har te djan miro drom. Oun čivenn kal barra pre ap i berga Ebal! Kova krenn ap ko dives, kay venn an ko them, kay baro Devel t'men dell. Yob hi o Devel, koles t'mare phoure an-mangan. Oun yaake har yob lenge penas, hi kova i them, an koleste thoud oun gvin nashell.

5. Mose 26:15

Dik tele ap mende dran tiro bolepaskro kheer! Oun čip tiri barht ap mende, tire menshende Israel, oun ap ko them, hoy tou men dal, yaake har tou tout glan mare phourende sovel dal, te deh men i them, hoy yaake lačo hi, te nashell thoud oun gvin koy dren.”

5. Mose 26:9

Oun yob anas men kay oun das men kava them, hoy yaake lačo hi te nashell thoud oun gvin koy.

5. Mose 11:9

Oun t'mer djivenn i rah tsiro an ko lačo oun bravelo them, hoy o baro Devel pes glan t'mare phourende sovel das, te dell lo les lende oun lengre čavende pal lende.

5. Mose 6:3

Yaake shoun kanna, Israel, oun de yak te kress kova halauter, te djal touke mishto. Oun t'mer venn i bari natsyona an ko them, kay hi boud thoud oun gvin, yaake har o baro Devel, o Devel t'mare phourendar, kova t'menge penas.

4. Mose 14:8

Te hi o baro Devel kamlo ap mende, anell yob men an ko them oun dell les mende. Kova hi i them, kay hi boud thoud oun gvin.

4. Mose 13:27

Oun yon penan: “Mer vam an ko them, kay tou bičral men. Oun čačepah an ko them hi boud thoud oun gvin. Dikenn i drake, fayge oun phabya, hoy kote bares van!

3. Mose 20:24

T'menge penau: Lengro them dau t'mende, te vell lo t'maro. Kova hi i them, kay boud thoud oun gvin hi. Me, o baro Devel, hom t'maro Devel, oun rodom t'men mange dran i vavar themma vin.

2. Mose 13:5

O baro Devel das pes sovel glan t'mare phourende, te dell lo t'men ko them, kay djivenn kanna i Kanaanitarya, i Hetarya, i Amorarya, i Hivarya oun i Yebousarya. Kova hi i them, kay hi boud thoud oun gvin dren. Ap ko tsiro, kay anas t'men o baro Devel an ko them, krenn pale yaake hako bersh an o čon Abib:

2. Mose 3:17

Me dau miro vast pre: Kava djoungelo djipen herell pes pre. Me, o baro Devel, lau t'men dran o them Egiptia vin, oun anau t'men an ko them, kay djivenna i Kanaanitarya, i Hetarya oun i Amorarya, i Perisarya, oun i Hivarya oun i Yebousarya. Oun kova hi i them, kay hi boud thoud oun gvin.

2. Mose 6:8

Palle anau me t'men an ko them, koleske me miro vast dom, oun man sovel dom, te dau les o Abrahameste oun o Isaakeste oun o Yakobeste. Kava them dau me t'mende, te vell lo t'maro them. Me, o baro Devel, dau les t'mende.”

5. Mose 32:40

Me hadau miro vast oun dau man sovel pash miro djipen:

Debleskri gili 106:24

Oun lenge his ko shoukar them či moldo, oun patsan gar ap ko lab, hoy o Devel len das.

5. Mose 3:25

Mangau tout, mouk man pral o pani Yordan vergel te djal oun ko lačo them te dikell, hoy kote hi, kol shoukar berge oun o Libanon.”

Nehemia 9:9

Oun tou dikal o pharo djipen mare phourendar an o them Egiptia, oun shounal lengri gole, har his le pash o Baro Lolo Pani.

Nehemia 9:12

Oun tou sikral len o drom. Ap o dives djas i folka glan lende, oun i rati i yag, te vell len i momeli ap o drom, koles yon hounte djan.

Debleskri gili 47:5

Yob rodas menge o them vin, oun das les mende, te djivas kote. Pral kova ham barhtelo, mer, i čave o Yakobestar, kolen yob boud kamell.

Jeremia 3:19

Me, o baro Devel penom, har nay rikrau me tout, har te vess tou miro čavo? Kamoms te dap tout ko lačo them, ko shoukester kotar them i tsele themendar. Oun patsom, tou peness palle ap mande kamlo tata, oun djals bouder gar mandar krik.